ఏ బంధమైనా
కలకాలం నిలువాలంటే
కావలసింది

భయము లేదా భక్తి
భయముంటే బాధ్యత ఉంటుంది
భక్తి ఉంటే నమ్మకము ఉంటుంది

ఈ రెండులేని బంధాలు
కలహాల కాపురాలు
కలకాలం నిలువవు

-

మా బాపు బొమ్మవనుకున్న
ముద్దుగుమ్మవని కలలుగన్న
లేత రెమ్మవని అనుకున్న
పూతరేకువని ప్రేమించాలనుకున్న
నువ్వేమో మీ బాబు బొమ్మవు
బొద్దు గుమ్మవు,తాటి కొమ్మవు
పాత రేకువనుకోలేదు..

-

నవ మాసాలు
కంటికి రెప్పలా మోస్తే
వయసుడిగిన తల్లికి
గొడ్ల చావడే దిక్కాయే
వరి గడ్డే పరుపాయె
పురిటి‌ నొప్పుల బాధ‌ల కన్నా
పేగుతెంచుకు పుట్టినోళ్ళు
పెడుతున్న బాధలే ఎక్కువాయె
గజగజ చలికి వణుకుతూ
గిలగిల ప్రాణం కొట్టుకుంటుంటే
విలవిల లాడుతున్న తల్లిని
చూసే నాథుడే కరువాయె
చూసి చూసి కళ్ళు సెమ్మగిల్లే
ఓపికలేక ముసలి తల్లి తల్లడిల్లె

-

పొలంలో రైతు పడే
కష్టం తెలిస్తే
పల్లెంలో ఒక్క
మెతుకు వదలవు

-

బుర్రడవిలో కానరాదు ఎర్రఛందనం
ఎంత వెతికినా దొరకదు
గంధపు చెక్కల సుగంధం
కలుపు‌ మొక్కలే
కలప దొంగలే గాని
కనిపించకపాయె కలప దుంగలు
చిట్టడవంతా వెతికినా
వెదురు బొంగులు
పాలపొరకలు
పశువుల మేతలు
వంట చెరుకులు
ఎండు కట్టెలు కరువు
బుర్రడవిలో కవితలు కరువు
గుండెల‌నిండా అక్షరాల బరువు
ఊ అంటావా కవి,..ఉహూ అంటావా కవి
అంటె ఏమనను,..ప౧జి

-

నోట్లు
లెక్కించేటప్పుడుండే
శ్రద్ధ, ఏకాగ్రత
భగవంతుణ్ణి
మొక్కేటప్పుడుండదు
ఎందుకో

-

వాళ్లకు సెల్లఫోనే లోకం ఈమెకు పాపే లోకం

-

సదువుకున్నోళ్ళకే సీట్లు సదువురానోళ్లకు తప్పవు పాట్లు

-

పోలికలు కలవలేదు పసిప్రాణం నిలువలేదు

-

ఉన్నవారికే విలువిక్కడ
లేనివారికి చోటు లేదెక్కడా

-