ഞാൻ ഒരു നിമിഷം നിർവികാരയായ് നിന്നു. ഒടുവിലത്തെ ഉൾവിളിയിൽ നിന്ന് ഒഴുകി വരുന്ന ഭീതിതമായ മൗനത്തെ കൂട്ടുപിടിച്ച് ഒരു പ്രതിമ കണക്കെ...

-

നല്ല ഹൃദയത്തിനുടമയായ ഒരാൾക്ക് ആരെയും നഷ്ടപ്പെടുന്നില്ല;

മറ്റുള്ളവരാണ് 
തിരിച്ചെടുക്കാനാകാത്ത വിധം അവരെ നഷ്ടപ്പെടുത്തുന്നത്.!!

-

കടന്നുപോയിരിക്കുന്നു.പ്രണയത്തിന്റെ നനുത്ത ഓർമ്മകളിൽ നീയും ഞാനും ഇന്നും ആ പഴയ കൗമാരപ്രായക്കാരാണ്. കുസൃതി നിറഞ്ഞ നോട്ടമൊളിപ്പിച്ച നിന്റെ വെള്ളാരം കണ്ണുകളിൽ അന്ന് എന്നോടുള്ള പ്രണയമത്രയും തുടുത്ത താമരപ്പൂക്കൾ പോലെ വിടർന്ന് നിന്നിരുന്നു. എറിഞ്ഞു വീഴ്ത്തിയ നെല്ലിക്കയും, മണമുള്ള റബ്ബറും എനിക്കായി നീട്ടിയപ്പോഴൊക്കെയും നിന്റെ നിഷ്കളങ്ക സ്നേഹത്തിന്റെ മാധുര്യം ഞാൻ അനുഭവിച്ചിരുന്നു. വർഷങ്ങൾ കടന്നുപോയെങ്കിലും നമ്മുടെ പ്രണയത്തിനിന്നും മധുരപ്പതിനാറാണ്‌..

-

ഒരു ദിനത്തിലായ് എന്നെ
തളച്ചിടും നേരം മർത്യാ
നീ അറിയുന്നില്ല എൻ
ഹരിതാഭ കേവലം
ഒരു ദിനത്തിൽ പടർന്നു
പന്തലിക്കുകില്ലെന്ന്...

-

ഇനിയൊരിക്കലും നിന്നോട് കൂട്ടുകൂടില്ലെന്നു തീരുമാനിച്ചുറപ്പിച്ചതായിരുന്നു ഞാൻ.
നേരിട്ട് കണ്ടപ്പോൾ അത് പറയാൻ കൂടിയാണ് ഞാൻ നിന്റെ മുന്നിലേക്ക് വന്നതും;
എന്നാൽ നിന്റെ നിഷ്കളങ്കമായ പുഞ്ചിരി എന്റെ ദേഷ്യത്തെയും വാശിയെയും തണുപ്പിക്കാൻ ശക്തിയുള്ളതായിരുന്നെന്നു ഞാൻ അപ്പോഴാണ് മനസ്സിലാക്കിയത്.
നിന്നോട് യാത്ര പറഞ്ഞു മടങ്ങുമ്പോൾ നീ തന്ന പുഞ്ചിരി എന്റെ ചുണ്ടുകളെയും കീഴടക്കിയിരുന്നു..

-

എവിടെയോ മറന്നുവെച്ച മഴയുടെ
ആർദ്രതയെ അന്വേഷിച്ചുകൊണ്ടു
മഴമേഘങ്ങൾക്കിടയിലൂടെ
സഞ്ചരിക്കുന്ന ഇളംകാറ്റ്..







മഴപെയ്തുതോർന്നിട്ടും
ആ മഴയുടെ സംഗീതത്തെ
നെഞ്ചിലേറ്റി താളമിടുന്ന
മരച്ചില്ലയിൽ നിന്നുതിർന്നു
വീഴാൻ തുടങ്ങുന്ന മഴത്തുള്ളി..

