ਜਿਸ ਦਿਨ ਰਾਹ ਕਬਰਾਂ ਦੇ ਪੈ ਜਾਣਾ
ਢਿੱਲੋਂ ਸਾਥ ਛੁੱਟ ਜਾਣਾ ਸੰਗੀ ਸਾਥੀਆਂ ਦਾ

ਜਿਹੜੇ ਜਿਉਂਦਿਆਂ ਦੀ ਕਦਰ ਨਹੀ ਕਰਦੇ
ਵੇਖੇ ਵੱਧ ਕੇ ਮੁੱਲ ਲਾਉਂਦੇ ਮਰੇ ਹਾਥੀਆਂ ਦਾ

ਜਦੋ ਮੌਤ ਦੀ ਬੁੱਕਲ਼ ਵਿੱਚ ਬਹਿ ਜਾਣਾ ਏ
ਸਿਵਾ ਬਲਦਾਂ ਹੋਣਾ ਲੱਕੜਾਂ ਤੇ ਪਾਥੀਆਂ ਦਾ

ਉਦੋਂ ਸਭ ਦੇ ਗੁੱਸੇ ਗਿਲੇ ਦੂਰ ਹੋ ਜਾਂਦੇ ਨੇ
ਜਦੋਂ ਆਖ਼ਰੀ ਵੇਲਾ ਹੁੰਦਾ ਝਾਕੀਆਂ ਦਾ(ਢਿੱਲੋਂ)

-

ਪਜਾਮੀਆਂ ਚ ਹੱਗਣ ਵਾਲਿਆਂ ਦੇ
ਕਦੇ ਚੇਲੇ ਦਲੇਰ ਨਹੀਂ ਹੁੰਦੇ

ਵੇਖ ਇਕੱਲੇ ਨੂੰ ਦੱਸ ਟੱਕਰ ਜਾਣ
ਉਹ ਜ਼ਨਾਨੇ ਕਦੇ ਸ਼ੇਰ ਨਹੀ ਹੁੰਦੇ

ਔਖੇ ਵੇਲੇ ਜਿਹੜਾ ਹਿੱਕ ਤਾਣ ਖੜ੍ਹ ਜਾਵੇ
ਉਹ ਮਰਦ ਕਦੇ ਸਪੇਅਰ ਨਹੀਂ ਹੁੰਦੇ

ਜੰਗ ਦੇ ਮੈਦਾਨ’ਚ ਜਿਹੜਾ ਮੈਦਾਨ ਛੱਡ ਜਾਵੇ
ਢਿੱਲੋਂ ਉਹ ਕਦੇ ਚੰਗੇ ਪਲੇਅਰ ਨਹੀਂ ਹੁੰਦੇ(ਢਿੱਲੋਂ)

-

ਅਸੀਂ ਉੱਜੜੇ ਹੋਏ
ਬਾਗ ਹਾਂ…

ਕਿਸੇ ਮੁੱਕੇ ਹੋਏ
ਮਾਲੀ ਦੇ…..

ਹੁਣ ਇਹ ਪੱਤ ਝੜ
ਸਾਡਾ ਕੀ ਵਿਗਾੜੇਗੀ

ਕੁੱਝ ਪੱਲੇ ਨਹੀ
ਟਾਹਣੀਆਂ ਤੋ ਖ਼ਾਲੀ ਦੇ

ਕਿੰਨੀਆਂ ਆਈਆਂ
ਬਹਾਰਾਂ ਬਦਲ-੨ ਕੇ

ਮੈਨੂੰ ਕੋਈ ਫਲ਼ ਨਹੀਂ ਪਿਆ
ਆਸਰੇ ਨਹੀਂ ਕਿਸੇ ਰਖਵਾਲੇ ਦੇ

ਜਦੋਂ ਦਾ ਮੇਰਾ ਮਾਲੀ ਤੁਰਿਆ
ਜੜ੍ਹਾਂ ਕਮਜ਼ੋਰ ਹੋ ਗਈਆਂ

ਹੁਣ ਕੀ ਜਵਾਬ ਦੇਵੇ
ਕਿਸੇ ਆਏ ਸਵਾਲੀ ਦੇ(ਢਿੱਲੋਂ)

-

ਅਸੀਂ ਉੱਜੜੇ ਹੋਏ
ਬਾਗ ਹਾਂ…

ਕਿਸੇ ਮੁੱਕੇ ਹੋਏ
ਮਾਲੀ ਦੇ…..

