സ്വന്തം ഐഡന്റിറ്റിയിൽ
എല്ലാവരേയും തൃപ്തിപ്പെടുത്തിക്കൊണ്ട്
ജീവിക്കുക എന്നതും
ഈ ലോകത്തിൽ മനുഷ്യൻ നേരിടുന്ന ഏറ്റവും വലിയ വെല്ലുവിളികളിൽ ഒന്നാണ്.

-

വെറുതേ ജീവിച്ചുതീർക്കുക എന്നതല്ല
ഈ ജീവിതത്തിന്റെ ലക്ഷ്യമെന്ന് തിരിച്ചറിയുന്നിടത്ത്
നിങ്ങളുടെ വിജയം ആരംഭിക്കുന്നു...

-

എത്രത്തോളം ചേർത്തുപിടിക്കുന്നോ.. അത്രത്തോളം കൂട്ടായി ഞാനുമുണ്ടാവും...
എന്നും..

-

വഴിവക്കിൽ തെളിഞ്ഞു നിൽക്കുന്ന
വിളക്കുകൾ പോലെയാടോ
ചിലരുടെയൊക്കെ ജീവിതം..
മറ്റുള്ളവർക്കു പ്രകാശം പരത്തുമെങ്കിലും
അവരുടെ നെറുകയിൽ മുഴുവൻ
ഇരുട്ടായിരിക്കും

-

സ്വന്തം ജീവിതത്തിലെ ഇഷ്ടങ്ങൾ
മറ്റുപലതിനും വേണ്ടി മാറ്റിവെയ്ക്കാൻ
നിർബന്ധിതരാവുമ്പോൾ തോന്നുന്ന ഇഷ്ടക്കേടുകളാണ്, പലപ്പോഴും
'മടുപ്പ്' എന്ന ഒറ്റവാക്കിൽ
വ്യാഖ്യാനിക്കപ്പെടുന്നത്.

-

പ്രണയത്തിനൊരു സംഗീതമുണ്ട്.
എന്റെയുള്ളിൽ ഉരുത്തിരിഞ്ഞ്,
നിന്റെ വീണയിൽ പൂവിട്ട്
നമ്മളൊന്നായി പാടിയ
അന്നത്തെ ആ ഗാനം പോലെ
മധുരമായ സംഗീതം.

-

ചിലരോടൊക്കെയുള്ള അതിരുകവിഞ്ഞ വിശ്വാസം ഉള്ളിലിട്ടുകൊണ്ട് നടന്നതോർക്കുമ്പോൾ ഇടയ്ക്കൊക്കെ സ്വന്തം ജീവിതത്തോടൊരു പുച്ഛം തോന്നാറുണ്ട്.

-

നിന്നോടൊന്നു മിണ്ടിത്തുടങ്ങിയാൽ
വിതുമ്പിപ്പോകും എന്നതുകൊണ്ടുമാത്രം
വിടാതെ ചേർത്ത് പിടിച്ചിരിക്കുന്ന
എന്റെ ആയുധമാണീ മൗനം

-

അനാവശ്യങ്ങളല്ല, മറിച്ച് അവകാശങ്ങൾ നിഷേധിക്കപ്പെടുന്നിടത്ത് നിശബ്ദമായി നോക്കിനിൽക്കേണ്ടി വരികയെന്നത് വല്ലാത്തൊരു ഭീകരതയാണ്.

-

സ്വന്തം കഴിവില്ലായ്മയേയും ബലഹീനതകളെയും അലങ്കാരമായി കൊണ്ടുനടക്കുന്ന മനുഷ്യരാണ് ജീവിതത്തിൽ ഒരിക്കലും രക്ഷപെടാത്തത്

-