ಮಾರುತ
ಬಿಸಿ ಬಿಸಿಯ ಗಾಳಿ ಬೀಸುತಲಿ
ಕಪ್ಪಾಯ್ತು ಬಾನು ಇಲ್ಲಿ
ಮಳೆರಾಯನಾಗಮನಕ್ಕೆ
ಭೂಮಿಯು ಕಾಯುತಿದೆ
ಸುಡುಬಿಸಿಲ ತಾಪ ಹೆಚ್ಚಿ

ಅದ್ದದ್ದಿ ಬೆವರು
ಮೈಯೆಲ್ಲಾ ನಾತ
ಅಲ್ಲಲ್ಲಿ ಬೆವರುಸಾಲೆ
ಉರಿಉರಿಯು ಕಣ್ಣಲ್ಲಿ
ಅತೀ ಉಷ್ಣ ದೇಹದಲ್ಲಿ

ಬಾಗುತಿದೆ ಗಿಡಗಳು
ಉದುರಿಸುತ ಎಲೆಗಳ
ಅಂಗಳದ ತುಂಬೆಲ್ಲಾ ಚೆಲ್ಲಿ
ಗುಡುಗುಡು ನಾದದಲಿ
ಹೊಳೆಯಿತು ಮಿಂಚೊಂದು ಬಾನಿನಲ್ಲಿ

-

❤️ನನ್ನವಳು❤️

ಖಾಯಂ ಹಾಜರಿ ಹಾಕಿ ಬಿಡು ಮನದೊಳಗೆ
ಖುದ್ದಾಗಿ ನೀ ಕದ್ದ ಹೃದಯಕ್ಕೆ
ಪ್ರತಿ ಕ್ಷಣವು ಕಾಡಿದೆ ನೀ ಭಾವವಾಗಿ ನನ್ನೊಳಗೆ
ಹೇ ಹುಡುಗಿ ಹೇಳಿಬಿಡು ಇದು ಹೀಗ್ಯಾಕೆ?

ಹೊಸತನದ ನಶೆಯೊಂದು ಮೂಡಿದೆ ನೀ ಸಿಕ್ಕ ಮೇಲೆ
ಮೌನಕ್ಕೂ ಕಳೆ ತಂತು ಅನುರಾಗದ ಪದಮಾಲೆ
ಹತ್ತಾರು ಭಾವಗಳು ಜೊತೆಯಾದರೂ ನನಗಿಲ್ಲ ಸೆಳೆತ
ನಿನಿತ್ತ ಒಲವಿಗೆ ನಾನೀಗ ಸಂಪ್ರೀತ

