Dil ke zakhm thode gehre hai
Par inko bharne aaya hoon
Dekhte hain kab tak harayegi ae zindegi
Chal aajaa main fir se ladhne aaya hoon

-

Tu shakti hai tu stithi
Tu laali bhi aur tu hi kaali
Tu rang hai unn rangon ki
Tu aaj hai aur tujhse kal hi
Tu pankh phela aur udaan bhar
Duniya ki chhod aur jeet le dar

Jis soch ne tujhe girayaa usko bhool ja
Jis soch ne tujhe banaya usse lipat
Aaj ek kadam ki doori pe teri pehchaan
Tu himmat na haar aur sabse nipat

Tere se aaj hai
tu hai toh kal bhi hai
Teri jaroorat kisiko ho na ho
Tere pehchaan hi saare sawalon ki jawaab hai

-

Sab kho chuka hai jo soche the sath hoga
Sab mit chuka hai jo soche the kabhi yaadein banega...
hatho pe hath rakhe baat karna
Peeche mudke woh bematlab muskuraana...
Koi khwaab sa tha haasil karna
Bahaut mushkil hai yun bhool paana
Ajnabi se jism mein rooh jaana pehchaana...
Namumkin si lagti hai aisa milpaana
Ajnabi se chehre pe wohi mushkaan
Fir se suru ho ek nayi daastaan

-

No more falling for the victim role someone plays...Sweet words and manipulations does not work out for me now a days...If i don't trust you for some reason..I would hardly change my mind...If you still have strings attached to some shitty things and you don't mind keeping your options open then neither i am gonna be one of them nor gonna hold on

-

Seher se door toh aap baad mein gaye
Din toh woh jaanna hai mujhe jis din hum dil se door hue..

-

Itne saste ban gaye ishq ke bazaar mein
Anshu milte hain yahan hasi ki kimat pe
Yun toh bech khaye thi humne sari naraziyan
Aaj bewafai ki iljaam bhi lagadi kismat pe

Pyaar kari nahi jaati ho jaati hai
Yeh toh suna tha
Mere hote hue bhi tumko pyaar ki talaas thi
Kya karein yeh aaj tak yakeen nahi hota

-

Kabhi mujhpe bharosa karlena
Aaj nahi toh kal mere jaane k baad sahi
Sach mein nahi toh yadoon mein kar lena..
Gusse se nahi ek baar apna samajh kar palat k dekhna
Meri jhuki nazron ko apni taraf karke ek halki si mushkaan chhed dena
Do mithi bol uss mushkurahat mein ghol lena
Aur ussmein se do ghoont mujhe pila denaa..

Maine agar haste haste ro diya toh tum pagal na samajh lena
Kya hai ki aaj kal tumhara nasha kuchh jyaada hi chadhi hai na!!!

-

Tum woh mukaam ho zindegi ke
Jisko paane ki kosish mein kabhi kabhi khudko hi sawal karti hoon..
Yun toh theek thaak hi guzar rahi hai
Lekin tumko leke zindegi mein kuchh jyaada hi soch leti hoon🤩
Taaron ki mehfil ho chaandini raat ho
Tumhare saath hi paas baithe
humari baat ho
Kismat bhi ziddi hai dekho
Majaal hai ki yeh ek baar bhi sach ho !!

-

Jo humpe hai guzri hamein hain yaad sab
Jinke liye anjaan the hum
milne pe mushkura dete hain aab..
Ek arse se sirf apni hi sochhi jin logo ne
wohi khairiyat puchha karte hain aab..
Lekin jo humpe hai guzri hamein hai yaad sab
Kabhi hasi majaak karte karte takaluf bata baithe the
Jab humari baari aati toot ke rone ki humein ek kona dikha dete the..
Baat karne tak ki fursat nahi thi jinhe
Haal puchhne ko number milate hain aab..
Lekin jo humpe hai guzri hamein hai yaad sab

-

Kya woh josh nahi rahi ya mayush sa ban gayi hoon !!!
Alag hoon kuchh ya sabke jaisa hi hoon !!!!
Kuchh khushboo hai bhi ya sabsa hi mehekti hoon ??
Rang toh sabke jaisa hai kya kuchh alag dikhti hoon !!!
Kis nazar se dekhte ho bhool gayi thi puchna
kya aaj yeh main puchh loon ??
Kabhi tareef se dil behlate ho
Kabhi nazroon se bol jaate ho
Kal tak kuchh nahi tha khone ko
kabhi tum mujhe khone se darte ho ??

-