ಮೌನಿ ನಾನು
ಮಾತಿಗಿಂತ ಮೌನವನೆ ಹೆಚ್ಚು ಪ್ರೀತಿಸಿದ್ದೆನು
ಬಾಯಿಯ ಮಾತಿಗಿಂತ ಬರಹದ
ಒಲುಮೆಗೆ ಮನ ಸೋತಿದ್ದೆನು
ಬದಲಾಗುತಿದೆ ಬದುಕು ಈಗೀಗ
ಮೌನವ ಸರಿಸಿ
ಮನದ ಮಾತಿಗೆ ಬಣ್ಣವ ಕೊಟ್ಟಿರುವೆ
ಅದ ಗೀಚುವ ಕುಂಚವ ನಿನ್ನ ಕೈಗಿಟ್ಟಿರುವೆ
ನಿನ್ನ ಕ್ರಿಯಾಶೀಲತೆಯ ಬಲದೇ
ನನ್ನ ಅಲಂಕಾರದ ಸೊಗಸು
ವರ್ಣಮಯವಾಗಿಸುವೆಯೋ ಬದುಕ
ಖಾಲಿ ಪುಟವೇ ಉಳಿಸುವೆಯೇ
ನಾನಂತು ಈಗೀಗ ನಿನ್ನದೆ ಸ್ವತ್ತು.

-

ಬದಲಾದೆ ನಾನು
ಈ ಬದಲಾವಣೆಗೆ ಕಾರಣವೇನೋ ನೀನು
ಬಂಡೆಯಂತೇನಲ್ಲ ನಾನು
ಆದರೂ ಗಟ್ಟಿಯಾಗಿದ್ದೆ ಇನ್ನು
ಕರಗುತಿದೆ ಈ ಮನ
ಈ ಹೊಸತನಕೆ ಸಂಭ್ರಮಿಸುತಿದೆ ಈ ಕ್ಷಣ

ಹೊಸ ಪರಿಚಯವೇನಲ್ಲ ನೀ ಬದುಕಿಗೆ
ಹೊಸದಾಗಿ ಬಂದೇ ನನ್ನ ಭಾವನೆಗೆ
ಕೈ ಸೇರಿದೆ ಕಳೆದಿದ್ದ ಹೃದಯದ ಕೀಲಿ
ತೆರೆದು ಆಹ್ವಾನಿಸುವೇ ಖಾಲಿಯೇ ಇದೆ ಈ ಹೃದಯದ ಬೀದಿ
ಬಾಡಿಗೆಯ ಕೇಳೆನೂ ಬಂಧಿಯಾ ಮಾಡೆನೂ ಸ್ವಾತಂತ್ರ್ಯವ ಕೊಡುವೇ
ಬಂದು ಸೇರಿಕೊ ನೀ ಈ ಘಳಿಗೆಯೇ.

-

ಕತ್ತಲೇನಿಲ್ಲ ಈ ಬದುಕಿನಲಿ
ಮುಸುಕಷ್ಟೆ ಕವಿಯುತಿದೆ
ಆಗೊಮ್ಮೆ ಈಗೊಮ್ಮೆ
ನಡೆವ ದಾರಿಯಲಿ
ಬೆಳಕಾಗಿ ಬಾ ಈ ಬದುಕಿನಲಿ
ಅಡೆತಡೆ ಇಲ್ಲದೆ ಮತಷ್ಟು
ಮಿನುಗಬೇಕಿದೆ ನಾ ನಾಳೆಗಳಲಿ.

-

ಬಂಧುವಾದೆ ನೀ ಅಪರಿಚಿತ
ಬಂಧಿಯಾದೆ ನಾ ನಿನಗೇನೆ ಉಚಿತ

-

ಒಲವಿಗೂಂದು ನಿಲ್ದಾಣ
ನಾ ಕಾದು ಕುಳಿತಿದ್ದೆ ಅಲ್ಲಿ ಪ್ರತಿಕ್ಷಣ
ಆಗಮನವಾಯ್ತೋಂದು ಕಿರಣ
ಪ್ರಜ್ವಲಿಸಿತು ನನ್ನೊಳಗೊಂದು ಕ್ಷಣ
ರಿಂಗಣಿಸಿತು ಎದೆಯಂಗಣ
ನಾ ಒಪ್ಪಿ ಸ್ವೀಕರಿಸಿದೆ ಆಮಂತ್ರಣ.

-

ಅನುಮಾನಿಗಳ ಮಧ್ಯದಿ
ಅಭಿಮಾನಕ್ಕೆ ಬೆಲೆ ಎಲ್ಲಿ.??

-

ಬಂಧುವಾದೆ ನೀ ಅಪರಿಚಿತ
ಬಂಧಿಯಾದೆ ನಾ ನಿನಗೇನೆ ಉಚಿತ.

-

ಆಸೆಯೂ ಒಂದೇ
ಆಲಸ್ಯ ಬರದಂತೆ ಬದುಕಿಗೆ
ನಡೆಸು ತಂದೆ.

-

ಬದುಕಲೇನಿದೆ
ಪಾತ್ರವೇ ಇಲ್ಲದ ಮೇಲೆ
ನಟಿಸಲು ಪರದೆ ಎಲ್ಲಿದೆ.

-

ಬಗೆಹರಿಸಲೇ ನಾ
ಗೊಂದಲವ !
ಬರೆದು ನಿನ್ನಂದಕೆ
ಮೆಚ್ಚುವ ಸಾಲು;
ಸರಿಸಾಟಿ ಯಾರೂ ಇಲ್ಲ
ನೀನೆ ಆ ಬ್ರಹ್ಮನ
ಸೃಪ್ಟಿಗೆ ಮೇಲು.

-