सांजवेळी रंग मावळतीचे,
तुझी आठवण देऊन जातात...
चंद्र उगवताना त्याच आठवणी,
मनात माझ्या वसंत फुलवतात...

प्रेमळ निरागस अबोल भाव,
भास तुझ्या मुलायम स्पर्शाचे...
अंतरात उत्सव भावनांचे अन्
मैत्र हे आपले युगायुगांचे...

देतो निरोप रोज मी आठवांना,
नव्याने पुन्हा मनात घेतात जागा...
मावळतीच्या उगवतीच्या रेषेवर
वाहतो आनंदे भार मी त्याचा...
@dpb

-

भाव खोट्या प्रेमाचे,
चेहऱ्यावर दाखवतेस अनेकदा...

वावगं त्यात आहे तरी कुठं,
मनाला समजावलं कितीदा....

सहवास तुझा मिळतोय बस,
तेव्हढीच तुला बघायची संधी....

बाकी इतर काही जाणून घेण्याचा ,
प्रयत्न मी कुठं केलाय कधी....
@dpb

-

खूप केलं प्रेम ,प्रेम मिळालं नाही,
तुझ्या सारखं कोणीच भेटलं नाही ...

मारल्या गप्पा इकडच्या तिकडच्या,
सांगायचे होते तेच बोललो नाही...

ओढ होती,आकर्षण होतेच होते,
यालाच म्हणतात प्रेम समजलेच नाही...

ओलावल्या पापण्या तू सोडले तेव्हा,
त्यानंतर मात्र कुठे गुंतलो नाही ..

जवळच्यांनीच दिले धोके खूप मोठे,
दुसऱ्यांबद्दल काहीच तक्रार नाही...
@dpb

-

रात्र अवखळ होती,
वेळ ही जराशी तशी...

घाई तुला नव्हती ,
मलाही नव्हती फारशी...

प्रहर रात्रीचे टळताना,
पहाट उगवली तेव्हा...

मिठी तुझी नी माझी,
विरघळली नाही कशी..


@dpb

-

भरून आले डोळे माझे,
तुला वाहताना दिसले नाही...
मनातले कोरडेपण माझ्या,
तुला कसे समजले नाही...

बरसत होतं आभाळ माझं,
तू आकाशाकडे पाहिलं नाही...
तू दूर उभी छत्री खाली म्हणून,
पायाजवळ ओलवलं नाही....

सांगायचं होतं तुला ते सारं,
पापणीतून निसटून गेलं...
शब्दात लिहिलंय त्यातलं काही,
पण तुला पाठवायचं राहून गेलं...

-

सहवास तुझा,
रेशमी स्पर्शाचा...
श्वासात भरतो
गंध चंदनाचा...
सभोवार जणू,
चांदणं पुनवेचं...
हसू गालावर,
लाख मोलाचं...
तूच स्वप्न अन्,
जगणं तूच माझं...
तूच काव्य अन्,
प्रेम गीत माझं...
@dpb

-

Full moon,
Fills my mind...
Feels my heart,
Calm and kind....

-

दिल्यात खूप जखमा तू,
जरासा उपचार पाहिजे...
पडलो उन्मळून कितीदा,
जरासा आधार पाहिजे...

मौनात तुझ्या शोधतो,
अंदाज लागला पाहिजे...
नजरेत समजेना काही,
बोलका संवाद पाहिजे...

-

कोवळ्या सकाळी उभी समोरी,
जशी वेलीवर फुलली चमेली,
रूप तुझे साठवावे लोचणी हे...

सावरताना बट डोळ्यावरची,
कटाक्ष माझ्यावर टाकलास तू,
नजर तुझी त्यात,जीवघेणी आहे...

उठती तरंग हृदयात माझ्या,
कैद झालोय नजरेत तुझ्या,
पुकारली श्वासांनीआणीबाणी आहे.

असावेस अशीच हसरी समोर,
नाही भेटली कधी तरी तू दिसावे,
मनातून एवढीच मागणी आहे....

@dpb

-

आयुष्य एक झोका,
मिळाला तर आनंद...
नाहीतर धोका,जर
नाही कळला आनंद..

-