ଘନିଷ୍ଠ ବନ୍ଧନ
°°°°°°°°°°°°°°°°°
ସେ ସବୁ ମନର ଠିକଣା
ହସରେ ଲୁଚିଥିବା କୋହ ର ପାଉଣା ।
ଅବିରତ ଚାଲିଥିବା ପାଦର ଗହଣା
ଅଗଣିତ ଭାବନା ର ବିଶାଳ ଅଗଣା ।

ସଂଗୀତ ର ସୁର ନୁହେଁ ସେ ନିଜେ ସୁମଧୁର
ନିମିଷକେ ନିସଂକୋଚ ରେ କରେ ଆପଣାର ।
ଅଳପ କଥାରେ ଅନ୍ୟ ଭୟ ଦୂର କରେ
ଚାକଚକ୍ୟ ତୁଛମଣେ,ଖୋଜେ ହୃଦୟ ବିଶ୍ଵାସର ।

ଜୀଏ ଆଉ ଜୀଇବାର ଆଞ୍ଜୁଳା ବିଛାଏ
ପଶ୍ଚାତାପ ନୁହେଁ ପରିଣତି ବଦଳାଏ ।
ଜାଣେନା ସେ ମୋହ,ମାୟା ବିଷାଦ ର
ଗଢୁଛି ସେ ଗଢ଼ିଯିବ ମହଲ ସ୍ମୃତିର ।

ଚାହିଁଛି ସେ ଚାହିଁଥିବ ପ୍ରଣୟ ଆତୁର
ଝୁଣ୍ଟେ କେବେ ଅତୀତ କୁ ଝରାଏ ରୁଧିର ।
ଶୁଣୁଛି ସେ ଶୁଣାଉଛି ସପନ ର ସ୍ୱର
ଟପିଯିବ କଣ୍ଟା ଯେତେ ନୁହେଁ ଫେରିବାର ।

ଆଖିରୁ ତା ଦୃଶ୍ୟ ହେବ ଜୀବନ ର ସତ୍ୟ
ଓଠ ଖୋଲି ବିଞ୍ଚିଯିବ ଏକତ୍ଵ ର ଅର୍ଥ ।
ଜାଣୁଛି ସେ ଜଣାଉଛି ମଧୁ ବର୍ଣ୍ଣବୋଧ
ପାରିହେବ, ବୁଝିଯିବ ମୁକୁତା ଯେ ବ୍ୟର୍ଥ ।

ସେ ସବୁ ଚରିତ୍ର ରେ ଜଣାଶୁଣା
କେବେ ହୁଏନି ଆନମନା,ବାଟବଣା ।
ସେ ଯେ ସୁପ୍ତ ଆଶା ର ଗାଢ଼ଣା
ବୁଝାଏ ମୂଲ୍ୟ, ଜଗାଏ ପ୍ରେରଣା ।

               °°°°°°°°°°°

-

ଅଲିଅଳି
•••••••••••
କେବେଠୁ ଚାହିଁଥିଲି ଆଜି ପାଇଛି
ସୁନା ଜହ୍ନ ମୁଁହ ଦେଖିପାରିଛି ।

ସୁକୁମାରୀ ପରୀ ଟିଏ
ଲାଗୁଚି ଏବେ ଚାହିଁବ,
ହାତ ଠାରି ଡାକିବ ।
କୁନି କୁନି ପାଦରେ,
ଠୁକୁ ଠୁକୁ ଚାଲି ମତେ ଛୁଇଁବ ।

ଚକା ଚକା ଭଉଁରୀ ଖେଳି 
ଖିଲି ଖିଲି ହସିବ ।
ଏଣୁ ତେଣୁ ବହେ ଗପି
ମନ ମୋର ମୋହିବ ।
ମିଛି ମିଛି ଜିଦି କରି
ସବୁ ଇଚ୍ଛା କହିବ ।

ଓଠେ ଧରି ମିଠା ହସ
କେତେ କଣ ଗାଇବ ।
ଚାନ୍ଦିନୀ ର ଚନ୍ଦ୍ରମା ସେ
ଲୁଚକାଳି ଖେଳିବ ।
ଝୁମି ଝୁମି ନାଚି ମଜ୍ଜି
କୀର୍ତ୍ତି ଯଶ ଆଣିବ  ।

କେବେଠୁ ଚାହିଁଥିଲି ଆଜି ପାଇଛି
ସୁନା ଜହ୍ନ ମୁଁହ ଦେଖିପାରିଛି ।
  ••••••••••

-

ଲେଖିବି , ଫେରିଯା ଅଫେରା ଠିକଣା କୁ
ଚିରକାଳ ପାଇଁ, ଭୁଲି ତୋ ଫେରନ୍ତା ପଥ ।

-

ବେଳେବେଳେ ଭାବେ ହେଇନଥାନ୍ତା ଯଦି
କେବଳ ଏ ଗୋଟେ ସ୍ବପ୍ନ,
ଏଇଠି ଅନ୍ତ କରନ୍ତି ସବୁ ମାନ ଅଭିମାନ ।
ମିଳନ୍ତନି ମୋ ସ୍ବପ୍ନ ପ୍ରତୀକ୍ଷା ର ମିଳନ କକ୍ଷ ହୋଇ 
ପାହିବାକୁ ତରତର ହୁଅନ୍ତାନି ସେ ଅନ୍ଧାର ମେଘ ।
କଥା ଦେଲି ଭିଜିବି,ଝୁମିବି ଆଲିଙ୍ଗନେ ହୃଦୟେ ତୁମ
ଛାଇ ପରି ଅଦୃଶ୍ୟ ହେବନି ବୋଲି ଯଦି ଗଢ଼ିବ ପ୍ରଣ ।

ଆଖି ପିଛୁଳାକେ ମିଶିବନି ତୁମେ, ଜୁଆର ଶେଷରେ,
ସୀମା ର ହତାରେ,କର୍ମ ପଞ୍ଜୁରୀ ବାହାନାରେ ।
ଅପେକ୍ଷା ରେ ସାମିଲ୍ ହୋଇ ଫେରିବ ନୀଡ଼କୁ,
ରାତ୍ରୀ ର ଶେଷ ପ୍ରହର ହୋଇ ।

ଆସିବ କି ପ୍ରତି ଋତୁ ଶେଷେ, ନୂଆ ରଙ୍ଗ ନେଇ ?
ପାହାନ୍ତିଆ ରବି କିରଣ କୁ ଛୁଇଁବା ସାଥିରେ,
ଆକାଶ କୋଳରେ ଖେଳୁଥିବା ଭସା ବାଦଲ୍ ହୋଇ ।

-

Keep learning & keep exploring.

-

And embrace the open sky .

-

କେବଳ ଜମାଟ ବାନ୍ଧେ ,ଅଳସ ଶେଯରେ, ଶେଷ ପ୍ରହରରେ ।

-

I would have gifted many of it to the actual learner who can't buy.

-

make a desire of reading and opening it often.

-

is that we throw lies confidently.

-