അറിയില്ല !
ഞാനെത്ര നീയായ് മാറിയെന്ന് ;
ഇന്നെന്നിലെ
യാത്രകളും രാത്രികളും,
കവിതകളും കിനാവുകളും,
നിഴലും നിലാവും,
പ്രണയവും ഭ്രാന്തും
നീ മാത്രമാണ്...

-

അങ്ങകലെയുള്ള
നിലാവിനെ സാക്ഷിയാക്കി,
ഉറക്കമില്ലാത്ത
രാത്രികളെ
ഭ്രാന്തുപിടിപ്പിക്കുന്ന
ആഗ്രഹങ്ങൾക്കും
സ്വപ്നങ്ങൾക്കും
വല്ലാത്തൊരു ലഹരിയാണത്രേ..
ഒരുപക്ഷേ,
സഫലമായാൽ ഇല്ലാതാവുന്ന
കാത്തിരിപ്പിന്റെ ലഹരി...

-

മിഴിച്ചിമ്മുന്നൊരായിരം
നക്ഷത്രങ്ങളേക്കാൾ
മിഴികൾക്കെന്നും പ്രിയം
നീലനിലാവിനോടായിരുന്നു.,
മൂകമാം രാത്രികളിൽ
മൊഴികളേക്കാൾ
അധരങ്ങൾക്കെന്നും പ്രേമം
കവിതകളോടായിരുന്നു...

-

വിടരാൻ
തുടിക്കുന്ന
കിനാവുകൾ

-

പ്രതീക്ഷതൻചില്ലകളിൽ നിന്നും, ആഗ്രഹങ്ങളാംത്തളിരുകളെ
നുള്ളിയെടുത്തുകൊണ്ട്,
ആജ്ഞകളാം വേരുകൾ,
ആത്മാവിനെ
വരിഞ്ഞുമുറുക്കിയപ്പോൾ,
മനസ്സിൻമണ്ണിൽ
അഴുകിദ്രവിച്ചതൊരായിരം
വസന്തങ്ങളായിരുന്നു...

-

അന്നുനീയെന്റെ
എഴുത്തുപുസ്തകത്തിൻ
ഉൾത്താളിൽ,
ആരും കാണാതെ
ഒളിപ്പിച്ചുവച്ച
മയിൽ‌പ്പീലിതുമ്പിനാൽ
ഞാനിന്നൊരു
കവിത വരച്ചിട്ടുണ്ട്.,
മറ്റാർക്കും വായിക്കാൻ
കഴിയാത്ത,
നിൻ മിഴികളാൽ മാത്രം
വർണ്ണങ്ങൾ
ചാർത്താൻ കഴിയുന്നൊരു
കവിത...

-

തളിരണിഞ്ഞു
പൂവിട്ട
നിൻ
മന്ദഹാസമതിൽ
തെളിയും
തേൻനിലാവതിൻ
വശ്യമാം
മാധുര്യത്തിൽ
ചേർന്നുമയങ്ങാൻ
കാത്തീ
മിഴിയിണകൾ...

-

നിൻ നിനവൊരു
നിലാമഴയായ്
എന്നിൽ
പെയ്‌തലിയട്ടെ...

-

ദുഃസ്വപ്നം...
(കവിത )

-

എൻ കനവിൽ
നിന്നോർമ്മകൾതൻ
നിഴൽ പതിയവേ,
എരിയുന്ന മനസ്സിൻ
താപമേറ്റെൻ
മിഴിനീർകണങ്ങളത്രയും
കവിൾത്തടത്തെ
പുണർന്നൊഴുകി..

-