एखादा व्यक्ती आपल्या आयुष्यात असून नसल्यासारखा वाटत असेल, तर त्याचं आपल्या आयुष्यातून निघून जाणंच बरोबर असतं आणि आपल्यालाही त्याला जाऊ देता यायला हवं!

-

प्रत्येक सेकंद सारखा नसतो
प्रत्येक मिनिट सारखा नसतो
प्रत्येक तास सारखा नसतो
प्रत्येक दिवस सारखा नसतो
प्रत्येक आठवडा सारखा नसतो
प्रत्येक महिना सारखा नसतो
प्रत्येक वर्ष सारखं नसतं
प्रत्येक क्षण सारखा नसतो
प्रत्येक माणूस सारखा नसतो
प्रत्येकाचं आयुष्य सारखं नसतं

वेळ प्रत्येकाची येते,एवढं लक्षात असायला हवं !आज नाहिये तुझी पण उद्या नक्कीच येईल, तुझं चालत राहणं महत्त्वाचं !
भलेही आयुष्य अस्थिर आहे,त्यात तुझं स्थिर असणं महत्त्वाचं !
तुझ्या स्वप्नांवर,ध्येयांवर,तू सेट केलेल्या तुझ्या गोलवर,तुझं टिकून राहणं महत्त्वाचं !

-

ठाव घेतला मनाचा, सुगंधी ह्या अत्तराने
झुरतोय जिव कायम,दोघांत असलेल्या अंतराने l

असलो दूर जरी वेचून घेऊ,क्षण प्रेमाचे हे अंतरातले
मिटेल बघ अंतरही हे, तुझ्या अन्‌ माझ्यातले l

-

तुझी सावली बनून मी, सोबत तुझ्या चालणार होते
त्या अंधारात सुद्धा, मी साथ तुझी सोडणार नव्हते l

जाऊ नकोस असा, थांब तुला मी म्हणाले होते
पण तु गेलास निघून, तोडून आपल्यामधले सारे नाते l

-

त्याला पाहता आजही डोळे तिचे पान्हावतात
दाटलेल्या भावना मौनातल्या ओठांवर त्या येतात l

पान्हावलेले डोळे तिचे मग त्याचा शोध घेतात
शोध घेता त्याचा जुन्या आठवणींत तिला रमवतात l

-

दाही दिशांना जाणार्‍या ह्या वाटा
व्हावी योग्य वाटेची मी वाटसरू l

आयुष्याच्या ह्या सुंदर प्रवासात
नव्याने नव्या वाटेशी मैत्री करू l

कधी वाटेवरून चालता जुन्याही
मिळे जुन्या आठवणींना ओलावा l

परतीची लागते ओढ जणू इथे
नव्याजुन्या वाटेचा पुन्हा-पुन्हा ध्यास व्हावा l

-

तिच्या मनाच्या भरलेल्या आकाशात
सुगंध त्याच्या सहवासाचा दरवळला होता l

शब्दांतील भाव त्याच्या मनातला
न सांगताच जणू तिला कळला होता l

-

काय सांगू या अंतरीच्या व्यथा माझ्या
कदाचित त्या कधीच तुला कळणार नाही l

क्षणा-क्षणाला झुरणं माझं तुझ्यासाठी
कळून पण तुला कधीच वळणार नाही l

-

नात्यांमधला ओलावा टिकवून ठेवतो
तो एकमेकांमध्ये असलेला संवाद
कोणत्याही नात्यामध्ये अबोला शिरला
म्हणजे एकटेपणाची जाणीव वरचढ
ठरायला लागते.

-

तूच असतोस रे सख्या
मनी दडलेल्या शब्दांत ह्या
शोधतेय ही नजर तुला रे
सांग तू आहेस का...💖

-