ਹੁਣ ਇਹ ਪੱਤ ਝੜ
ਸਾਡਾ ਕੀ ਵਿਗਾੜੇਗੀ

ਕੁੱਝ ਪੱਲੇ ਨਹੀ
ਟਾਹਣੀਆਂ ਤੋ ਖ਼ਾਲੀ ਦੇ

ਕਿੰਨੀਆਂ ਆਈਆਂ
ਬਹਾਰਾਂ ਬਦਲ-੨ ਕੇ

ਮੈਨੂੰ ਕੋਈ ਫਲ਼ ਨਹੀਂ ਪਿਆ
ਆਸਰੇ ਨਹੀਂ ਕਿਸੇ ਰਖਵਾਲੇ ਦੇ

ਜਦੋਂ ਦਾ ਮੇਰਾ ਮਾਲੀ ਤੁਰਿਆ
ਜੜ੍ਹਾਂ ਕਮਜ਼ੋਰ ਹੋ ਗਈਆਂ

ਹੁਣ ਕੀ ਜਵਾਬ ਦੇਵੇ
ਕਿਸੇ ਆਏ ਸਵਾਲੀ ਦੇ(ਢਿੱਲੋਂ)

-

ਢਿੱਲੋਂ ਜਿੱਥੇ ਇਕ ਵਾਰ ਫੁੱਟ ਪੈ ਜਾਵੇ
ਉੱਥੇ ਕਦੇ ਪਹਿਲਾਂ ਵਾਲੀ ਗੱਲ ਨਹੀ ਰਹਿੰਦੀ

ਦਿਲ ਵਿੱਚ ਨਫ਼ਰਤ ਵਾਲੀ ਕੰਧ ਬਣ ਜਾਂਦੀ ਏ
ਜਿਹੜੀ ਮਿੱਠੀਆਂ ਗੱਲਾਂ ਨਾਲ ਵੀ ਨਹੀਂ ਢਹਿੰਦੀ

ਫਿਰ ਦਿਖਾਵਾ ਕਰਨਾ ਪੈਂਦਾ ਏ ਖੁਸ਼ੀ ਗ਼ਮੀ ਦਾ
ਗੂੜ੍ਹਿਆਂ ਰਿਸ਼ਤਿਆਂ ਵਿੱਚ ਉਹ ਮੋਹ ਨਹੀਂ ਪੈਂਦੀ

ਚਿਹਰੇ ਉੱਤੇ ਨਕਾਬ ਰਹਿੰਦਾ ਏ ਆਪਣੇ ਪਨ ਦਾ
ਉਵੇਂ ਆਪਣੇ ਦੀ ਖੁਸ਼ੀ ਆਪਣੇ ਕੋਲੋਂ ਵੇਖ ਨਹੀਂ ਹੁੰਦੀ

-

ਕਿੰਨੇ ਸਾਲ ਤੂੰ ਝੂਠੀ ਵਫਾਂ ਵਾਲਾ
ਨਕਾਬ ਮੂੰਹ ਤੇ ਪਾਈ ਰੱਖਿਆਂ
ਸਬਰ ਤਾਂ ਵੇਖ ਮੇਰਾ
ਸਭ ਕੁੱਝ ਪਤਾਂ ਹੁੰਦਿਆਂ ਵੀ
ਕਦੀ ਤੈਨੂੰ ਬੇਨਕਾਬ ਨਹੀ ਕੀਤਾ(ਢਿੱਲੋਂ)

