Farebon ki nagri hai, bas khud ka hai soch,
Matlab bas bistar tak hi hai , toh ishq ka kya hi hoga mol.

-

Sambhal ke chalna saaheb, raahon me bahaarein bahut hai,
Ishq me girne ke toh bahaane bahut hain,
Jo phass gaye isme toh jokhim jaan ka hai,
Jo bach gaye isse, toh raahon me bahaarein ab bhi bahut hai.

-

Tumse kehna hai bahut kuch, par ab kehna nahi chaahte,
Ishq jataane ko toh hai bahut, bas ab dikhana nahi chaahte,
Yun toh kaafi waqt ho gaya hai uss baat ko magar,
Ishq nibhaaogi toh milna hume, warna befazool tumse yuhi takraana nahi chaahte.

-

Farebon ki nagri hai, par hume farebi na samajhna,
Dil ki boli bolte hai, par hume aashiq mat samajhna,
Nahi batate kisiko apne dil ke makaan ka pata toh kya hua,
Is makaan ko kirayedaar nahi chahiye ,aisa mat samajhna.

-

Tere ishq ke nazraane humne aaj bhi sambhale rakhe hai,
bas ek tu hai jise hum kho baithe.

-

Hote hai kuch log jo bhool jaate hai ishq ko khata samajh kar,
Jo ho gayi thi galti ek baar, "ab dobaara na hogi" kuch aisa samajh kar,
Kuch mausam beet jaane do, "abhi waqt lagega" ye samajh kar,
Phir wahi khata dobaara kar jaaoge, uss naye dil ko apna pata samajh kar.

-

Kaash bas aisa ho jaata,
jo jaisa andar se hai, waisa baahar se bhi dikh jaata,
Sabke saare bharam khatam ho jaate,
Sab apne apne dukh ke zimmedaar, khud ho jaate.

-

Diary me rakha wo phool aksar uss adhoore ishq ki yaad dilata hai,
Kabhi kabhi sochta hoon ki agar wo ishq poora ho jaata toh kya uss phool ki ahamiyat wahi rehti?🤔

-

Khushiyon ko chai me dubo ke,lamhon ka maza hum lete hai,
Halki halki chuskiyon me, hum hardam zindegi ko dhoondh lete hai,
Log kehte hai ki hum waqt se thoda dheere chalte hai,
Par wo kya jaane ki ab hum khud Ko ,duniya ki nahi, khud ki Nazar se dekhte hai.

-

Kabhi purani yaadein yaad kar ke toh dekho,
Kabhi wo Ishq ki baatein firse dohra kar ke toh dekho,
Maana kisse humare ab charchon me nahi hai,
Par Kabhi Naye kisson ko humare saath anjaam dekar toh dekho.

-