-

ಅವಳು
ನೋಟದಲ್ಲೇ ಕೆಣಕುತಿಹುದು
ಇವಳ ತುಂಟ ಲೀಲೆ
ಅವಳ ಹಿಂದೆ ನಡೆಯಲೇನು
ಹಿಡಿದು ಹೂಮಾಲೆ

ದಾವಣಿಯ ನೆಲಕೆ ಚಾಚಿ
ವೈಯ್ಯಾರದಿ ನಡೆಯುತಿಹಳು
ಹೃದಯವೇಕೋ ನಲಿಯಿತೀಗ
ಸನಿಹ ಬರಲು ಅವಳು

ತುರುಬಿನಲ್ಲಿ ಮುಡಿದ ಹೂ
ಪರಿಮಳವ ಬೀರಿತು
ಮರೆತ ಭಾವ ಮೆಲ್ಲ ಚಿಗುರಿ
ಹೂನಗೆಯು ಮೂಡಿತು

-

ಸದ್ಭಾವಗಳ ಮಿಲನಕೆ ದೊಡ್ಡ ಸಲಾಮ್
ಆರದ ಮನಸಿನ ಗಾಯಕೆ ಮುಲಾಮ್
ದಿನವಿಡಿ ನೆನಪಿನ ಚಡಪಟಿಕೆ
ನಿತ್ಯ ಹೊಸ ಹುರುಪಿನ ಚಟುವಟಿಕೆ
ಕಿರುನಗುವಿನ ಆನನದಲ್ಲಿ
ತುಂಬಿತು ಹೃದಯವು ಮಧುರತೆಯಲ್ಲಿ
ಹಿರಿ ಹಿರಿ ಹಿಗ್ಗದ ಮನವಿಲ್ಲ
ಹಿತ ಭಾವದ ಸಂಭ್ರಮಕ್ಕೆ ಕೊನೆಯಿಲ್ಲ
ಹಣವಿದ್ದರೆ ಸುಖವಿಲ್ಲ, ಗುಣವಿದ್ದರೆ ಸೊಗಸೆಲ್ಲ
ಬಡತನದ ಸಿರಿತನದ ಗೊಡವೆಯಿಲ್ಲ ಇಲ್ಲಿ
ಪ್ರೀತಿಯ ಒಡನಾಟವೆ ಹಿತವೆನಿಸುವುದಿಲ್ಲಿ

-

ನಾನು ರಚಿಸಿದ ನಮ್ಮೂರಿನ ಶಿವದೇವರ ಕುರಿತಾದ ಭಕ್ತಿಪರವಶ
ಭಕ್ತಿಗೀತೆ ನಿಮ್ಮ ಮುಂದೆ 👍


ಲಿಂಕ್ ನನ್ನ ಪ್ರೊಫೈಲ್ ಬಯೋದಲ್ಲಿ ಇದೆ
ನೋಡಿ ಲೈಕ್ ಕಾಮೆಂಟ್ ಮಾಡಿ
ಹರಿಸಿ🙏🥀🤝

-

ಚೆಲುವೆ
ಹಿಡಿದು ಬಂದೆ ಹೂ ಗೊಂಚಲು
ಅವಳ ನಡಿಗೆ ಹಿಂಬಾಲಿಸಿ
ಕೊಂಚ ಕೈ ಮುಂದೆ ಚಾಚಿ
ಬಾಚಿ ಮುಡಿಗೆ ಏರಿಸಿ

ನೋಡಲೆಂತ ಚಂದ ಇವಳು
ನನ್ನ ಸ್ವಪ್ನ ಸುಂದರಿ
ಬಳಿಯಲಿರಲು ನನಗೆ ಅವಳು
ಮಿಡಿವ ಹೃದಯ ಪಲ್ಲವಿ

ತಿರುಗಿ ತಿರುಗಿ ನೋಡಬೇಕು
ಅವಳ ನಡಿಗೆ ಚಂದ
ಹಿಡಿದ ಹೂ ಗೊಂಚಲಲ್ಲಿ
ಮಧು ತುಂಬಿದ ಮಕರಂದ

ಮಾತು ಮರೆತೆ ನೋಡಿ ಅವಳ
ಕಣ್ಣು ಸೋತು ನಲಿಯಿತು
ಒಲವ ಬಯಸಿ ಬರಲಿ ಬಳಿಗೆ
ಹೊಸ ಹುರುಪು ಬಂದೀತು

-

🌹ನನ್ನ ಪ್ರೀತಿಯ ಬರಹ🌹

ನನ್ನವಳಿಗೆ ಪದ ಪೋಣಿಸದೆ
ಪದಗಳ ಜೊತೆ ಆಟವಿಲ್ಲದೆ
ಮಸ್ತಕವೀಗ ಮೌನತಾಳಿದೆ

ಬರೆಯುವ ತುಡಿತಕೆ ಪದವಾಗಿ
ಹಂಬಲಕೆ ನನ್ನ ಪರವಾಗಿ
ಒಲಿದು ಬಿಡು,ಬಯಸಿಹೆ ನಿನ್ನನೆ

ರಂಗೇರಲಿ ಬಿಳಿ ಹಾಳೆಗಳು
ನೀಲಿ ಶಾಯಿಗಳ ಚಿತ್ತಾರದಲಿ
ಮರೆಯಾಗದೆ ಮರಳಿಬಿಡು ನನ್ನ ಬಳಿಗೆ

-

ನೀನೊಂದು ಮಾಯೆ

ಆಸೆಯಾಗಿದೆ ಮನಕೆ
ಆಸರೆಯಾಗುವೆಯಾ ಜೀವಕೆ
ಬೆರಗುಮೂಡಿಸಿದೆ ನಿನ್ನ ಕಣ್ಣೋಟ
ಹೃದಯಕ್ಕೀಗ ನೀನೆ ಬೇಕೆಂಬ ಹಟ

