சிலர் சிலரை மிக லாவகமாக
இறுக்கி கொண்டுதான் இருக்கிறார்கள்
பாசமென்னும் பாசக்கயிற்றால் !

-

'ஐ லவ் யூ' சொன்னதில்லை
'மிஸ் யூ' சொன்னதில்லை
கைகோர்த்தும் சென்றதில்லை
ஆனால் இன்றளவும் காதலிக்கிறார்கள்
அம்மாவும் அப்பாவும் !

-

உழுது கொண்டிருந்த காலம்
முடிந்து விட்டது
விதைக்கும் காலம் கனிந்து விட்டது
கலங்காமல் காலம் கருதி கருத்துடன் விதைத்துவிடு
அறுவடை சிறக்க வாழ்த்துகள் !

-

அடிக்கடி அழைப்பும்
குறுஞ்செய்தியும்
ஓய்ந்தது மூன்று முடிச்சியில் !

-

கனவுதான்
ஏச்சு பேச்சுகளில்லாத
ஒரு வயோதிகம் !

-

ஏதோ ! ஒரு திண்ணையில்
காத்துக்கிடக்கிறது
தளர்ந்த ஆத்மா !

-

இதய குறியீடுகளை அனுப்பி
பழகிக்கொள்கிறேன்
அன்பை பெறுவதற்கு !

-

மிக சுலபமாக கேட்டுவிடுகிறோம்
பத்துமாத வேதனை புரியும் வரை
என்னை ஏன் பெத்தயென்று !

-

வெறுங்கையில் தான்
முளைக்கிறது
தன்னம்பிக்கை !

-

ஆயிரம் சொல்லுங்கள்
ஏதோ ஒருமுறை
தோன்றி தான் விடுகிறது
செத்துத் தொலையலாமென்று !

-