വാക്കിലേക്ക് ഒരു നോക്ക്

-

ഏറെ വേദനിപ്പിക്കുന്ന അനന്തതയേക്കാൾ,
സുന്ദരം വേദനിപ്പിക്കുന്ന അന്ത്യമാണ്!!

-

ഓള് :

തൊടലും തലോടലും മനസ്സിലാകൂല്ല, ഓൾക്ക്
ചിരിയും തിരിയൂല്ല!
നോക്കി നടന്നാലും,
ഓള് നോക്കാതെ നടന്നാലും,
ആരെയെങ്കിലും നോക്കുകുത്തിയാവും!
ഉടുത്തതിലോ ഒരുങ്ങിയതിലോ
കുരുങ്ങി അതും തീരും!

-

എനിക്കും മിഥ്യ ആകണം,
ആരും കാണാതെ,
തൊട്ടറിയാതെ,
പലരും പറഞ്ഞുകേട്ട
ദൈവത്തെ പോലെ!

-

ഇഷ്ട്ടക്കേടുകളോ അവഗണനകളോ
മനസ്സിലാവാതെ,
ചുരുക്കം ചിലർ,
തിരിച്ചറിവ് ഇല്ലാതെ അലയുകയാണ്..

-

"......ഇന്നലെ തെറ്റെന്ന് തോന്നിയത്,
ഇന്ന് ശരി ആയി..... "

-

"അവധി പറഞ്ഞു മുങ്ങി നടക്കുന്നത് അത്ര സുഖമുള്ള പരിപാടി അല്ല, കൊടുക്കാം എന്ന് പറഞ്ഞ സമയത്തിന് അപ്പുറം ഒരുപാട് പിന്നിട്ടിട്ടും മറന്നത് പോലെ ഭാവിക്കുന്നതിൽ എനിക്ക് അതിശയം തോന്നും. ഇടയ്ക്ക് ഒരാൾക്കൂട്ടത്തിന് നടുവിൽ വന്നു ചോദിച്ചു, ദേഷ്യപ്പെട്ട് ഇനി ക്ലാസ്സിൽ കയറേണ്ടെന്ന് പറയുമോ എന്ന ഭയത്തോടെ ക്ലാസ്സിൽ കയറും.ഇപ്പോ കയ്യിൽ എടുക്കാൻ ഉണ്ടാകില്ലെന്ന ഉറപ്പിൽ ചോദിച്ചു സങ്കടപ്പെടുത്താതെ കുറേ ദൂരം പോകും, അപ്പോഴേക്കും എവിടെ നിന്നെങ്കിലും പൈസ കയ്യിൽ എത്തും. കൊടുത്തു റെസിപ്പ്റ്റ് കയ്യിൽ തരുമ്പോൾ അയാൾ പറയും : അടുത്ത കൊല്ലത്തതും അടയ്ക്കാൻ ആയി,അല്ലേൽ എക്സാം എഴുതാൻ ആകില്ല"

-

"ഞാനും നീയും തമ്മിൽ ഒരു ബന്ധവും ഇല്ലെന്ന് വെള്ളകടലാസിൽ എഴുതി തരണം, എന്നാൽ മാത്രം ഞാൻ വീട് എഴുതി തരാം.. പിന്നെ ഒരു കാര്യം, ഇതിന് ശേഷം ഇവളുടെ ഒരു കാര്യത്തിനും എന്നെ തിരിഞ്ഞു നോക്കരുത് "

കുട്ടിയുടെ നിറകണ്ണുകളിലേക്ക് നോക്കി, പോലീസ് അയാളോട് ചോദിച്ചു ::

"താൻ ഇവളുടെ തന്ത തന്നെ ആണോടാ "

-

"സ്നേഹിക്കാനും സ്നേഹിക്കപ്പെടാനും
മരണം വരെ
കാത്തിരിക്കണോ? "

-

ഒറ്റയ്ക്ക് ഇരുന്ന് ഉറക്കെ പൊട്ടി കരയാനും അലറാനും തോന്നും,അതും ആരും കേൾക്കാതെ.....
നടക്കില്ല അറിയാമെങ്കിലും....!

-