କିଛି ଲୁହ

କିଛି ଲୁହ ଝରିଯାଏ
ଗର୍ଭ ଯନ୍ତ୍ରଣାରେ,
କିଛି ଲୁହ ବହିଯାଏ
ଛୁଆର ପହିଲି କୁଆଁରେ।
କେବେ ବହେ ଖୁସି ଲୁହ
ଅବୋଧ ବାଳୁତ ପଣରେ,
କେବେ ଦୁଃଖ ସାଜି ବହେ
ଛୋଟ ଛୋଟ ଭୁଲ୍ ର ଦଣ୍ଡରେ।
ଆଖି କଣେ ଲୁଚେ କିଛି
ପରଦେଶୀ ଚଢ଼େଇ ଗସ୍ତରେ,
ହୃଦୟରେ ଚାପି କୋହ
ମମତାର ମଙ୍ଗଳ କାମନାରେ।
କିଛି ଲୁହ ବାଡ଼ ଡିଏଁ
ସନ୍ତାନର ଯଶ ବର୍ଦ୍ଧିନରେ,
ଆନନ୍ଦର ଅଶ୍ରୁ ସାଜି
ଆଶୀର୍ବାଦ ଧାରାରେ।
କିଛି ଲୁହ ଆଘାତରେ
ଯାତନା ପୀଡ଼ିତା ବୃଦ୍ଧା ମାତୃତ୍ବରେ,
କିଛି ଲୁହ ଅଦୃଶ୍ୟ
ଦୁଃଖ ଜର୍ଜରିତ ମା' ମମତାରେ।

-

(( ଅଦୃଶ୍ୟ ପ୍ରେମିକ..... ))
***************

-

କିଛି ସମ୍ପର୍କ ର ଅଟ୍ଟାଳିକା,
ଅଦ୍ଭୁତ ଶୈଳୀରେ ନିର୍ମିତ।
ଯେଉଁଠି ପ୍ରେମ ର ଇଟା
ଯୋଡ଼ି ହୁଏ ଘୃଣାର ସିମେଣ୍ଟ ରେ,
ଅପେକ୍ଷା ର ବାଲି ,
ଆଉ ବିଶ୍ଵାସ ର ପାଣିରେ।
ସେ ସମ୍ପର୍କର,
ନା ଥାଏ କିଛି ନା'
ନା ଏ ସମାଜ ରେ ପରିଚୟ।
ତଥାପି ସଂପୂର୍ଣ୍ଣ ସେ,
କେବେ ପ୍ରଣୟର ସ୍ପର୍ଶରେ,
କେବେ ବିରହର ବେଦନାରେ,
କେବେ ପ୍ରତିକ୍ଷା ର ପୀଡ଼ା ରେ,
ପୁଣି କେବେ ସାକ୍ଷାତ ର ମୋହରେ।
ଘନିଷ୍ଠ ପୁଣି ଅସ୍ତିତ୍ଵ ବିହୀନ,
ଅତି ଆପଣାର ଅଜଣା ସମ୍ପର୍କ,
ଯହିଁ ଭରିରହିଛି ତୃପ୍ତି ର ହସ,
ଆଉ ମୁକ୍ତିର ଲୁହ....
ସେ ସମ୍ପର୍କ ,ଅଡୁଆ ସୂତାର ଖିଅ।

-

କାହିଁକି??

ପ୍ରଶ୍ନ ଉଠେ ହୃଦୟର ଗଭୀର ପ୍ରଦେଶେ,
କ'ଣ ଅଯୋଗ୍ୟ ମୁଁ?
ଅବା ଅଲୋଡ଼ା ମୋର ଏ ଶସ୍ତା ଅସ୍ତିତ୍ଵ।
ତେବେ କାହିଁକି?
ମୁଁ କ'ଣ ହାରିଯାଇଥିବା ସିପାହୀ ଟେ,
ଏ ଜୀବନ ଯୁଦ୍ଧର?
ଅଥବା କ୍ଳାନ୍ତ ପଥିକ ଟିଏ।
କିନ୍ତୁ କାହିଁକି?
କାହିଁକି ମୁଁ କ୍ଳାନ୍ତ?
କ'ଣ ମୋ ପରାଜୟ?
ବିଜୟ ତ ଲକ୍ଷ୍ୟସ୍ଥଳ ନୁହେଁ,
ଶେଷ ଯାଏଁ ଲଢିବାଟା ହିଁ ସଫଳତା।
ମୁଁ ତ ନିଶସ୍ତ୍ର ନୁହେଁ,
ମୋ ପାଖେ ଲକ୍ଷେ ସ୍ଵପ୍ନ ର ବ୍ରହ୍ମାସ୍ତ୍ର।
ମୁଁ ତ ଦୁର୍ବଳ ନୁହେଁ,
ଲୁହ ବନ୍ଦି ମୋର ,
ସ୍ବାଭିମାନ ର ଲକ୍ଷ୍ମଣରେଖା ମଧ୍ୟରେ।
ତଥାପି କାହିଁକି?
କମ୍ପୁଛି ମୋ ଶରୀର,
ସନ୍ଦେହର ପ୍ରଚଣ୍ଡ ତାତିରେ।
କାହିଁକି??

