ഡിയർ ഡയറി,

ഒരു കാര്യം ചോദിച്ചോട്ടെ....
നിന്നോട് എപ്പോഴെങ്കിലും മനസാക്ഷി സംസാരിക്കാറുണ്ടോ? അല്ലെങ്കിൽ ചോദ്യങ്ങൾ ചോദിച്ചു വീർപ്പുമുട്ടിക്കാറുണ്ടോ?

എന്നോട് ചോദിക്കുന്നുണ്ട്.. ചിലപ്പോൾ ഒക്കെ ഭ്രാന്ത്‌ പിടിപ്പിക്കാറുണ്ട്..ഉത്തരം കൊടുക്കാൻ എന്റെ കയ്യിലെ അക്ഷരമാലകൾക്ക് പോലും കഴിയുന്നില്ല.. വാക്കുക്കൾ ഒക്കെ പകുതി വഴിയിൽ മുറിഞ്ഞു പോകുന്ന പോലെ..

ഒന്ന് അറിയാം, ചെയ്യാൻ കഴിയുമായിരുന്ന ഒരുപാട് കാര്യങ്ങൾ ഉണ്ടായിരുന്നു.. ചില ഉത്തരവാദിത്തങ്ങൾ ഉണ്ടായിരുന്നു... മനസ്സുകൊണ്ട് ചെയ്യണം എന്ന് വിചാരിച്ച പല കാര്യങ്ങളും മറ്റുള്ളവർ ഒറ്റപ്പെടുത്തുമോ അല്ലെങ്കിൽ അവരൊക്കെ എന്ത് പറയും, എന്ത് ചിന്തിക്കും എന്ന് കരുതി വഴി മാറി നിന്നു.

എന്നാൽ ഇന്നോ...ഞാൻ അന്ന് ആരെയൊക്കെയോ ഭയന്നതിനേക്കാൾ ഭയാനകമായി തോന്നുന്നു..
സമയം വളരെ വേഗത്തിൽ കടന്നു പോയി കഴിഞ്ഞു.. തിരിഞ്ഞു ഒന്ന് ഓടാൻ കഴിഞ്ഞിരുന്നെങ്കിൽ എന്ന് തോന്നുന്നു...

മനസ്സിൽ ശരി എന്ന് തോന്നിയെ കാര്യങ്ങൾ ഒരു കാരണത്താലും മാറ്റാൻ പാടില്ലായിരുന്നു...ഒരു പക്ഷെ ഞാൻ ചെയ്തിരുന്നെങ്കിൽ ഈ വേട്ടയാടൽ ഞാൻ അനുഭവിക്കില്ലായിരുന്നു...

മണ്ണിൽ അലിയുന്നതുവരെ എന്റെ മനസ്സാക്ഷി എന്നെ നോവിക്കുക തന്നെ ചെയ്യും...

ദീപിക..

-

ഡിയർ ഡയറി ,



വളരെ നാളുകൾക്ക് ശേഷം ഇന്ന് വീണ്ടും നിനക്കു എഴുതുന്നു. 

വീട്ടിൽ വിവാഹാലോചനകൾ പൊടിപൊടിക്കുന്നുണ്ട്. താല്പര്യമില്ല എന്ന് ആയിരം തവണ പറയുമ്പോഴും ഒരു കയറിൽ കുരുക്കാൻ വീണ്ടും അവർ അത്യാഗ്രഹ പെടുകയാണ്. നാട്ടുകാർ നാറികൾ വേറെ, സ്വന്തം ജീവിതവും കുടുംബവും നോക്കാതെ അവർ പെൺകുട്ടികളെ കെട്ടിക്കുക എന്ന ദൗത്യം ഏറ്റെടുത്തിരിക്കെ ആണെന്ന് തോന്നും. നിനക്കു അറിയാമല്ലോ എല്ലാം.


ഒരുപാട് സ്വപ്‌നങ്ങൾ ഉണ്ട്.. പലതും നേടാനും ഉണ്ട്.. ഉയരങ്ങൾ ഇനിയും കീഴടക്കാൻ ഉണ്ട്...ആരെയും ആശ്രയിക്കാതെ സ്വന്തം കാലിൽ നിൽക്കണമെന്ന അത്യാഗ്രഹമാണ് പലപ്പോഴും.

പക്ഷെ, ഓരോ ചുവടു മുന്നോട്ട് വയ്ക്കുമ്പോഴും പിന്നോട്ട് വലിക്കുന്ന ഒരുപാട് കാര്യങ്ങൾ ഉണ്ട്. ഓരോ ദിവസവും കൂടിനുള്ളിൽ വീണ്ടും ജീവിതം ചുരുളുന്നപോലെ...

എന്നാലും ഞാൻ പിന്നോട്ട് ഇല്ല, ഇനിയും മുന്നോട്ട് തന്നെ... ആ വഴിയിലെ നഷ്ടങ്ങളെ ഞാൻ ഓർക്കുന്നില്ല..എല്ലാ നഷ്ടങ്ങൾക്കും ഒടുവിൽ ഒരു വിജയം ഉണ്ടാകുമെന്നു എനിക്ക് ഉറപ്പ് ഉണ്ട്.


