આમ વિચારતાં વિચારતાં ભટકી ને હું તો ખોવાય જાઉં છું
આ મન નામનાં પિંજરામાંથી છટકી અંતે હવે ક્યાં જાઉં હું
નીકળ્યો છું અલગારી સફરમાં, અનોખી મંઝિલ ને પામવા
મળે સુખ કે પછી દુઃખ, રાહમાં અટકી ને હવે ક્યાં જાઉં હું
નથી હાર્યો કે નથી જીતી શક્યો હું, આ જીંદગી ની દૌડમાં
તોય થયો છું સફળ, એમ લગાવી તકતી હવે ક્યાં જાઉં હું
સતત સરકતા સમયને, મુઠ્ઠીમાં બાંધી ને રાખી શકાતો નથી
ખુટતા જતાં શ્વાસોશ્વાસ ને ધરાર પટકી, હવે ક્યાં જાઉં હું
ઇચ્છીત લાગણીના ઝરણાંને કદી ક્યાં પામી શક્યું છે કોઈ
હવે આ દિલની કિસ્મતના ઘાવોને ઝાટકી હવે ક્યાં જાઉં હું
કેતન દેસાઈ
-