குளிர்ந்த காற்றோடு
இடியின் முழக்கத்தோடு
விட்டு விட்டு பெய்யும்
மழையோடு
வெப்பத்தின் தாக்கமின்றி
குளுகுளு
இரவாக நீடிக்கிறது...

-

கனவுகளை
நோக்கி
பயணிக்க
இலக்குகள்
வழி நடத்திச்
செல்லும்...

-

இரவுக்கு
வெளிச்சம் தர
விளக்குகளோடு
இங்கே
மின்மினி பூச்சிகளும்
போட்டி போடுகின்றன...

-

ஓயாத
உழைப்பிற்கிடையே
சிறு சிறு
இடைவேளைகள்
இங்கே கொறிப்பதற்கு
பாப்கார்னோ, பனிக் கூழோ
கிடையாது அவ்வப்போது
சாளரத்தின் கம்பிகளை
பிடித்தபடி வெளியே
அரங்கேறிடும்
காட்சிகளை காண்பதே
போதுமானது...

-

சொல்ல வந்த செய்தி
செவியை
அடையுமுன்னே
விழி வழி செய்தி
இதயத்தை
அடைந்து விட்டது...

-

அலாதி
மகிழ்ச்சியும்
இருக்கத் தான்
செய்தது
அதனை
ஒருபோதும்
மறுப்பதற்கில்லை...

-

உழன்று கொண்டிருக்கும்
போதெல்லாம்
ஆச்சிமா
நான் இருக்கிறேனென்று
தனது இருப்பினை
உணர்த்தி
கட்டி அணைத்து
அவளது செல்லக்
குறும்புகளால்
என்னை திசை திருப்பும்
அவளது மழலைப் பேச்சு
பேரழகு😍...

-

கொடியில் பூத்த மலர்களோ
செடியில் பூத்த மலர்களோ
இரண்டுக்குமுள்ள
வேறுபாடு
ஒன்று படர்கிறது
மற்றொன்று வளர்கின்றது
இரண்டின் நோக்கமும்
பூவினை ஈன்றெடுத்து
மலர்ந்து மணம் பரப்பச் செய்து
பார்ப்பவர்களின் உள்ளத்தில்
பரவசத்தை உண்டாக்குவதேயாகும்...

-

புன்னகை
என்ற பெயரில்
முகமூடி
போட்டுக் கொள்கின்றன
வலிகளை
சுமந்து கொண்டு
இருக்கும்
இதயங்களெல்லாம்...

-

காதல் ஊஞ்சலில்
களிப்புடன் ஆடுவோம்
விலகி அமர்ந்து
வெட்டி விடாதே உறவினை
ஒன்றென கலந்து
உயிர்ப்பிப்போம்
காதலை...

-