କୁମ୍ଭ ମେଳାରେ ଧୋଇ ଆସିଲ ନିଜ ପାପ
ପ୍ରାର୍ଥନାରେ କାହା ପାଇଁ କିଛି ମାଗିପାରିଛ ?

-

ସେଇ ଯେ ମେସେଜ ବକ୍ସରେ
ସବୁଜ ରଙ୍ଗରେ ଦେଖାଦିଏ,
ତା ଉପସ୍ଥିତିରେ ହିଁ ଧାରେ ହସ ଖେଳିଯାଏ,
ବହୁତ ଦୂରରେ ଥାଇ ବି ଯେ ସବୁକଥା ବୁଝିଯାଏ,
କେବେ ନଦେଖିକି ବି ମନ କଥା ପଢିଦିଏ |
ଲାଗେ ପାଖରେ ଥାଆନ୍ତା କି..
ସେ ଅନଲାଇନ ଫ୍ରେନ୍ଡ |

-

ସେ ଯେତେବେଳେ ମୋତେ ଭାଂଗୁଥିଲା
ମୁଁ ତାକୁ ଗଢୁଥିଲି , ମୋର ସମସ୍ତ ଭଲପାଇବା ଦେଇ!

-

ଖୁସି ତ ବଣ୍ଟାଯାଏ,
ଦୁଃଖ ନିଜର ହୋଇ ରୁହେ!

-

#ଜୀବନ

ଟିକେ କମ୍ ବୁଝ
ବେଶୀ ଖୁସି !

-

ଦେଶ କଣ ମାଟି , ପାଣି , ପବନ
ନା ପରିଚୟ ଖୋଜୁଥୁବା କାହା ନାମ,
ନା… “ସବୁ ଠିକ୍ ଅଛି “ ବିଶ୍ୱାସର ପାଚେରୀ ପରେ
ବତୀ ଭଳି ଦିଶୁଥିବା
ଟିକେ ଅଭିମାନ ।

ଦେଶର ଚିତ୍ର ଆଂକୁଥିବା ଶିଳ୍ପୀ ମାନେ କୁହତ
କେମିତି ଦିଶେ ସ୍ୱାଧୀନ ଭାରତ?
ଯେବେ ଚିରାଲୁଗାରେ ମା”ଟିଏ ଭିକ ମାଗେ,
ଷ୍ଟେସନରେ ରାଜୁ ଜରି ଗୋଟାଏ,
ଜୀବନ ତାର ଦୁଇ ବାଇ ଦୁଇର ଅସନା ଘର ବୋଲି କୁହେ ।

ଦେଶକୁ ଗଢୁଥିବା ହାତମାନେ କୁହତ
ଦେଶ କି ବନ୍ଚେ ଶହ ଶହ ଆଖିର ଲୁହରେ,
ଲକ୍ଷ ଲକ୍ଷ ପେଟର ଭୋକରେ, କୋଟିଏ
ପରାଧୀନ ଚିନ୍ତା ଚେତନାରେ..ଏଇ କାଲିର
ବେଟି ବଚାଓର ଦରଦୀ ଶବ୍ଦରେ

ଦେଶ ତ ଦେହ ହଜେଇଦିଏ ସେତିକି ବେଳେ
ଅଭିମାନର ଗଳାଚିପି ପରିଚୟ କୁହେ,

ସିଡି ଉପରେ ବସି ବି ମା ଟିଏ “ପୁତ୍ରବତୀ” ଆଶୀର୍ବାଦ ମନାସେ,
ବୁଝେ ତା ଜନ୍ମ ନେବାଠୁ ବନ୍ଚିବାଟା କଷ୍ଟ
ଏ ଦେଶର କାୟିଦା ଭିତରେ ।

-

ଯାହା ପାଖରେ ଅଭାବ ନଥାଏ
ସେ ଭାବ ହରେଇ ବସେ ।

-

ଭୁଲ ପାଇଁ କ୍ଷମା

ଛଳନା ପାଇଁ ନୁହେଁ!

-

ପୁତ୍ରବତୀ ଭବଃ
କନ୍ଯାବତୀ ଭବଃ କାହିଁକି ନୁହେଁ ?

-

ଦୁନିଆଁରେ ସମସ୍ତେ ବୁଝନ୍ତିନି
“କିଛି ନାହିଁ “ କହିବାର ଅର୍ଥ।

-