இளமை தொலைத்து,
இதயம் தேடுகிறேன்.
இதழால் கொஞ்சம்
இசைத்திட்டுப்போ,
இணைவோம் என...
இங்கு தூங்கா என்
இரவுகள் எல்லாம்
இளைப்பாறட்டும்....

-

சுற்றும் இந்த பூமியில்
சுற்றா என் நாட்களெல்லாம்,
சுற்றி சுற்றி தேடுது சுழல்விழி
உனை சுற்றுலா காணவே....

-

நிலையில்லா நிமிடங்களின்
நிலைபெறும் நித்திரையில்,
நிலவாய் அவள் நினைவுகள்...
நிறுத்தம் தாண்டி நில்லாமல்
நிறைகிறது கண்ணில் கனவுகள்.....

-

அந்தி சேர்ந்தும் என்னுடன்
ஆறாத சில வலிகள், ஏனோ
வழிகள் சேர்ந்தும் உன்னுடன்
கூறாத என் மொழிகளால்....

-

நகர்கின்ற மரங்களென என்னுள் நடமாடுகிறது உன் நினைவுகள்,
ஏனோ என் நகர்கின்ற பயணங்கள்
எல்லாம் நெஞ்சொடு.

-

முற்றுப்பெறா என்தன்
முதல் ஆசையென,
முழுதாய் முடிவானாய்
நீ முழுநிலவே.....

-

காற்றாக என் நெஞ்சம்,
கரை வந்து சேரதோ...
நிலவாக நீ வந்தால்,
உலாக்கள் இனி தீராதே...

-

நதியென அவள் நின்ற பொழுதுகளில்,
நிலைகொண்டிருந்த பிம்பமே கண்டேன்.
ஏனோ என் கண்கள் அறியவில்லை, உன்னுள்ளம் நிலையில்ல நீரோட்டங்களென...

-

முகமறிய என் முதல் நிலவே
முதல்முறை உன் முகம் காணவே,
முடிவில்லா என் முழு தேடல்கள்....

-

என் எல்லா கானல் கனவுகளும்
உன் உள்ளங்கையில் உலாபெறவே....

-