ಒಂದು ನಗುವಿನ ಹಿಂದೆ ನೂರಾರು ಭಾವನೆಗಳು..
ಹೇಳಲಾಗದ ಸಾವಿರ ನೋವುಗಳು..

-

ನನಗೇಕೆ ಈ ರೀತಿಯ ಮೋಹ ನಿನ್ನೆಡೆಗೆ..
ನನಗೆ ಗೊತ್ತಿಲ್ಲದೆ ನನ್ನ ಹಾದಿ ತಿರುಗುತಿದೆ ನಿನ್ನೆಡೆಗೆ..

-

ನಿನ್ನ ಸುತ್ತಮುತ್ತ ಸುತ್ತುತ್ತಿದೆ ಈ ಹೃದಯ..❤
ತುಂಬಾ ದೂರ ಸರಿಯಬೇಡ ಓ ಗೆಳೆಯ...

-

.....ನನ್ನವನು....
ಬರಿದಾದ ನನ್ನ ಮನಕೆ
ಒಲುಮೆಯ ಚಿಲುಮೆ ಅವನು..
ಬರಡಾದ ನನ್ನ ಬದುಕಿಗೆ
ಸ್ಫೂರ್ತಿಯ ಸೆಲೆ ಅವನು..

-

ನೀನು ನನ್ನವನೆಂಬ ಪದಗಳ ಜೊತೆಗೆ
ಸಾವಿರ ಪ್ರೀತಿಯ ಭಾವಗಳ ಬೆಸುಗೆ
ನಿನ್ನ ಬಾಹುಬಂಧನದ ಪ್ರೀತಿಯಲಿ
ನನ್ನನ್ನೇ ಮರೆತು ಕರಗಿ ಬಿಡುವೆ
ನಿನ್ನೊಲುಮೆಯನ್ನು ಬಯಸುವೆ ಪ್ರತಿಕ್ಷಣ
ನಿನ್ನವಳಾಗೇ ಇರುವೆ ಅನುಕ್ಷಣ.

-

ಸಾಕೆನಿಸಿದೆ ಈ ಮೌನ ಸಂಭಾಷಣೆ..
ಬೇಕೆನಿಸಿದೆ ಮಧುರ ಆಲಾಪನೆ..

-

ಮನಸ್ಸು ಎಂತಹ ಮಾಯೆಯೆಂದರೆ...
ನಾವು ಹೂತಿಟ್ಟ ಎಷ್ಟೋ ನೆನಪುಗಳನ್ನು
ಕೆದಕಿ ತೆಗೆಯುತ್ತದೆ.

-

ಕಣ್ಣ ಹನಿಯನ್ನು ತಡೆಯುವಲ್ಲಿ
ಕಣ್ಣುಗಳು ವಿಫಲವಾಗಿರಬಹುದು..
ಹೃದಯದ ಭಾವನೆಗಳನ್ನು ತಡೆಯುವಲ್ಲಿ
ಮನಸ್ಸು ಸಫಲವಾಗಿರುವುದು..

-

ಸೂರ್ಯ ಚಂದ್ರರಿಗೆ ಗ್ರಹಣ ತಪ್ಪಿದ್ದಲ್ಲ..
ಇನ್ನು ಮನುಷ್ಯನಿಗೆ ಕಷ್ಟಗಳು ತಪ್ಪುವವೇ???.

-

ಇದ್ದಾಗ ಗಳಿಸುವನು ಸಾಕಷ್ಟು..
ಕರೆ ಬಂದಾಗ ಹೊರಡುವನು ಎಲ್ಲಾ ಬಿಟ್ಟು..
ಇದ್ದಾಗ ನೆಮ್ಮದಿಯಿಲ್ಲ ಆಗ..
ಇರುವನು ನೆಮ್ಮದಿಯಿಂದೀಗ..
ಎಷ್ಟೆಲ್ಲಾ ಪರದಾಟ ಪರಿಶ್ರಮ..
ಮಣ್ಣೊಳಗೆ ಸಿಗುವುದು ವಿರಾಮ..
ಇಷ್ಟೇ ಜೀವನ...
ಜೀವ....ಯಾನ..

-