கலங்கிவிட்டேன் !
கலைத்தும் போனேன் ,
கையிருப்பு ஏதுமில்லை....
அலாதியான காட்டில்
அலையும் பேய்ப்போல ,
பித்துக்கொண்டேன்
நடைப்பிணமாய் நான் ....!

-

சுயமிழந்து கிடக்கிறேன் !
சுகமென்ற ஒன்றே
அறியாமல் தவிக்கிறேன் .
இருந்தும் இல்லையாய் நான் ,
மறந்தும் மகிழ்ந்தும் அவள் ...!

-

ஆழ்ந்த அழுத்தத்தில் தான்
இருக்கிறேன் ...
அவ்வளவாக அலட்டிக்கொள்ள
மனமில்லை அவ்வளவுதான் நான்...!

-

Still I'm not letting go , after that loss....!

-

இன்னும் உயிர்ப்புடன் தான்
இருக்கிறது . என்ன ,
நீ வெறுக்க துவங்கிவிட்டாய் ,
நான் இன்னும் அதீத காதலின்
அபாயத்தில் தொங்கிக்கொண்டு
இருக்கிறேன்.... நீ விலகுவதால்
முடிவு பெற்றுவிடுவதில்லை ,
நான் இருக்கிறேன்
'காதல் ' இன்னும் இருந்துகொண்டு
தான் இருக்கிறது ...!

-

Awake !
Yours in every direction
Memories….
I don't want to hide ,
It is not destined to disappear.....!


-@sandaikkaran💞😍.....

-

அவள் தொலைத்துவிட்டு தேடுகிறாள் ,
நான் தொலைந்துபோன
இடத்தையே தேடுகிறேன்....
இப்போது நிம்மதியாக தூங்குகிறாள் ,
அவள் தூங்குவதை நினைத்தபடியே
விழித்திருக்கிறேன் நான் !
காதல் அந்நியோனியமானது ,
காதலி அவனகராதியில்
அங்கீகரிக்கப்பட்டவள்.....!

-

நீ கடந்துபோன பின்னும்
கரைந்தழிகிறேன் என்
ஒருதுளி ஈரமாவது நம்
நினைவுகளை உம்
கனவுகளிலாவது பூத்திட
செய்யாதா என்று ....!

-

கட்டமைப்பை விரிவுபடுத்துவதற்காக
வெட்டப்படும் மரங்களின் வரிசையில்
நானும் நிற்கிறேன் . என்னை
அழிக்கும் பட்சத்தில் என் வேர்
பயணித்த தடையங்களை
எவ்வாறு அழிப்பீர் ?
காதல் பூக்களும் அப்படித்தான் ,
கிளைகளில் மலர்ந்தாலும்
வேர்களிலே வாழும் !
வெட்டுபவர்கள் தான் வெட்கி
தலைகுனிய வேண்டும் ,
வேர்கள் அல்ல ....!

-

இவளை இலட்சியமாக
கொண்டதால் தான் ,
அவ்வளவு அலட்சியமாய்
போனேனோ அவளிடத்தில்
நான் இப்போது .....!

-