ನೆಪವಾಗಲಿ ಹೇಗೆ ಹೇಳು ನೆನಪಾಗಲು
ಸನಿಹವಾಗಲಿ ಹೇಗೆ ಹೇಳು ನಶೆಯಾಗಲು

-

ಮರುಕಳಿಸಿ ಬರುತಿದೆ
ಮರೆತ ಮರೆವೊಂದು
ಅನುಕರಿಸಿ ಬರುತಿದೆ
ಅನುದಿನವೂ ಅಳುವೊಂದು...

-

ಮನವೆಂಬ ಮನೆಗೆ ಸೂರಿಲ್ಲಾ
ಆಲೋಚನೆಗಳಿಗೆ ಬಾಗಿಲಿಲ್ಲಾ
ಆದರೂ ಭಾವನೆಗಳು ಖೈದಿಯಾಗಿವೆ
ಬಿಂಬಿಸಲು ಸಾಧ್ಯವಾಗದಷ್ಟು ಬಂಧಿಯಾಗಿವೆ...

-

You think life is like a star
which shines from far
But when went near
actually its burning

-

ಬದಲಾಗಬೇಕು ಇದ್ದ ಹಾಗೆ ಇರಬೇಕೆಂದರೆ
ಹದವಾಗಬೇಕು ಈ ಜಗದ ನಡುವೆ ಬೆರೆಯಬೇಕೆಂದರೆ...

-

ಮಳೆ ನಿಂತರೂ ಮುಗಿದಿಲ್ಲಾ ಹನಿಗಳ ಕವನ
ಮಾತು ನಿಂತರೂ ಮುಗಿದಿಲ್ಲಾ ನೆನಪುಗಳ ಪಯಣ

-

ನೀ ನಸು ನಗುವೆ ಒಮ್ಮೊಮ್ಮೆ
ಹಿಂದೆಂದೂ ನಗಲೇ ಇಲ್ಲಾ ಎಂಬಂತೆ

ನೀ ತುಸು ಅಳುವೆ ಇನ್ನೊಮ್ಮೆ
ಮುಂದಿನ್ನು ಅಳುವೆ ಎಲ್ಲಾ ಎಂಬಂತೆ...

-

ಕುಟಿಲ ಜಗದೊ‌ಳು ಜಟಿಲ ಮನ
‌ಹುಡುಕುತಿದೆ ಮೆಲ್ಲಗೆ ತನ್ನತನ
ಸಮಸ್ಯೆಯೊಂದೇ ಕಾಣುವ ಕಾನನ
ಯಾವ ಕಡೆ ಉತ್ತಮವೋ ಪಯಣ...

-

ನಾಲ್ಕು ಜನ ಇದ್ದಾಗ ಮಾತಾಡಿದರೆ
ನೀನು ದೊಡ್ಡ ವ್ಯಕ್ತಿಯಾಗಲ್ಲಾ
ನಾಲ್ಕು ಜನ ಇದ್ದಾಗ ಮಾತೇ ಆಡದಿದ್ದರೆ
ನೀನು ‌ಸಣ್ಣ ವ್ಯಕ್ತಿಯಾಗಲ್ಲಾ...

-

ಬರಿಯ ಬವಣೆಯ ಬದುಕು
ನಾಲ್ಕು ಪವಣೆಯ ಕನಸು
ನಮ್ಮದಲ್ಲದ ಖುಷಿಯ ದಿರಿಸು
ಆದರೂ ಹೇಗಾದರೂ ಧರಿಸು
ಸ್ವಲ್ಪ ನಿನ್ನ ಮನಸ ಸಹಿಸು...

-