-

ਜਿੱਥੇ ਇਕੱਠ ਹੋਵੇ ਪਰਿਵਾਰ ਦਾ
ਉੱਥੇ ਚਾਚੇ ਤਾਏ ਸ਼ਰੀਕ ਨਹੀ ਹੁੰਦੇ

ਕੋਈ ਕਰ ਚੁਗਲੀ ਗੂੜ੍ਹੇ ਰਿਸ਼ਤੇ ਨੂੰ ਤੋੜ ਦੇਵੇ
ਢਿੱਲੋਂ ਇਹ ਤੰਦ ਇੰਨੇ ਵੀ ਬਰੀਕ ਨਹੀ ਹੁੰਦੇ

ਆਪਣਿਆਂ ਬਾਝੋਂ ਕੋਈ ਸੰਗੀ ਨਹੀਂ ਬਣਦਾ
ਉੱਥੇ ਬੇਗਾਨੇ ਔਖੇ ਵੇਲੇ ਨਜ਼ਦੀਕ ਨਹੀਂ ਹੁੰਦੇ

ਭੱਜੀਆਂ ਬਾਹਾਂ ਭੱਜ ਕੇ ਗਲ ਨੂੰ ਆਉਂਦੀਆਂ ਨੇ
ਮਾੜੇ ਸਮੇਂ’ਚ ਲਗੇ ਫੱਟ ਚੰਗੇ’ਚ ਵੀ ਠੀਕ ਨਹੀ ਹੁੰਦੇ