-

തണുപ്പു നിറഞ്ഞ മുറിക്കുള്ളിൽ ഇരുന്നിട്ടുപോലും അയാളുടെ ശരീരത്തിൽ നിന്ന് വിയർപ്പ് തുള്ളികൾ ഒഴുകിക്കൊണ്ടിരുന്നു.ക്ഷമ ഇല്ലാതെ പ്രവർത്തിച്ചത് കൊണ്ട് ഉണ്ടായ ആ അപകടത്തെക്കുറിച്ചോർത്തപ്പോൾ അയാൾക്ക് പെട്ടെന്ന് ആ പാവം മനുഷ്യനെ ഓർമ്മവന്നു. തന്റെ വണ്ടി തട്ടി ചോരയിൽ കുളിച്ചു പിടയുമ്പോഴും ആ കണ്ണുകൾ തന്റെ നേർക്ക് ദയനീയമായി നോക്കുന്നുണ്ടായിരുന്നു. അയൽക്കാരനായിട്ടുപോലും ആ വൃദ്ധനെ രക്ഷിക്കുന്നതിനുപകരം അന്നത്തെ ബോർഡ്‌മീറ്റിങ്ങിൽ കൃത്യ സമയത്തു എത്താൻ ആയിരുന്നു തനിക്ക് ധൃതിയുണ്ടായിരുന്നത്.അപ്പോഴാണ് തന്റെ പ്രിയതമയുടെ ഫോൺ വന്നത്.അവൾ ആണ് ആരോ ഇടിച്ചിട്ടു പോയ അയൽക്കാരൻ അബോധാവസ്ഥയിൽ ആണെന്ന കാര്യം പറഞ്ഞത്.അതുകേട്ടതും മനസ്സിന് വല്ലാത്ത ഭാരം അയാൾക്ക് അനുഭവപ്പെട്ടു.ജോലി കഴിഞ്ഞ് ഇരുട്ട് നിറഞ്ഞ വഴിയിലൂടെ നടന്നു ആ വീടിനു മുൻപിൽ എത്തിയപ്പോൾ അയാളെ കാത്തിരുന്നത് മണ്ണ് പുതഞ്ഞ ആ പാവം മനുഷ്യന്റെ മൃതദേഹമായിരുന്നു...

-

തോൽപ്പിക്കണമെന്ന വാശിയോടെ
പിറകിൽ നിന്ന് ഒരാളെ കുത്തിയാലും
തോൽക്കുന്നത് നിങ്ങൾ തന്നെയാണ്
സ്വന്തം മനഃസാക്ഷിക്കു മുൻപിൽ...

-

നിന്റെ ഓർമ്മകൾ എന്റെ മനസ്സിൽ നിറഞ്ഞുതൂവുകയാണ്..
ഒരിക്കലും മറക്കാനാവാത്ത നല്ല നിമിഷങ്ങൾ സമ്മാനിച്ച പ്രിയ സഹോദരാ
നിനക്കായ് ഇത് കുറിക്കുമ്പോൾ നെഞ്ചിൽ ഒരു വിങ്ങൽ ഇപ്പോഴും ബാക്കിയാണ്. നിന്നിൽ നിന്നും എന്റെ ഓർമ്മകൾ അകന്നു പോയി എന്ന സത്യം ഉൾകൊള്ളാൻ ഇന്നും എനിക്ക് കഴിയുന്നില്ല..
എങ്കിലും നീ എന്നും എന്നിൽ അനശ്വരമായിരിക്കും..

-

ഏതു ചെറിയ പ്രകാശത്തിൽ പോലും ഞാൻ കരുത്തുറ്റവനായി നിലകൊള്ളുന്നു..
എന്നാൽ ഇരുട്ടിനോട് പൊരുതാൻ
ഞാൻ അശക്തനാണ്..
എന്നാൽ നീയാവട്ടെ
ഇരുട്ടിനെയും പ്രകാശത്തെയും
അതിജീവിക്കാൻ കഴിവുള്ളവനും..
അതിനാൽ ഭയമേതുമില്ലാതെ പോരാടുക ..
മാറ്റത്തിന്റെ പുതിയ പാതയിലൂടെ മുന്നേറുക...

-