Tumhe Usase Mohabbat Hai

Agar uski khamiya pata hone pr bhi,
Tumhe usase koi aitraz nahi ,
To ha Tumhe usase mohabbat hai.

Tum agar use badlna nahi chahte,
Bas use usase behtar banana chahte ho,
To ha Tumhe usase mohabbat hai.

Jab vo shaksh kisi uljhan me ho ,
Or tum uske sath reh use suljhane me masroof ho ,
To ha Tumhe usase mohabbat hai.

Uske dard se agar tumhe fark pade,
Or tum uske dard ko mehsoos kar sako,
To ha Tumhe usase mohabbat hai.

Uski gustakhi pr uska sath na dekar ,
Use sahi or galat ka fark bata sako .
To ha Tumhe usase mohabbat hai.

-

Zindagi me kabhi-kabhi kitni ajib chize hoti hai na,
Kabhi koi anjan apna sa ban jata hai,
Toh kabhi koi apna ,
Prayo sa Nazar aata hai.

Kabhi kisi ke lie ham sab kuch kare ,
Fir bhi vo hamare pyar ko nahi samjh pata hai.
Toh koi hamare Bina kuch kie hi ,
Hamare lie duniya se ladh jata hai.

-

Tuta Dil ....

Inkar karti hu tere ishk se,
Esa nahi ki teri mohabbat me Kami hai.
Dil tut Chuka h mera ek dafa,
Mana usme galti teri nahi hai.

Dil ek bar chahe to tere pyar ko qubool karle,
Magar dimag manzuri nahi deta.
Dil ki bohot fikr karta hai,
Usse dobara tut ke bikharne ki ijazat nahi deta.

Us tute hue Dil ke tukde aaj bhi sine me chubhte hai,
Haal kuch esa hai ki ab ham mohabbat se darte hai.

Kya mere dil ke tukdon ko apne pyar ke malham se jod paoge ,
Jo pyar se bharosa utha hai vo dobara la paoge.

Sath doge Mera umr bhar ,
Ya tum bhi mera dil tod mujhe bich raste me tanha kar jaoge.

-

Dharyon shish jab ram sharan me,
Kahe Ka bhay satae.
Smaran kar hriday se Prabhu ka ,
Vo teri dhaal ban jae.

-

Mujhe " Itr " ki khushbu pasand hai,
Magar uski khushbu meri manpasand hai.
Us khushbu ka koi mol nahi ,na vo bazaro me bikti hai.
Us pyari si khushbu ko pane ke lie ,
Mujhe bas usse gale lagane ki zarurat hoti hai.

-

Hoti nahi hai batein din bhar to kya hua,
Din ka pehla or aakhri khayal to aap hi hote ho.
Hakikat me na Sahi,
Magar khwab me aap hamesha mere sath rehte ho.

-

Intazar uska karo ,
Jo tu tumse Milne ko utna hi bekrar ho jitna ki tum usse.

-

Todaa tumhara Dil kisi ne ,
To apna dil behlane ke lie,
Kisi or se batein mat karna.
Kyuki agar laga liya dil usne tumse,
Toh kha-m-kha uske dil ke gunahgar tum kehlaoge.

-

Sirf jaadu ki jhappi de mere sare gamo ko
Vo mom sa pighla deti hai.
Meri shitaaniyon pr thodi narazgi jata ,
Bad me muskura deti hai.

Uske pyar ko bayan karne jau,
To alfaz kam padh jate hai.
Or agar uski tarif me kuch likhu ,
To dairy k panne bharte hi jate hai.

Maa ka pyar to ek khubsurat ehsas hota hai,
Jo Kewal mehsus Kiya jata hai.
Paristhithi chahe anukul ho ya viprit,
Maa kar aashirwad hamesha hamara sath nibhata hai.

-

MAA

Dost jesi he vo meri,
Mere har raz janti hai.
Meri ankho me bina dekhe bhi vo mera ,
Sara hal janti hai.

Hu agar mushkil me ,
Pal me usse nikalne ka rasta batati hai.
Mere sath kya hone wala hai,
Vo apne sapne me dekh ,
mujhe pehle hi agah karti he.

Parchhaiya bhi andhera aane pr sath chhod deti hai.
Pr vo to meri pran-vayu ban ,
hamesha mere sath rehti hai.

Haa vo meri Maa hai jo,
Har kadam pr mere sath rehti hai.
Mujhe chot lagne pr aksar ,
Aansu uski ankho m hote hai.

-