ಪೊರೆರೆಬಿಟ್ಟ ಮರಗಳ ಸಾಲಿನಲ್ಲಿ,
ನೆರಳಂಗಿ ಹರಿದು!
ಚಳಿಗಾಲದ ಬಿಸಿಲು ಮೈ ಸೋಕುತಿಹುದು.

ಮರಗಳೆಲ್ಲವೂ ಮೈಗೊಡವಿ
ಧೂಳ ಹರಿಸಿಣವ ಮಿಂದು
ವಸಂತಕೆ ಸಿಂಗಾರಗೊಂಡಿಹವು

ಎಳೆಗಳೆಲ್ಲವೂ ಗಾಳಿಯೊಂದಿಗೆ ಸೇರಿ
ಭೂಮಿಗೂ ಆಕಾಶಕು
ಧೂಳ ಸೆರಗ ಕಟ್ಟಿಹವು!

ಅಲ್ಲಲ್ಲಿ ನೆರಳು,
ಅಲ್ಲಲ್ಲಿ ಬಿಸಿಲು,
ಕಣ್ಣಿಗೆ ಕಾಣುವಷ್ಟು ದೂರ
ಬೆಳಕಿನೂಟ ಸಾಗಿಹುದು!

ತರಗೆಲೆಗಳ ವೃಷ್ಟಿಯಲಿ ಕೂತು
ಚಹಾ ಕುಡಿಯುವ ಜನರೇಳುವುದೊಂದೇ
ಹಾಳು ಬಿಸಿಲು ಚಳಿಗಾಲಕ್ಕೆ ಶುರುವಾಯ್ತಲ್ಲಪ್ಪ!
ಬೇಸಿಗೆಗೆ ಸ್ಮಶಾಣವೇ ಗತಿಯಲ್ಲಪ್ಪ!
- ಚಂದ್ರಮನು

-

ಎಲ್ಲವೂ ಬತ್ತಿ ಹೋದ ಮೇಲೆ
ಖಾಲಿಯಾದುದೊಂದು ಉಳಿದಿದೆ
ಅದಕ್ಕೆ
ಅರ್ಥವೂ ಇಲ್ಲ !
ಅಸ್ತಿತ್ವವೂ ಇಲ್ಲ !

-

ಕಾಣದ ದೇವನು
ಮೊಗದ ನಗುವಿಗೂ !
ಮನದ ನೋವಿಗೂ !
ನಂಟೊಂದ ಬೆಸೆದನು ,
ಕಣ್ಣೀರ ದಾಸೋಹ ಬೇಡಿದನು!.

-

ಹೊಸತನ ವ್ಯಕ್ತಿಯಲ್ಲಿರಲಿ
ಹೊಸತನ ವ್ಯಕ್ತಿತ್ವದಲ್ಲಿರಲಿ

ಹೊಸತನ ಚಿಂತನೆಯಲ್ಲಿರಲಿ
ಹೊಸತನ ನಿಮ್ಮ ಸಿರಿತನವಾಗಲಿ

ಹೊಸತನ ದಿನಚರಿಯಾಗಲಿ,
ಅದನ್ನ ಕೇವಲ ಒಂದು ದಿನಕ್ಕೆ ಸೀಮಿತ ಗೊಳಿಸುವ ಯತ್ನ ಬೇಡವೆಂದು ಆಶಿಸುವ ಶುಭಾಶಯಗಳು :

-

ನೀನು ಶ್ರೀಮಂತನಾಗಿದ್ದರೂ
ಬಡವನಾಗಿದ್ದರೂ
ದುಷ್ಟನಾಗಿದ್ದರೂ
ಶಿಷ್ಟನಾಗಿದ್ದರೂ
ಅನ್ನದ ಮುಂದೆ ನಾವೆಲ್ಲರೂ
ಭಿಕ್ಷುಕರೇ

-

ದುರಾಸೆ!
ದುರಹಂಕಾರ !
ದುಷ್ಟತನ !

-

ದೇವರದರೂ ಸರಿಯೇ ?
ದೆವ್ವವಾದರೂ ಸರಿಯೇ ?
ನಮ್ಮ ಜೀವನದ ಅನುಭವಗಳಿಗೆ
ಅವರ ಅದೃಶ್ಯ ಶಕ್ತಿಯ
ಕುರುಹು ಲೇಪಿಸಿದಾಗಲೇ!
ಅವರ ಅಸ್ತಿತ್ವ ಅನಾವರಣವಾಗುವುದು.

-

ಅಂದಕ್ಕೆ ನಿಜವಾದ ತೀರ್ಪುಗಾರ ಯಾರು ?







ಕಂಗಳೊ?
ಮೆದುಳೊ?
ಮನಸ್ಸೋ?
ಯಾರು???.

-

ಹುಡುಕುವ
ಸಂಯಮ
ಸಮಯ
ಬೇಕು ಅಷ್ಟೇ:

-

ಅದೆ ಈಗ್ಲೇ ಸ್ವಲ್ಪ ಕೂದ್ಲಿದೆ
ತಲೆ ಕೆಡ್ಸ್ಕೊಂದು ಅವನ್ನು ಕಳ್ಕೊಬೇಕ
ಸುಮ್ನಿರು ಗುರು ನೀನು

-