ഇതൊരു യുദ്ധമാണ്, ജീവിതവും സ്വപ്നങ്ങളും തമ്മിലുള്ള യുദ്ധം. ഒന്നുകിൽ ഈ ജീവിതം ഒരു അടഞ്ഞ അദ്ധ്യായമായി മാറും, അല്ലെങ്കിൽ ഒരു തുറന്ന പുസ്തകമായി ലോകം എന്നെ വായിക്കും.

കാത്തിരിക്കാം ഒരു വിജയത്തിനായി ...
                                                                          സ്നേഹപൂർവ്വം ദീപിക.😀

-

ഇവിടെ യുദ്ധം ഹൃദയങ്ങൾ തമ്മിലാണ്..
അവസാനമോ....
പല നേട്ടങ്ങളുടെയും അന്ത്യം...
അല്ലെങ്കിൽ പലതിന്റെയും തുടക്കം..

-

ചിലർ ജീവിച്ചു മരിക്കുന്നു..
ചിലർ മരിച്ചു ജീവിക്കുന്നു...

-

ചിറകുകൾ ഉണ്ട്.. പക്ഷെ പറക്കാൻ കഴിയാറില്ല..

-

'' മാതാപിതാക്കളുടെ ശ്രദ്ധയ്ക്ക്.. നിങ്ങളുടെ മക്കളെ എത്രയും വേഗം വിവാഹം കഴിപ്പിക്കുക'' 👇

-

നിങ്ങളുടെ സന്തോഷത്തിന്റെ ഉറവിടം അത് നിങ്ങൾ തന്നെ ആയിരിക്കണം, അത് മറ്റൊരാളിൽ ആകരുത്. കാരണം... മനുഷ്യനാണ്... മാറും.. മറക്കും...
ഒരുപക്ഷെ അന്ന് നിങ്ങൾ അതിൽ അടിമ പെട്ടേയ്ക്കാം.
ശരീരത്തിലെ മുറുവുകൾക്ക് മാത്രമേ അതിവേഗം ഉണങ്ങാൻ സാധിക്കുള്ളു, മനസ്സിന് അത് കഴിയില്ല..

-

മറ്റുള്ളവരെ സ്നേഹിച്ചവരുടെ ഹൃദയം മാത്രമേ മുറിക്കപ്പെട്ടിറ്റുള്ളൂ..

-

ഒരു പെൺകുട്ടിയോട് ഏതെങ്കിലും നാട്ടുകാർ '' മോളേ.. നീ നന്നായി പഠിച്ചു സ്വന്തം കാലിൽ നിക്കണം '' എന്ന് പറഞ്ഞാൽ അത് ഒരു ചരിത്രം സൃഷ്ടിക്കുമെന്ന് സംശയമില്ല.
അത്തരം ചരിത്രം എന്തായാലും നമ്മുടെ നാട്ടിൽ സൃഷ്ടിക്കപ്പെടുമെന്ന വ്യാമോഹവും എനിക്കില്ല..അവരെ പറഞ്ഞു തിരുത്താൻ കഴിയും എന്ന വ്യാമോഹവും തീരെ ഇല്ല...

എനിക്ക് പറയാൻ ഉള്ളത് ഓരോ പെൺകുട്ടികളുടേം അച്ഛനമ്മമാരോട് ആണ്.
വല്ലവരും പറയുന്നത് കേട്ടിട്ട് സ്വന്തം മകളുടെ കുഴി നിങ്ങൾ തന്നെ കുഴിക്കരുത്..വിവാഹം ആണ് ഒരാളുടെ ജീവിതത്തിൽ ഏറ്റവും വലിയ നേട്ടം എന്ന് കരുതരുത്.. ഒരു കുഞ്ഞിനെ പ്രസവിക്കുന്നതും ഒരു കുടുംബം നോക്കുന്നതും ഒരു തരത്തിൽ വളരെ എളുപ്പമാണ്..
പക്ഷെ കഷ്ടപ്പെട്ട് പഠിച്ചു ജോലി വാങ്ങി സ്വന്തം കാലിൽ നിക്കുമ്പോൾ.. അവളുടെ കയ്യിൽ വരുന്ന കാശിനെ കാൽ അവൾക്ക് സമൂഹത്തിൽ ഒരു വിലയാണ് ഉണ്ടാകുന്നത്...അവളുടെ വാക്കുകൾക്കും വിലയുണ്ടായി തുടങ്ങും..അവളുടെ സ്വപ്നങ്ങൾക്ക് ഒരു അർത്ഥമുണ്ടാകും..അടുക്കളയുടെ പാത്രങ്ങൾക്കിടയിൽ അവളുടെ ജീവിതം ഒതുങ്ങില്ല...
ആശ്രയിച്ചു ജീവിക്കാനല്ല.. ഒരു വ്യക്തിത്വം സ്വന്തമാക്കാൻ പഠിപ്പിക്കണം.. അതിനു വേണ്ടി പോരാടാൻ പഠിപ്പിക്കണം..
കണ്ണുനീരിൽ മുങ്ങി മരിക്കുന്ന മകളെ കാണുന്നതിനേക്കാൾ എത്രയോ നല്ലതാണ് കരുത്തോടെ ജീവിക്കുന്ന മകളെ കാണുന്നത്..😊

-

The more you want to forget something ,
The more you will remember it.

-