Teen doston ki yaari, Hai sabse pyaari.
Anjaane chehron ki, Yeh ankahi kahani..

Khub hui manmani,Par humne haar na mani.
Dikha di iss duniya ko, Hamari dosti sabse pyaari..

Jab hui katrar hui ladai,
Sabne milkar dhum machai.
Par yeh na jaani duniya sari,
Ki hamari yaari sabse nyaari..

Pal bhar ka gussa, Pal bhar ka pyaar.
Aise hi to hota , Yeh dosti ka war

Jal gai yeh duniya sari
Jab neele dress mein aai pyaari
Dhum machadi milkar sari
Anjano ki apni yaari
Dil se nibhai yeh dosti pyaari........

-

Ek Ehsaas

Yeh ehasaas dil se hai,
Ya yeh ehasaas rooh se hai.
Jo bhi hai iska kissa,
Bas mera yeh tumse hai...❤

Yeh kya iss janam se hai,
Yeh kya uss janam se hai.
Jo bhi ho iska kissa,
Yeh to har janam se hai....❤

Yeh rishta swarth se hai,
Ya yeh rishta niswarth se hai.
Jo bhi ho iska kissa,
Yeh to do aatmaon se hai....❤

Tera hissa krishna ka hai
Ya mera hissa radhe ka
Jo bhi ho iska kissa
Par har janam krishan hai radhe ka.....❤

-

Har raastey par chalna hai
Chahe ho lakh kaatein
Aaye chahe lakh mushkilein
Har paar kar jaana hai

Hoon mein iss chand si
Laakho taron se ghiri hoon
Chamakti hoon sabke saath
Par hoon mein bilkul akeli

Samjhaati hoon sabko yaha
Khud samajh na paati hoon
Deti hoon sabko sahara
Khud akeli reh jaati hoon

In bheed padi rahon mein
Akele chalna sikh gai
Shor bhari iss duniya mein
Shukoon ko na dhundh paai!!

-

Na jaane kaise chalungi
Inn unjaane raaston par
Har koi hai ajnabi yaha
Dhoondhti hoon tere nisha

Nahi hain aasaan kuch bhi yahan
Nahi hai koi pehchan meri
Nahi hai koi saath mera
Hoon mein ek ajnabi

Kaas hote tum yaha
Har raasta hota aasaan
Har kathinaai ho jaati paar
Kaatein ban jaate phool yaha

Mushkil hai har pal yaha
Kaise gujaroon saal yaha
Koi nahi mera yaha
Bas tum aajao mere jahan....

-

Na manjil mil rahi
Na kinara mil raha
Bas chalte jaa rahe
Koi thikana na raha

Na khaawish hai kuch karne ki
Na khawish hai ab kuch paane ki
Jo kuch khaawish rahi adhhoori
Wo hai agle janam mai paane ki

Qudrat ka yeh karishma dekho
Kya khoob khel rachaya hai
Ek ajnabi se milne ke khaatir
Apno se dur le aaya hai

Saath raha bas yuhi itna
Kuch lamho ka saath paaya
Banaya inn lamho ko khaas
Aaj bichadne ka samay aaya hai.......

-

Na manjil hai ek hamari
Na raastey hain ek(2)
Phir bhi na jaane kyo
Aaj mile yeh do dil.......

The yeh do, panchhi ajnabi
Apni apni inki rahe thi(2)
Le aai kismat ek daali par
Kaisi ye numaayish thi......

Mil gaye ye ajnabi dil
Us ek pair ki daali par(2)
Ho gaye ek duje ke
Bhulkar duniya dari sab......

Ho gaya khel qudrat ka shuru
Karke inke raastey alag(2)
Kuch rishton ki khaatir
Aaj hui kurbaan mohabbat.....

Khelna tha jo qudrat ko
Khel gai wo inke saath(2)
Kya hua jo hue alag
Per dil to hain ek dooje ke paas......❣

-

Aaj hui kuch aisi kashmkash,
Tum bhi sunkar has padoge.
Hui main itni bhavuk ki,
Tum bhi sunkar ro padoge....

Bachchpan se saath rahe,
Ek duje ke aas rahe.
Rakhi ke shubh avsar par,
Ek duje ke paas rahe.....

Dekhkar sabko saath itna,
Dil khushi se uchhal pada.
Par paakar khud ko dur itna,
Na jaane kyon dil aaj ro pada.....

Hansti hoon khud se itna,
Ki yeh dil na, kamjor pade.
Par bekhar jaati hoon kabhi-kabhi,
Jab yeh mera dil ro pade......

-

Mere kuch naye kisse
Naye log or naye rishtey.
Jaante nahi the ek duje ko
Fir bhi ban gaye mere hisse..

Nahi tha koi aasaan jeena
Parivaar se rehkar dur itna.
Chhodkar apni pyaari duniya
Bas gayi ek nai duniya..

Anjaan shehro ki anjaan galiyaan
Lagne lagi kuch apni duniya.
Anjane the jo log yaha
Ban gaye yeh apne jahan..

Yeh hawa waha bhi thi
yeh hawa yaha bhi hai.
Par na jaane kyo iss hawa ka
Apna hi kuch andaaz hai......

Aai thi ek anjaan bankar
Jaldi hi sabki ban gai
Thi jo mai ek ajnabi
Aaj sabke dilon mai bas gai.....

-

Har baar sochti thi ki
Bahar jana chahti hoon
Parivaar se dur hokar
Zindagi jeena chahati hoon
Dekhna chahti hoon
Yeh zindagi kaise hoti hai
Aur aaj pata chala ki
Zindagi bad se badtar hoti hai...

Chahati thi jana dur
Par nhi jaanti thi ki
Itna tuff hoga jana
Aur mazboor hoga itna rehna
Sochti thi....

Kaise rahoongi parivaar se dur
Yeh to prabhu aap hi jaane
Bas dena sakti mujhe
Aur mere parivaar ko
Nikal jaayenge yeh 9 mahine
Mere parivaar ki yaad mein.....
Sochti thi....

-

Ek beti ki kahani ek beti ki jubani
Nahi hai aasaan yeh zindagani
Kuch pal ke aasoon kuch pal ki rabani
Bas aise hi hai ek beti ki kahani...

Beti nhi jaise hai ek chaabi
Jis mod chaha hi us mod ghumali
Agar kamaye paisa to hai yeh hoshiyaari
Aur na kamye paisa to hai yeh anadi

Beti ki khushi nahi kisi ko pyaari
Bas beti se hi chahe har khushi sari
Kare to kya kare yeh beti bichari
Aakhir ban hi jaati yeh bhoj pyaari

Beti se shuru hui beti ki kahanhi
Aur duniya par lut gai yeh beti pyaari
Kardi kurban har khushi sari
Kyonki beti ki khushi padi sab par bhaadi.....

-