-

ପ୍ରତିଯୋଗୀ

-

ତୁମ ବିନା..

ତୁମ ବିନା, କେବେ ବଞ୍ଚିବା କରିନି କଳ୍ପନା,
ତୁମ ବିନା, ବୋଧେ ଜୀବନଟି ହେବ ବିଡ଼ମ୍ବନା।
ତୁମେ ଭରିଲ ପିଣ୍ଡରେ ପ୍ରାଣ,
ମୁଖେ ଶବ୍ଦର ଆହ୍ୱାନ,
ପାଦେ ଚାଲିବାର ଶକ୍ତି,
ଆଉ ସଂଘର୍ଷ ସହିତ ଚୁକ୍ତି,
ତୁମ ବିନା, କେବେ ବଞ୍ଚିବା କରିନି କଳ୍ପନା....
ତୁମେ ହାରିବା ରେ ଆଶ୍ଵାସନା,
ଜିତିବାରେ ଉପାସନା,
ସୁଖେ ଦୁଃଖେ ଥାଅ ସାଥେ,
ଜୀବନ ମରଣ ପଥେ....
ତୁମ ବିନା, କେବେ ବଞ୍ଚିବା କରିନି କଳ୍ପନା....
ତୁମଠୁ ଆରମ୍ଭ ତୁମଠି ଶେଷ,
ତୁମ ନାମେ ସବୁ ଶ୍ଵାସ,
ଅଦ୍ୱିତୀୟ ତୁମେ ଦୈବୀ ଶକ୍ତିପୂର୍ଣ୍ଣା,
ସୂକ୍ଷ୍ମ ନାମଧାରୀ ମା',
ତୁମ ବିନା, କେବେ ବଞ୍ଚିବା କରିନି କଳ୍ପନା.......

-

ମୋ ଖୁସିରେ ହସ ତା'ର, ଦୁଃଖରେ ଢାଳେ ଲୁହ,
ତା' ଛାତିର ଅମୃତ ରେ ଗଢ଼ା ମୋର ଦେହ,
ଯାର ଛବି ଦେଖିଲା ମୋ ପ୍ରଥମ ନଜର,
ସେ ଦେବୀ ଅବା ମା' ରୂପି ମମତାର ସାଗର....।

-

ନୀରବ ବାର୍ତ୍ତାଳାପ

ମା' କୁହେ ସେମାନେ ସବୁ ଶୁଣନ୍ତି,ସବୁ ବୁଝନ୍ତି ।
କଥାବାର୍ତ୍ତା ସିନା କରିପାରନ୍ତିନି କିନ୍ତୁ ସେମାନେ
ନୀରବ ବିଶ୍ଳେଷକ ।କିଏ ନିଜର କିଏ ପର ସବୁ
ତାଙ୍କୁ ଜଣା । ସେଥିପାଇଁ ତ ମା' ବାଡ଼ିକୁ ଗଲେ
ଡାକ ପକାନ୍ତି ପଛକୁ ପଛ ।କାଳେ ଡାଳ ଗୋଛେ
କି ଘାସ ଝୁଡ଼ିଏ ଆଣିଦେବ ।ମା କଥାକୁ ଭରସା
କରି ମୁଁ ଜାରିରଖିଥାଏ ମୋର ନୀରବ ବାର୍ତ୍ତାଳାପ.....

-

ମୋ ପାଇଁ ସଫଳତା
ଏକ ଆହ୍ୱାନ,
ଜୀବନ ସଂଗ୍ରାମ ର
ନୂତନ ସୋପନକୁ।
କିମ୍ବା ସଫଳତା ହୋଇପାରେ,
ଆଗାମୀ ପରୀକ୍ଷା ପାଇଁ,
ବର୍ଦ୍ଧିତ ଆତ୍ମବିଶ୍ବାସ।
ଅଥବା ସଫଳତା
ସଂଘର୍ଷ ର ଅନ୍ୟନାମ ମାତ୍ର,
କାରଣ ଜୀବନ ଯୁଦ୍ଧରେ,
ଶେଷ ଯାଏଁ ଲଢିବାଟା ହିଁ ସଫଳତା....

-

ଜୀବନ ତ ଝଡ଼ ର ସାମୁହିକ ପ୍ରକଳ୍ପ,
ଲଢିବା ହିଁ ଏହାର ଏକମାତ୍ର ବିକଳ୍ପ...।

-