ସ୍ମୃତିରେ ତୋର ବିବ୍ରତ କରିଛି ନିଜକୁ
ଅପୂରଣୀୟ ସ୍ବପ୍ନ ସବୁ ଦେଇଛି ଆଖିକୁ
ନୁହେଁତ ସମ୍ଭବ ତୋତେ ପାଇବି ଏ ଜନ୍ମେ
ସବୁ ଜାଣିବାପରେ ବି ଝୁରୁଛି ପ୍ରେମକୁ ।

-

ତାକୁ ଧିରେଧିରେ ଦୂରେଇ ରହିବା ପସନ୍ଦ ଆସୁଥିଲା
ତେଣୁ ମୁଁ ବି ଧିରେଧିରେ ସମୟ ମାଗିବା ଛାଡିଦେଲି ।

-

ତାଙ୍କ ଉପରେ ଦୃଷ୍ଟି ପଡ଼ିବାପରେ
ମୁଖରେ ଯେଉଁ ଜ୍ଯୋତି ଉଦ୍ଦ୍ଭାସିତ ହୁଏ
ତାକୁ ଦେଖି ସେ ଭାବନ୍ତି ;

ମୁଁ ଆଘାତରେ ଗ୍ରସ୍ତ ନୁ୍ହଁ
ବିରହରେ ତ୍ରସ୍ତ ନୁହଁ
ବରଂ
ଭୋଗବିଳାସରେ ଲିପ୍ତ ଅଛି
ସୁଖସୁବିଧାରେ ସୁସ୍ଥ ଅଛି !!

-

ଅନୁଭବର ଧ୍ବନି ଶୁଭି ନଥାଏ
କିମ୍ବା ଚଳତ୍‍ମାନ ଚିତ୍ର ନଥାଏ
କିନ୍ତୁ ...
କିନ୍ତୁ ଯେତେବେଳେ ହୃଦୟର ସ୍ପନ୍ଦନ
ନିର୍ଦ୍ଧିଷ୍ଟ କାହାକୁ ଦେଖିବା ପରେ ସ୍ଥମିତ ହେଇଯାଏ
ସେତେବେଳେ ଅନୁଭବର ସ୍ବର ଶୁଣାଯାଇଥାଏ
ଏବଂ ଦେଖା ବି ଯାଇଥାଏ !

-

କିଛି ଭୁଲି ଯିବାରେ ଶାନ୍ତି ଅଛି ।

-

ଚାଲିଛି ଚାଲିଥିବ ଏ ଯାତ୍ରାର ଗହଳ
ମୋ ବିନା କୋଉ ରୋଷଣୀ ଅଟକି ଯାଉଛି ଯେ ?
ଅନେକ ତାରା ଚମକୁଛନ୍ତି ଆକାଶରେ
ଗୋଟିଏ ଉଲ୍କାପିଣ୍ଡ ଖସିଗଲେ କଣ ବା ଫରକ ପଡୁଛି ଯେ ?
କଣ ବା ଅନ୍ତର ଅନୁଭବ ହେଉଛି କାହାକୁ
ମୋ ଥିବା ନ ଥିବାରେ
ସିନ୍ଧୁରୁ ବିନ୍ଦୁଏ ଜଳ କମିଗଲେ ନୀଳତିମିର କି ଅସୁବିଧା ହେଉଛି ଯେ ?

-

ଏଇ ଏକ ତରଫା ପ୍ରେମର ବି ଅଜବ କାହାଣୀ
ଯାହାର ପ୍ରତୀକ୍ଷାରେ ବର୍ଷ ବର୍ଷ ବିତିଯାଉଥାଏ
ତାକୁ ସେ ସବୁର ଚିନ୍ତା ନାହିଁ
ତା କଥାରେ, ତା ମନରେ କୌଣସି ଭାବ ନାହିଁ କି ଭାବନା ନାହିଁ
ଦେଖନା ,
ଜଣେ ବିରହର ଯନ୍ତ୍ରଣାରେ
ଦିନରାତି ଛଟପଟ ହେଉଥିବା ବେଳେ
ଆରେକକୁ ସେସବୁର ଆଦରସମ୍ମନ ତ ଦୂରର କଥା
ଅନୁଭବ ଟିକିଏ ବି ନାହିଁ ।

-

ସେ ବୈବଭ ନୁହେଁ ବୈରାଗରେ ରହନ୍ତି
ସେ ଅମୃତ ନୁହେଁ ହଳାହଳ ପିଅନ୍ତି
ଅନନ୍ତ, ଅସୀମ, ଅଖଣ୍ଡ ଓ ଅବିନାଶୀ ଅଟନ୍ତି
ତାଙ୍କୁ କାଳ ବି ଡରେ ସେ ମହାକାଳ ଅଟନ୍ତି ।

-

ପାଷାଣ ମୂର୍ତ୍ତିରେ ବିଧାତା ଗୋ ଜୀବନ ଭରିଲ
ସର୍ବାଙ୍ଗ କୋମଳ କରି ହୃଦୟଟି ପାଷାଣ ରଖିଲ
ସେ ପ୍ରସ୍ତର ହୃଦେ କିଆଁ ଆବେଗକୁ ଚିତ୍ରିତ କରିଲ
କହ ହେ ଇଶ୍ବର, ନିରୀହ ମନରେ କିଆଁ ବିଷାଦ ଭରିଲ ।

-

ପାଖରେ ନ ଥାଇ ବି ପାଖରେ ରହୁଛ
ସମ୍ମୁଖରେ ନ ରହି ବି ପଲକରେ ବସୁଛ
କହିବ ତ ଏସବୁର କାରଣ କାହିଁକି ତୁମେ
ପ୍ରତି କ୍ଷଣ ମନର ଅନୁଭବରେ ଆସୁଛ ।

-