ಇದು ಮೋಸದ ಜಗತ್ತು
ನಂಬಿ ಯಾಮಾರಿದರೆ ತಪ್ಪದು ಆಪತ್ತು
ಕೊಟ್ಟಂತೆ ಮಾಡುವರು ಕೈತುತ್ತು
ಅದರೊಳಗೆ ಬೆರೆಸಿರುವರು ವಿಷದ ಮತ್ತು
ಜೋಪಾನವಾಗಿರು ಪ್ರತಿ ಹೊತ್ತು
ತಮಾಷೆ ನೋಡುವರು ಜೀವನಕ್ಕೆ ತಂದು ಕುತ್ತು..

-

ತೋಟದಲ್ಲಿ ಅರಳಿದ ಹೂವು ಚೆಂದ,
ನನ್ನವನೊಂದಿಗೆ ಮಾತಾನಾಡಿದ ಆ
ಮಧುರಕ್ಷಣಗಳು ಸ್ವರ್ಗದ ಆನಂದ,
ಕಡು ಬಿಸಿಲಿನಲ್ಲೂ ಮನಕೆ ತಂಪನೆರೆವ
ಶಶಿಯಂತೆ ಪ್ರೀತಿಯ ಮಾತುಗಳಿಂದ,
ಅವನಿಂದ ಈ ಬದುಕಾಯಿತು ಶ್ರೀಗಂಧ,

-

ಆಸೆಗಳ ಗೋಪುರದಿಂದ ಕಳೆಯುವುದು ಆನಂದ
ಮಿತಿಯಲ್ಲಿದ್ದರೆ ಎಲ್ಲವೂ ಬದುಕು ಚೆಂದ....

-

ಬಣ್ಣದ ಲೋಕದಲ್ಲಿ ,
ಬಣ್ಣದ ಮುಖವಾಡಗಳೇ ಹೆಚ್ಚು,
ಬಿಡು ನೀ ಎಲ್ಲರೂ ನೈಜತೆಯ
ವ್ಯಕ್ತಿತ್ವದವರು ಎಂದುಕೊಳ್ಳುವ ಹುಚ್ಚು,
ಕನ್ನಡಿಯಂತ ಜನರು ಕಂಡಲ್ಲಿ ಗೌರವಿಸಿ ಮೆಚ್ಚು..

-

ಆದರ್ಶ ದಂಪತಿಗಳು ಇವರು,
ನನ್ನ ಹೆತ್ತವರು,
ಇವರ ಪ್ರೀತಿ ಅನ್ಯೋನ್ಯತೆಯ ಕಂಡು
ಹರಸಿರುವರು ಮುಕ್ಕೋಟಿ ದೇವರು.,
ಇಬ್ಬರೂ ಸೇರಿ ಜೀವನದ ನೌಕೆಯನ್ನು ಸಾಗಿಸುತ
ಅಪರೂಪದ ಜೋಡಿಗಳಾಗಿರುವರು.,
ಪತಿ ಪತ್ನಿ ಸಂಬಂಧಕ್ಕೆ ಶ್ರೇಷ್ಠತೆಯ ಮೆರುಗು ಇವರು,
ಹಣಕ್ಕಿಂತ, ಪ್ರೀತಿ ಮಮತೆ ಹೊಂದಾಣಿಕೆಯ ಬದುಕೇ ಸುಖವೆಂದು ತೋರಿಸಿದವರು,
ಮಧುರವಾದ ನಿಸ್ವಾರ್ಥದ ಒಲವಿಗೆ
ಮುನ್ನುಡಿ ಬರೆದು ಮಾದರಿಯಾದವರು,
ನೂರುಕಾಲ ಸುಖವಾಗಿ ಆರೋಗ್ಯದಿಂದ
ಬಾಳಲಿ ನನ್ನ ಜನ್ಮದಾತರು,
ಗುಡಿ ಇರದ ದೇವರು ನನ್ನ ಹೆತ್ತವರು..
ಮದುವೆ ವಾರ್ಷಿಕೋತ್ಸವದ ಶುಭಾಶಯಗಳು ಅಪ್ಪಾಜಿ-ಅಮ್ಮ 💐😍

-

ನಾ ಆರಾಧಿಸುವ ದೈವ ನನ್ನಪ್ಪ
ಈ ಜೀವಕೆ ಜೀವವ ನೀಡಿದವ,
ಹಗಲಿರುಳು ಏನನ್ನು ಬಯಸದೆ
ಮಕ್ಕಳಿಗಾಗಿಯೇ ದುಡಿದವ,
ಜೀವನದುದ್ದಕ್ಕೂ ನೋವನ್ನು ನುಂಗಿ
ನಮಗಾಗಿ ನಗುವ ಹೊತ್ತು ತಂದವ,
ಆಕಾಶಕ್ಕೂ ಮಿಗಿಲಾಗಿರುವ,
ನಮ್ಮ ನೋವು ಕಷ್ಟಕ್ಕೆ ಹೆಗಲು ನೀಡಿದವ,
ಸರಳತೆಯಲಿ ಬದುಕುವ,
ಅದ್ಭುತ ಜಗತ್ತನ್ನು ಪರಿಚಯಿಸಿ ಬದುಕಿಗೆ ಸ್ಫೂರ್ತಿಯಾದ ಅಪ್ಪ..

-

ನನ್ನವನು ಭಾವದ ಜೀವಿ
ಅವನೊಬ್ಬ ಅದ್ಭುತ ಕವಿ....

-

ನನ್ನ ಹೃದಯದ ಗೂಡಲ್ಲಿರುವ ಯಜಮಾನ
ಎಷ್ಟು ಚೆಂದ ನಿನ್ನೊಂದಿಗೆ ಬದುಕಿನ ಯಾನ...

-

ಆರಂಭದಲ್ಲಿ ಅನಿಸೋದು ಎಲ್ಲರೂ ನಮ್ಮವರೆಂದು
ಕೊನೆಗೆ ಅರ್ಥವಾಗೋದು ಎಲ್ಲರೂ ಸ್ವಾರ್ಥಕ್ಕೆ ಬಂದವರೆಂದು...

-

ಶ್ರೀಮಂತರ ಗುಣ,
ದೂರದ ಬೆಟ್ಟ ನುಣ್ಣ,
ಎರಡು ಒಂದೇನೇ ಅಣ್ಣ,
ಹತ್ತಿರ ಹೋದಾಗಲೇ ತಿಳಿಯೋದು ಜಾಣ,
ಬೆಟ್ಟ, ಕಲ್ಲು ಮುಳ್ಳುಗಳಿರುವ ತಾಣ,
ಶ್ರೀಮಂತರು ಒಳ್ಳೆಯವರಂತೆ
ಹಾಕಿರುವ ಮುಖವಾಡದ ಬಣ್ಣ,
ಇಂತಹ ಜನಗಳಿಗೆ ದೂರವಿದ್ದಷ್ಟು
ನೆಮ್ಮದಿಯಾಗಿರುವುದು ಜೀವನ.....

-