ଏଠି ବିଶ୍ୱାସ ନାଁ'ରେ କିଛି ସନ୍ଦେହ ହିଁ ତ ବାକି
ପକ୍ଷୀ ତ ଉଡ଼ି ଯାଉଛନ୍ତି କେବେଠାରୁ ମଣିଷ ଦେଖି।।

-

କେଉଁ ଗୋଟେ
ପୁରୁଣା ଗୀତର ପଦରେ,
ଆଜି ବି ଅଛେ!

ତୁମେ ଆଉ ମୁଁ . . . . . . . .

-

ଠାକୁର ଏଇଠି ଥିଲେ
ମୋ ଗାଁ ବରଗଛ ତଳେ
ମେଞ୍ଚେ ସିନ୍ଦୁର
କେଇ ହାତ ବାନା
ଧ୍ୟାନମଗ୍ନ ଉଇହୁଙ୍କା
କେଇ ଧାଡ଼ି ପିମ୍ପୁଡି


ଆଉ ମନରେ ପୁଳାଏ ବିଶ୍ୱାସ.....

-

କିଛି ଏମିତି ହିଁ ସରିଯାଏ! ଏଠି ଅନେକ କାହାଣୀ
କିଛି ଅଧା ଲେଖି, କିଛି ଅଧା ପଢ଼ି ଆଉ କିଛି ଅଧା ଶୁଣି।।

-

ଭାଗ ୨ୟ

-

ଆମେ ଅନେକ କାହାଣୀ ଦେଖିଥାଉ, ଶୁଣିଥାଉ ଆଉ ପଢ଼ିଥାଉ ଆମ ଜୀବନରେ। ସବୁ ମନେ ରୁହେନି, ସବୁ ମନକୁ ଛୁଏଁନି ଆଉ କିଛି ଯେତେ ପଢିଲେ ବି ମନ ପୁରେନି। ଏମିତି ଏକ କାହାଣୀ ଯେଉଁଥିରେ ନଚାହିଁବି ବୋଧ୍ ହୁଏ ମୁଁ ଗୋଟେ ଅଂଶ ହେଇଗଲି। ଆଶା ଆପଣମାନଙ୍କ ମନକୁ ଛୁଇଁବ!

-

ବାଟବଣା ପଥିକ ତୁ ଚାଲ୍ ସମ୍ଭାଳି
ଏଠି ପ୍ରତି ମୋଡ଼ରେ ମିଳିବେ ଲକ୍ଷେ ଲୋକ ନକଲି।।

-

ପାରିବ ତ ଲେଖିଦିଅ
ଦୁଇ ଧାଡ଼ିରେ ଜୀବନକୁ
ନରାଜ ବ୍ରିଜ୍ ଉପରୁ
ମହାନଦୀରେ ବୁଡିଯାଉଥିବା ସୂର୍ଯ୍ୟକୁ
ଗାଁ ମୁଣ୍ଡ ଚାନ୍ଦିନୀ ଦେହରୁ
ଅପସରି ଯାଉଥିବା ଥୁଣ୍ଟା ବରଗଛର ଛାଇକୁ
ହୁଏତ ବେସ୍ କିଛି ଫରକ ନଥିବ
ଭିନ୍ନ ଜାଗାରେ ଜୀବନର,

-

କବିତା ବି ଲେଖିବା ଖୁଵ ସହଜ ନା
ଠିକ୍ ତୁମକୁ ଦେଖି ଭଲପାଇବା ଭଳି
ହେଲେ ବୁଝିବା କେତେ ଯେ କଷ୍ଟ
ତୁମ ଆଖିରେ ନିଜକୁ ଖୋଜିଲା ପରି

-

ଏ ବର୍ଷାର ବି କେତେ କଥା
ଝିପିଝିପି ହେଇ ବତୁରେଇ ଦିଏ କେତେ ନୀରବତା,,,

-