Dard se kafi dafa waqif hua tha main
Par ye Dard kuch alag tha.

Akela rehne ki toh jaise aadat si ban gai thi
Par ye akele hone ka Darr kuch alag tha.

Apno ko paane ki Khwahish nahi ki thi kabhi
Par iss apne ka milna kuch alag tha.

Yaaron ki koi kami nahi thi Zindagi mein
Par ek bade bhai ka aese jana kuch alag tha.

Waise toh dil hazaron baar bhar chuka tha
Par is baar ye bojh kuch alag tha.

Aansoon Shayad anginat nikle hain in Aankhon se
Par in ashkon ka ehsaas kuch alag tha.

Dua toh hamesha ye ki hain ki sab Khush rahe
Par is dua mein chupa jazbaat kuch alag tha.

- Dhairya Mehta