ನೀ ದೂರಾದ ಗಳಿಗೆ.
ನಡೆದುದೆಲ್ಲ ಕನಸಂತೆ ಕರಗಿ
ಮರಳಬಾರದೆ ನೀ ನನ್ನ ಬಳಿಗೆ.

-

ಕಳೆದು ಹೋಗಿರುವೆ
ನಿನ್ನಲೇ ನಾನು
ಒಲವ ಗುಂಗಲ್ಲಿ,
ಎದೆಯೊಳಗೆ ಬಚ್ಚಿಟ್ಟು
ಕಾಪಾಡಿದೆ ನೀನು,
ಜೊತೆಯಾದೆ ಉಸಿರಲ್ಲಿ.

-

ಅವನು,
ನೆನಪ ಪುಟಗಳ ನಡುವೆ
ಏನನ್ನೋ ಹುಡುಕುವಾಗ,
ಪದೇ ಪದೇ ಬೆರಳ
ಸೋಕುವ ಸಾಲು...

-

ಜಡಿಮಳೆಯಂತ ಮಾತಿನ
ಒಡತಿಯೀಗ
ಕಾರ್ಮುಗಿಲ ಮೀರಿಸುವ
ಮೌನಿ.

-

ಬರೆಯಲೇಬೇಕೆಂದು
ಕುಳಿತಾಗೆಲ್ಲಾ ನೆನಪಾಗುವುದು
ನಮ್ಮಿಬ್ಬರ ನಡುವಿರದ ವಿರಹ...

-

ನನ್ನದೇನಿದ್ದರೂ
ಪದಗಳಾಸರೆಯಿಂದ ನಿನ್ನ
ಮನವೊಲಿಸುವ ಸಾಹಸ,
ಇನ್ನು ಕಣ್ಣಹನಿಗೋ
ಅದು ಕ್ಷಣಾರ್ಧದ ಕೆಲಸ.

-

ನನಗಾಗಿ ಒಂದೆರಡು ಸಾಲನೂ
ಬರೆಯಲಾಗದವನ ಕಣ್ಣಲ್ಲಿ
ಕಣ್ಣಿಟ್ಟಾಗಲೇ ಅರಿವಾಗಿದ್ದು,
ಪದಗಳಿಗೂ ಮೀರಿದ
ಭಾಷೆಯೇ ಪ್ರೀತಿಯೆಂದು.

-

ಲೇಖನಿ ಮುನಿಸಿಕೊಂಡಿರಬಹುದೇ
ಇಲ್ಲಾ ಹಾಳೆಗೇ ಸಮ್ಮತಿಯಿಲ್ಲವೇ,
ಬಯಸಿದರೂ ಕಟ್ಟಲಾಗುತ್ತಿಲ್ಲ ಕವಿತೆ
ಕೂಡಿಟ್ಟ ಅಷ್ಟೂ ಸಾಲುಗಳು
ಖಾಲಿಯಾದವೇ ಹಾಗೇ ಸುಮ್ಮನೇ..

-

ನೀ ಬಂದಾಗೆಲ್ಲ ಕುಣಿದಾಡುತಿದ್ದ
ಕಾಲ್ಗೆಜ್ಜೆಯ ಸದ್ದಡಗಿ ಹೋಗಿದೆ,
ನಿನಗಾಗಿ ಹೊಸ್ತಿಲಿನಾಚೆ
ಇಣುಕುತ್ತಿದ್ದ ಕಂಗಳೂ
ಈಗ ಸುಮ್ಮನಾಗಿವೆ,
ಕೊನೆಯಿರದ ಮಾತುಗಳು
ಪದಗಳೇ ಸಿಗದೆ ಮೂಕವಾಗಿವೆ,
ಈಗೇನಿದ್ದರೂ
ಅರೆತೆರೆದ ನೆನಪಿನ ಬಾಗಿಲು,
ಸಂದಿಯಲಿ ಇಣುಕುವ
ಒಂಟಿತನವೇ ಖಾಯಮ್ಮಾಗಿದೆ.

-

ತುಸು ದೂರ ನಿಂತುಬಿಡಲೇ
ನಾ ನನ್ನಿಂದ,
ನೋಡಬೇಕೆನಿಸಿದೆ ಒಮ್ಮೆ ನನ್ನ
ನಿನ್ನ ಕಣ್ಣಿಂದ,

-