-

ਜੇ ਹੁਣ ਫੇਰ ਜੰਗ ਹਿੰਦ ਤੇ ਪਾਕ ਦੀ ਹੋਈ
ਤਾਂ ਲੂਹ ਨਾਲ ਭਿੱਜ ਪੰਜਾਬ ਨੇ ਜਾਣਾ ਏ

ਢਿੱਲੋਂ’’ਦੋਵੇਂ ਪਾਸੇ ਪੁੱਤ ਮਾਵਾਂ ਦੇ ਮਾਰਨੇ ਨੇ
ਰਾਜਨੀਤੀ ਕਰਨ ਵਾਲਿਆਂ ਦਾ ਕੀ ਜਾਣਾ ਏ

ਕਦੇ ਬੰਬ ਨਹੀਂ ਚਲਿਆ ਇਹਨਾਂ ਦੇ ਘਰ ਮੂਹਰੇ
ਕਿਉਂ ਕੀ ਅੱਤਵਾਦੀ ਖੁਦ ਇਹਨਾਂ ਦਾ ਲਾਹਣਾ ਏ

ਜਨਤਾ ਦੀਆਂ ਅੱਖਾਂ ਉੱਤੇ ਨਫ਼ਰਤ ਦੀ ਬੰਨ ਪੱਟੀ
ਇਹਨਾਂ ਤਾਂ ਸ਼ਾਮ ਨੂੰ ਇੱਕੋ ਥਾਲ਼ੀ ਵਿੱਚ ਖਾਣਾ ਏ

-

ਜੇਕਰ ਤੁਸੀਂ ਲੰਬੇ ਸਮੇਂ ਤੱਕ ਚੱਲਣ ਵਾਲਾ ਰਿਸ਼ਤਾ ਚਾਹੁੰਦੇ ਹੋ
ਤਾਂ ਤੁਹਾਨੂੰ ਆਪਣੇ ਸੁਭਾਅ ਨੂੰ ਕੋਮਲ ਰੱਖਣਾ ਪਵੇਗਾ
ਫਿਰ ਤੁਹਾਨੂੰ ਜ਼ਿੰਦਗੀ ਦੇ ਉਤਰਾਂ-ਚੜ੍ਹਾਅ ਵਿੱਚੋਂ ਵੀ ਲੰਘਣਾ ਪਵੇਗਾ
ਕਦੇ ਤੁਸੀਂ ਆਪਸ ਵਿੱਚ ਲੜਦੇ ਹੋ, ਕਦੇ ਤੁਸੀਂ ਹੱਸਦੇ ਹੋ
ਕਦੇ ਤੁਸੀਂ ਆਪਸ ਵਿੱਚ ਖੁਸ਼ ਹੁੰਦੇ ਹੋ ਕਦੇ ਦੁਖੀ ਹੁੰਦੇ ਹੋ
ਕਦੇ ਤੁਸੀਂ ਪਾਗਲ ਵਾਂਗ ਹੋ ਜਾਂਦੇ ਹੋ ਕਦੇ ਤੁਸੀਂ ਸਮਝਦਾਰ ਜਾਂਦੇ ਹੋ
ਇਵੇਂ ਦੇ ਬਹੁਤ ਸਾਰੇ ਪੜਾਅ ਆਉਂਦੇ ਨੇ ਜ਼ਿੰਦਗੀ ਵਿੱਚ
ਇਹ ਸਾਰੇ ਹਰ ਬੰਦੇ ਦੀ ਜ਼ਿੰਦਗੀ ਵਿੱਚ ਪੜਾਅ ਜ਼ਰੂਰ ਹੁੰਦੇ ਨੇ
ਅੱਜ ਕੱਲ ਜ਼ਿਆਦਾਤਰ ਰਿਸ਼ਤੇ ਟੁੱਟਣ ਦਾ ਇੱਕ ਕਾਰਨ ਇਹ ਵੀ ਹੈ. ਲੋਕਾਂ ਵਿੱਚ ਰਿਸ਼ਤਿਆਂ ਨੂੰ ਸਮਝਣ ਦੀ ਸਕਤੀ ਨਹੀਂ ਰਹੀ
ਹਰ ਪਲ ਲੜਨ ਲਈ ਤਿਆਰ ਰਹਿਣਾ
ਇਵੇਂ ਦੇ ਬਹੁਤ ਸਾਰੇ ਲੋਕ ਹਨ ਜਿਨ੍ਹਾਂ ਨੇ ਬਿਨਾਂ ਕੁੱਝ ਬੋਲ ਕਹੇ
ਆਪਣੇ ਰਿਸ਼ਤਾ ਖਤਮ ਕਰ ਲਏ
ਭਾਵੇਂ ਰਿਸ਼ਤਾ ਕੋਈ ਵੀ ਹੋਵੇ ਉਸ ਰਿਸ਼ਤੇ ਨੂੰ ਸਮਝ ਲਈ ਥੋੜਾ ਸਮਾਂ ਲਓ!!!!ਬਹੁਤ ਸਾਰੇ ਲੋਕ ਹਨ ਜਿਨ੍ਹਾਂ ਨੇ ਆਪਣੇ ਹੰਕਾਰ ਕਰਕੇ
ਆਪਣੇ ਰਿਸ਼ਤਿਆਂ ਨੂੰ ਖਤਮ ਕਰ ਲਿਆ
ਆਪਣੇ ਕਿਸੇ ਵੀ ਰਿਸ਼ਤੇ ਵਿੱਚ ਕਦੇ ਵੀ
ਉਹ ਗਲਤੀ ਨਾ ਕਰੋ!ਜੋ ਜ਼ਿੰਦਗੀ ਵਿੱਚ ਕਦੇ ਸੁਧਾਰੀ ਨਾ ਜਾਵੇ
ਆਪਣੇ ਹਰ ਰਿਸ਼ਤੇ ਦੀ ਗੰਢ ਮਜ਼ਬੂਤ ਰੱਖੋ(ਢਿੱਲੋਂ)

-

ਡੂੰਘੀਆਂ ਤੇ ਸਿਆਣੀਆਂ ਗੱਲਾਂ
ਅਕਸਰ ਉਹ ਲੋਕ ਕਰਦੇ ਨੇ
ਜਿੰਨਾ ਨੂੰ ਸਮਾਜ ਵਿੱਚ ਬੇਸਮਝ
ਸਮਝਿਆ ਜਾਂਦਿਆਂ ਏ (ਢਿੱਲੋਂ)

-