Samajh nahi aata
kya zyada bura hai,
Mera wakt
Ya uski zubaan.
Chchoti chchoti baat
Aaj kal ghaav kar deti hai
Shayad wakt hi kharaab hai
Warna woh baatein bhi shayad
Mazaak ho jaati
Chubhne ke bajay

-

Mujhe hasta dekh
Meri maa ne puche
Ki udaas kyon ho?

-

If loving you
Is getting stuck
In the past
So be it

-

Aaj tujhe gale lagakar
rone ka mann hai
Mushkilein pehle bhi thi
Mushkilein aaj bhi hai
Mushkilon ki aadat si ho chuki hai
Par iss dil ki uljhan ka main kya karu
Kyon ki
Aaj tujhe gale lagakar
rone ka mann hai

-

Aaj hum saath nahi par
zehen mein kuch yadein hai
Jahaan hum saath hai
Aaj hum saath nahi par
Kuch tasveerein hai
Jahaan hum saath hai
Wakt ne milaya humko
Wakt ne juda kiya
Ki aaj hum saath nahi par
Dil mein kaid kuch wakt
hai jahaan
Aaj bhi hum saath hai

-

Ye aaj kal kin sapno mein khoya
Hua hoon
Ki kai raaton se soya nahi hoon.

-

A life without purpose,
A life without Vision,
Is a waste of life.

-

Rishte ki dor
Kuch aise uljhi,
Ki Unhone
rishta khatam
Karna sahi samjha,
Suljhane ki jagah.

-

Har wakt khaamiya nikalte rehte ho
Har baat par meri,
Pyar karne ka wakt
Kaise milega tumhe?
Har wakt
Ginwa te rehte ho galatiyaan meri,
Pyar karne ka wakt
Kaise milega tumhe?
Lamhe woh pyar ke tumne bhula diye,
Lamhe khushiyon se bhare tumne bhula diye.
Har wakt shikve liye ghoomte ho
Har baat pe meri,
Pyar karne ka wakt
Kaise milega tumhe?

-

wakt ki syahi se likhta rehta hoon main apni kitaab zindagi ki.
kabhi wakt nahi mila ki
Kuch panne palat ke dekh lu.
Aaj maine kalam ko fursat de di
Jo mili fursat mujhe
Paltaye kuch panne
aur Yaadon ka jaise koi
sehlaab aa gaya.

-