What I experienced about love in recent years is that either you love the person your family chose for you or the person who will accept all your wounds and mutually you start falling for that person...

We actually don't love. Because we are mentally so much shattered and gave so much importance to our pains and sufferings, the moment you realise that the other person is accepting your wounds, pain and feeling it. You fall in love with that person...

-

Ae Khuda,
Meri har achhayi aur buraayi ka tune hisab toh sahi se rakha hai,
Achhaiyon ka toh pata nahi par meri buraaiyon ka hisab mujse be-hisaab rakhta hai.

Kehte hai 'Jo hota hai achhe ke liye hota hai'
Par jo bhi hota hai mere saath wo teri rehmat samjhu ya tera koi puraana hisaab,
Iss hisaab se mujhe tumko (khuda) bhi apna maanne se darr lagne laga hai..

-

Har raat ek haqeeqat ka saamna karta hu,
Jisme mera dil hai par usme tum nahi rehti...

Ye soch ke mera dil bahot rota hai,
Ki Hum dono ke bich ek sarhadd hai, Jiski ek hadd hai...

Aur Mera dil ussi sarhadd ke paar rehta hai jise tum paar nahi kar sakti...
Me chaah ke bhi tume paa nahi sakta aur ye baat khud ko samjhaa nahi sakta...

Par mera dil naa-samaj hai uss haqeeqat ko maanta hi nahi,
Jisme mera dil hai par usme tum nahi...

Ki tujhe Saath toh chalna hai magar phir bhi door rehne ki zidd hai,
Par phir bhi mera dil, Jo ho naa paayega wo hone ki umeed liye betha hai,
Bss yahi har raat ki ek haqeeqat hai jiska saamnaa karna padta hai...

-

Unko aas ho yaa naa ho mere paas aane ki,
Par mene bahot koshish ki hai unke paas jaane ki...

Kehne ko toh wo kehti hai ki bahot pyar hai tujhse,
Par unki harkate dekh, ab yakeen nahi hai unpe...

Samaj nahi aata ki, Ye saajish unki hai yaa khuda ki,
Kyuki jitna koshish ki mene unke pass jaane ki,
Unhone ek koshish naa ki, mere pass aane ki...

Agar yahi ichha hai unki, mujse door rehne ki,
Toh puri karunga mein ye ichha unki,
Isiliye ab koshish nahi karta unke paas jaane ki...
ab koshish nahi karta unke paas jaane ki...

-

Sunn ek baat bataane aaya hun,
Ki Tume jab bhi mile fursat toh mere dil ka bozz utaar dena,
Ki jab bhi rahu udaas bss thoda sa waqt udhaar de dena
Udaasi toh ek bahaana hai, haqeeqat me toh aaj phr se tera waqt maangne aaya hun...

Agar churaa saku toh churaa leta tere zindagi ke saare dukh dard,
Dard toh ek bahaana hai, haqeeqat me toh tere dil ka ek kaidi banne aaya hun...

Maante hai hum be'kaabu hoke bahot kuch bolke, kar dete hai khataa,
Bss mere khataa-e-gunaah ko bhool ke apne prem ke rang me rang dena bss yahi aas leke aaya hun...

Meri baatein toh sirf ek bahana hai,
Haqeeqat me toh tera saath maangne aaya hun..
Haqeeqat me toh tera sirf ek saath maangne aaya hun...

-

Tha ik sapna ki jab milogi toh tumse teri hi shikaayat karunga
Bss sunn lena meri shikaayatein, agar achaa naa lage toh teri khaatir chup ho jaaunga...

Meri nadaan si shikaayatein hai bss itni ki,
jab giru toh sambhal lena, Ruthu toh mana lena,
Aur jab rou toh pyaar se mera sarr sehlaa dena...

Kehne ki baatein toh nahi, par meri itni si khwaaisho ka bhi tum boz nahi uthaa paati,
Aur kuch iss tarah tum apna keh ke bhi paraya kar deti...

Meri naa maanne wali baatein toh jald maan leti,
Par naa jaane kyu Haq jataane ne itnaa kyu itraati,
Bahot keh lia humne ki har baat kehne ki nahi hoti...
Par bin kahe agar tu samaj jaati toh ye tujse shikaayatein bhi naa hoti...

-

Jab bhi gumo ke baadal chhaye mujpe, bss tera chehra apni aankhon me utaar leta hu,
Aur issi bahaane me 2 pal khushi ke jee leta...

Tere 2 pal ki yaado ki khushi ko hi samander samaj leta hu,
Meri nadaani toh dekh usi khaare paani ko hi amrit samaj leta hu...

Ki Tujhe apna har gum bataa bhi nahi sakta,
Kyuki Teri aankho me paani dekh bhi nahi sakta...
Tu kahe toh ek katre me hi beh jaau,
Warna toh muje toofan bhi hilaa nahi sakta...

-

Hey Prabhu,

2 pal ki khushi deke yun 4 pal dukh de dete ho,
Akhir aisa kon purana hisab hai jo tum bhoolte nahi ho?

Zindagi deke yun jeene ki ichha hi cheen lete ho,
Jab ek pal me hi maar sakte ho toh kyu tukdo me maar rahe ho?

Tera hi diya hua jeevan hai use kyu peeda de rahe ho?
2 pal ki khushi deke yun 4 pal dukh de dete ho,
Aakhir aisa konsa gunaah hai mera jo tum maaf bhi nahi kar rahe ho?

Tumhara hi ek Ansh,

-

Farak nahi padta ab hume chaahe koi rakhe humse yaari yaa dosti,
Kyuki samaj nahi aati teri ye ishq wali dosti...

Jinhe ye nahi aata samaj ki, hota hai dosti aur ishq me farak,
Khair kya hi padega unko inn sabse farak...

Farak nahi padta ab hume chaahe koi rakhe humse yaari yaa dosti,
Jo padh naa paayi kisi ke chehre ki khamoshi
Wo kya hi degi kisi ke dil ko khushi...

Tere baaton ko sach maanke khojne lagta tha jawab,
Par phir samaj aayi ki teri toh har baat me hota hai hasi aur mazak...

Yun baaton ko gol ghumaakar achaa nibhaa leti ho apna kirdaar,
Ki teri dosti bhi lagne lagi mere ishq ke saamne jordaar,
Bas karte hai uss din ka intenzaar,
Jis din hoga tera sach se sakshaatkaar...

Bss ab Farak nahi padta hume chaahe koi rakhe humse yaari yaa dosti,
Kyuki bahot huyi teri ye ishq wali dosti...

-

Prem karna peeda nahi...
Par moh rakhna ek peeda hai...

Prem paana peeda nahi,
Prem ko bhoolna ek peeda hai...

Kisi ko chaahna peeda nahi..
Uss chaah ko paane ki khwaaish hi peeda hai...

Tum wo gulaab ho jisko dekhna peeda nahi,
Par uss gulaab ke kareeb jana ek peeda hai...

Kyuki Gulaab peeda nahi,
Usme jo kaante hai wo peeda hai...

-