Thoda Likh main bhi raha hoon
Thoda Dikh main bhi raha hoon
Ye sab karke bas kaam chala raha hoon main
Thoda Bik main bhi raha hoon

-

Zindagi se yoon hi guzarta hoon main
Thoda hoon gumsum to thoda ubharta hoon main
Haan tumse shayad mil na paya jese milna tha
Magar tum hi mere vo hissey jinme toot kar bikharta hoon main

-

Yoon hi kuch Qisson me bat gaya hoon me
Yoon hi Un Qisson ke kuch khokhle hisson me simat gaya hoon me
Ab un khaali hisson me bacha nahi hai mere layak kuch
21 ka hoon , Itni jaldi nipat gaya hoon me😅

-

Thodi der se jaage hain
Thoda andher se jaage hain
Andhera to shayad arson se tha
Hum to sapno ki sawer se jaage hain

-

Yeh kagazi qismat ki
Hum naav chalae jaate hain
Ye kagaz bheegta hai fat jaata hai
Hum khud ko ghaav lagae jaate hain

-

Baazar aur mai hum dono tanha
Yeh log masroof hain kharidari me
Bechne wale kya kya nahi bechte
Hum to yoon pade reh jaate hain khumari mein

-

Bikhre baal ye kali soorat
Lagta hai nahae nahi ho!
Band kamra hazaaron khayal
Lagta hai khud ko bachae nahi ho

-

Sasti sukhan mein baqwaas!
Yeh alfaaz kya hain tumhare?
Zindagi se naaraaz ho?
Arey! Aao gale lag jao pyaare

-

Mukhtasar muskurahat ab milti nahi
Meri subha ab khilti nahi
Roz janaza nikalta hai mere khayalon ka
Dafn hone par bhi inhe aazadi milti nahi

-

Yoon hume bhi ik patang di gai
Aur bola gaya ki pech ladao
Yoon hi humne bhi door tod di
Aur bola ab to patang hai hi nahi, ab Batao!

-