٫اے غم ِزندگی؛ ۔۔۔
کیسے کیسے تپتے دن تھے
لمبی راتیں بیت گئیں تھیں
آنکھیں جس کی راہ تکتی تھیں
سپنے جس پر مرتے تھے
دل سے باتیں کرتے تھے
رات سے پہلے آ ؤ گے تو ۔۔
زخم بھی سارے سِل جائیں گے
دو پریمی جب مِل جائیں گے
رات بھی ساری بیت گئی ہے
موت ہی دیکھو جیت گئی ہے
بجلی چمکی ۔۔۔۔ساگر مچلا
ساغر اُچھلے۔۔۔کشتی ڈُوبی
۔۔۔سپنا آخر ٹُوٹ گیا ہے
آنکھیں موند کر ۔۔۔دل بھی سویا
دھڑکن بھی اب ڈُوب گئی ہے
وہ نہ آئے کیوں نہ آئے۔۔۔۔۔ کون تھے وہ ۔۔
اور کون تھا میں
تم تو شاید تھے ہی نہیں
میں بھی شاید۔۔۔موجود نہیں تھا
موت کے بعد کا منظر اور۔۔۔
تم سے ہو کوئی بہتر اور ۔۔۔۔
عارض علوی

-

غزل 🌺
پردہ اُٹھا کے عاشق ِجمال کر گئی
جو آنکھ خود خیال تھی کمال کر گئی
پلکوں پہ آ کے اشک بھی چراغ بن گئے
کل ترے ہجر کی رات بھی کمال کر گئی
یہ ہواے ہست و بود تھمتی بھی ہے کہیں
پل بھر میں ہر وجود کو خیال کر گئی
ہم واقفان ِحال پھرتے ہیں در بہ در
بادِ شِمالِ درد کیا حال کر گئی
لو بلا کشانِ عشق بھی خیال ہو گئے
سب کو بساطِ وقت پامال کر گئی
عارض علوی

-

ایک شاعر کے وجدان پے تین عورتوں کا قبضہ رہتا ہے
ایک۔۔۔ جس سے اُسے محبت ہو جاتی ہے
دوسری ۔۔۔ جو اُس سے محبت کرتی ہے اور
تیسری ۔۔۔
جو ہر لمحہ اُس کے ساتھ ہوتی ہے مگر اُس کا وجود اِس جہان میں ناپید ہوتا ہے
عارض علوی ©

-

محبت

گردشِ روز و شب
اِک جہانِ خارزار
خالی دامن کو لیے۔۔۔
کبھی تھک کے زرا بیٹھ گئے
پھر چلنے لگے۔۔۔۔
کِتنی صدیوں سے یہی تیز چلتی ہوئی گرم ہوا
ریت پر لہو کی دھار بناتی ہوئی جاتی تھی۔۔۔

مگر آج ۔۔۔۔
مگر آج عدم سے اک نُور کی صُبح اُتری
اپنے بے آباد سینے کی طرف دیکھتا ہوں
دل سے تازہ گلابوں کی مہک آتی ہے۔

____عارض علوی ©

-

Sirf Tumhare Liye....

Aankain Tarass Rahi hai'n Teri Deed ke Liye
Dhadkan ye keh Rahi hae Tum Aas Paas Ho
آنکھیں ترس رہی ہیں تری دید کے لیے
دھڑکن یہ کہہ رہی ہے تم آس پاس ہو
© عارض علوی

-

اپنی مہکی ہوئی بانہوں میں چُھپا لو مُجھکو
میں کہ ہستی کے جہنم سے چلا آیا ہوں

© عارض علوی

-

ہم کُشتگانِ اہلِ تمنا بھی چل پڑے
تیری یاد کا سفر جو سُؤے عدم بڑھا ۔۔۔۔
عارض علوی

-

✔Ghazal/Urdu/غزل
مقام ِعرش ِملال سے آگے نہ بڑھ سکا
دل ہے کہ اِس کمال سے آگے نہ بڑھ سکا
گُنبد ِدرُون ِجاں ميں شعلہ فشاں ہے کون
یہ لہجہء شوق ، سوال سے آگے نہ بڑھ سکا
ہے گنجلک بہت یقيں و گُماں کا کھيل
طایرءجُنوں بھی اس جال سے آگے نہ بڑھ سکا
موج ِشميم ِحُسن سے خالی ہے رہگُزر
کوی بھی بس خیال سے آگے نہ بڑھ سکا
پہلے ہی سوچ رکھتے ہيں ، ہم زمانے سے ہر خیال
وہ پتّا ہی کیا ، جو ڈال سے؛ آگے نہ بڑھ سکا

عارض علوی۔ Ariz Alvi©✔

-

زندگی تِرا حلقہء دام!
اور میں زندگی کا پروردہ!
عارض علوی ©

-

[in conversation with Anna ]

'The greatest sickness of the mankind '

"They never understand...
How to think and
How to feel
Their happiness is not a happiness
Their sadness is not a sadness
They never understand
How to be happy
And how to be sad
They never understand the meaning of the body and the soul...
They never understand the meaning of the beauty and the beautiful...
They never understand the meaning of the love
And the beloved...
They never understand...
How to live...
And how to die...".

-