She
Silent She
Silent /Violent She
Silent She and me
Silent She makes violent me !!

-

ജീവിതമാകുന്ന
ചിത്രത്തിന്
വര്‍ണ്ണങ്ങള്‍
നിറയ്ക്കാന്‍ നോക്കവെ...
ഒറ്റ നിറം ഇടയ്ക്കിടെ
കൂടുതലായി
തോന്നി...
പല നിറം തിരയവെ...
ഭംഗിയായി
അവസാനിപ്പിക്കണമെന്ന്
തോന്നുന്ന ചിത്രവും
പൂര്‍ണത തേടി
നീണ്ടു നീണ്ടു പോകുന്നു ...

-

പൂത്തു നിന്നപ്പോൾ
കണ്ടു നിൽക്കാനും
താങ്ങി നിർത്താനും
വെയിലേകാനും
കാറ്റു വീശാനുമൊക്കെ
ആരെങ്കിലുമുണ്ടായിരുന്നു...
വാടാൻ തുടങ്ങവെയാണ്
മനസിലായത്
വളർന്ന മണ്ണൊഴിച്ച്
ബാക്കിയുള്ളതൊക്കെ
കൂടെയുണ്ടെന്ന
തോന്നലുകൾ മാത്രമാണെന്ന് !..

-

ഇറുത്തു
വെച്ചതായിരുന്നെങ്കിലും
മണമുണ്ടായിരുന്നു...
നിറമുണ്ടായിരുന്നു...
പൂവിനു താങ്ങാവാൻ
തണ്ടിലകളില്ലെന്നു മാത്രം...

-

ചന്ദ്രനെ കൊതിച്ച പകൽ...
സൂര്യനെ കൊതിച്ച രാത്രി...
അവർ ആഗ്രഹിച്ച
ജീവിതം...
നടക്കുമായിരിക്കും
എന്ന് കരുതി
കാലത്തിൻ്റെ നിശബ്ദമായ
കടന്നു പോകലിലും
കരുത്താർജിച്ച
അതിസുന്ദര സ്വപ്നങ്ങൾ...

-

ഒന്നും ചെയ്യാതിരിക്കുക
എന്നതും
ഒരു വിപ്ലവമാണ് ...

പശയേറിയ നാക്കുമായി
പതുങ്ങി വന്ന പല്ലിയിൽ നിന്നും ...
പ്രാണിയെ രക്ഷിച്ചാൽ
പ്രാണൻ തിരിച്ചു കൊടുത്ത പുണ്യം...

വിശന്ന പല്ലിക്ക് ആഹാരം നിഷേധിച്ചാൽ
അത് ദോഷം...

ഒന്നും ചെയ്യാതിരിക്കുന്നതും
ഒരു വിപ്ലവമാണ് ...

-

ഉയരങ്ങളിലെ
സന്തോഷവും
താഴ്ച്ചകളിലെ
നൊമ്പരവും
നിയന്ത്രിച്ചത്
നീയായിരുന്നു...

നിശബ്ദതയിൽ
സംസാരവും
ഏകാന്തതയിലെ
സാന്നിധ്യവും
നീയായിരുന്നു...

എന്തിനേറെ
വികാരവും
വിചാരവും
ഞാനും നീ തന്നെ
ആയിരുന്നില്ലേ..!!?

-

ശബ്ദമില്ലാത്ത ചിന്തകൾ

-

ചിലതാണ്...
ഇരുട്ടിൽ നിന്നും
കാഴ്ചകളിലേക്ക്
നയിക്കുന്നത് ...
പ്രകൃതിദത്തമായത്...


ചിലരാണ് ...
വഴിതെളിക്കുന്ന...
വീഴാനനുവദിക്കാതെ
കൂടെ നടത്തുന്നവർ...
മനസു നിർമിതമായത്...

-

Giving life to a dead object
Allowing flow to the dry river
Loving a bored man
Giving wings to a fightless bird
Dreaming an unrealized one
Hoping about time of non return

-