ಕೋಟಿ ಕನಸಿನ ಆಚೆ
ಹೃದಯ ಮೀಟಿದೆ ಚೆಲುವೆ
ನಿನ್ನ ಹೆಜ್ಜೆಯ ಮೇಲೆ
ಹೆಜ್ಜೆಯ ಬೆಸೆಯುವೆನು ಬಾಲೆ

ತುಂಟತನವು ಆವರಿಸಿದೆ ನನ್ನೊಳಗೆ
ಎದೆ ಬಡಿತ ಜೋರಾಗಿದೆ ಮೆಲ್ಲಗೆ
ಕಿರುಬೆರಳ ಸೋಕಿಸಿ ಕಿರುನಗೆಯ ಬೀರು
ಒಲವು ಮುದ್ದಾಗಿ ಅಪ್ಪುವುದು ಚೂರು

ಹಸಿರಾದ ಭಾವದೊಳು ಉಸಿರಾಗಿ ನೀನಿರು
ಇಳೆಯ ತಬ್ಬಿದ ಇಬ್ಬನಿಯಂತೆ ಹೊಳೆಯುತ್ತಿರು
ಅನುರಾಗದಂಬರಕೆ ನೀನೆ ಸಾರಥಿ
ನನ್ಮನದೊಳಗೆ ಬೆಳಗು ನಿನ್ನಯ ಪ್ರೀತಿ

-

*ಸ್ವಪ್ನ ಸುಂದರಿ*

ನೀ ನಾಟ್ಯ ರಾಣಿ ನವಿಲೆ
ಸೌಂದರ್ಯ ರಾಗ ರತಿಯೆ
ವರ್ಣನೆಗೂ ನಿಲುಕದ ಸಾಲು
ಬರೆಯಲೆ ನಿನ್ನೊಳು ನಾನು..!!ನೀ ನಾಟ್ಯ!!

ನಾಚಿಸಿದೆ ನಡುವಿನ ಅಂದ
ಚಾಚಿದ ತೋಳುಗಳಿಂದ
ರಂಗು ರಂಗಿನ ಗುಂಗಿನಲಿ
ಮೇಳೈಸಿದೆ ಭಾವವು ನಲಿವಿನಲಿ..!!ನೀ ನಾಟ್ಯ!!

ಬೆಳದಿಂಗಳೆ ನೋಡು
ಇವಳಂದವ ಚಂದ್ರಮನೆ ಹೇಳು
ದೈವ ದತ್ತ ವರವೋ
ಇದು ಯಾವ ಶಿಲ್ಪಿ ಕರವೋ..!!ನೀ ನಾಟ್ಯ!!

-

ಹೊಸವರುಷದ ಶುಭಾಶಯಗಳು ಎಲ್ಲರಿಗೂ 🤝

ಶುರುವಾಗಿದೆ ಹೊಸ ಸಂವತ್ಸರದ ಚಲನೆ
ನೀಡಿ ಹೊಸ ಹುರುಪಿಗೆ ಚಾಲನೆ
ಚೇತನಾವಾಗಿರಿಸಿ ಚಿತ್ತವ
ದೂರವಾಗಿಸಿ ಚಂಚಲ ಮನವ

ಬದಲಾಗಿದ್ದು ಕ್ಯಾಲೆಂಡರ್ ನಾ ಇಸವಿ
ವಾರ ತಿಂಗಳುಗಳಿಗೆಲ್ಲ ಅದೇ ಸರದಿ
ಬದಲಾಗಬೇಕಾಗಿದ್ದು ದುಷ್ಟ ನಡತೆ
ಎತ್ತಿಹಿಡಿಯಬೇಕಾಗಿದ್ದು "ಸಂಸ್ಕಾರ ಘನತೆ"

ಕಹಿ ನೆನಪುಗಳು ಮರೆಯಲಿ
ಸಿಹಿ ಭಾವಗಳು ನಲಿಯಲಿ
ಮನುಜನ ಮನುಷ್ಯತ್ವ ಮೆರೆಯಲಿ
ಪ್ರತಿದಿನವು ಹೊಸತನವೆ ಇರಲಿ

-