ഒരു വീണ പോൽ ഉണരുന്ന തിരുനെറ്റിക്കുള്ളിലെൻ നിറമേറും ആമ്പൽ പൂവിനുള്ളിൽ,
അറിയാതെ ഉണരുന്ന നിൻ നേത്രത്തിനുള്ളിൽ കവിതയായ് പാടുന്ന മന്ത്രം..
നിനക്കുഞാനെന്റെ കതിർക്കുലതൻ താഴ്‌വരയിൽ മീട്ടുന്ന മുരളിതൻ കർണ്ണത്തിൽ അറിയാതെ അരുളുന്ന വേനൽപക്ഷി..

-

മഞ്ജുള സ്‌മിതത്താൽ ശോഭിച്ചിരുന്നൊരാ തവിട്ടിൻ നിറമുള്ള മുകുളമേ..
കുസുമ സുന്ദര അക്ഷിക്കു പിന്നിലായ് ഒളിപ്പൂ നിറമേഴുമഴകിൻ്റെ വർണ്ണം..
ശിഖി പീലിപോൽ ആടിഉലയുന്ന ഭംഗിയുണ്ടിന്നു നിൻ നേത്രത്തിനായി..
കറുപ്പിൻ പുള്ളിക്ക് ഒളിയെന്നപോലെയോ
അതോ! മിഴിക്കുമേൽ ശോഭയോ ഇന്നുനിൻ കറുപ്പിന്...

-

കതിർ കാറ്റിൻ വിരൽ തൊടുവാനിനിയും നേരമെത്രയോ വൈകി...
നിൻ തുടുനിറത്താൽ തിളങ്ങുന്ന പുഞ്ചിരിക്കുമേൽ മിഴിനിറയും കനവുകളായ് ശോഭിപ്പൂ വർണ്ണശലഭം.
കവിൾ തടത്തിൻമേൽ വിരലുകൾ പായിച്ചിടുമ്പോഴും,
മിഴിയിലെ മാധുര്യം നുണയുവാനൊരുങ്ങിയ വണ്ടെന്ന പോൽ അരികിലായ് നിറഞ്ഞൊരാ നേരം....
നിൻ മൗനത്തിലും കൂട്ടിനായ് ഒഴുകുന്ന നിറമേതുമില്ലാത്തൊരാ ഇലയെന്ന പോലെ ഞാനോ
ഒടുവിലായ് വറ്റിവരണ്ടു നിന്നു.

-

വസന്തമോ.. അനുരാഗമോ..
നിൻ കവിൾതടത്തിൻ മേൽ വിരിയുന്ന സുഗന്ധപുഷ്പമേ ....
കാർമുകിലിൽ മേലെ അലിയുന്ന നിറച്ചാർത്തണിയുന്ന കതിർ പൂക്കുലയേ ...
തമസ്സമൃതിപോൽ ഉയരുന്ന കാലമേ നിനക്കു ഞാനെന്റെ പൂവിതളിൻ ചുംബനം തീർത്ത നിലാവ് സമ്മാനിക്കുന്നു....

-

പ്രിയപ്പെട്ട പലതും തിരിഞ്ഞ് നോക്കാൻ മടിച്ച് പടിയിറങ്ങുന്നു...

-

ഞാൻ കണ്ട സ്വപ്നങ്ങളിൽ വെച്ച് ഏറ്റവും മനോഹരമായ,തുറക്കാൻ മടിച്ച് ഇറുക്കി അടച്ച കണ്ണുകൾക്കുള്ളിൽ ഞാൻ ഒളിപ്പിച്ച നീയെന്ന സ്വപ്നം...

-

ചെറുമിഴിക്കുള്ളിലെ തവിട്ടിൽ നിറത്തിനാൽ മിന്നിമറയുന്നൊരാ വെൺതിങ്കളോ നീ...
മൃദുവായ് പൊഴിയുന്ന നോട്ടത്തിലിന്നു ഞാൻ ഉദിപ്പൂ മേൽ താരകം പോൽ..
പൊഴിയുന്നു വാനിലെ വെളിച്ചത്തിലെന്നപോൽ
നിറമേഴുമെന്നൊരാ കൺപീലിക്കുള്ളിലോ നിറയുന്നു വിറയുന്നു കുസൃതിയെന്നോ.....

-

ഓർക്കുവാൻ കൊതിച്ചപ്പോഴെല്ലാം വേദനയുടെ ഓരം തട്ടി നമ്മളിങ്ങനെ ചിരിച്ചുകൊണ്ടേയിരിക്കുന്നു..

-

നിനച്ചിരിക്കുന്നൊരാ നേരത്ത് മൗനവും കൂട്ടിനായ് പടിയിറങ്ങുന്നൊരു മേഘമോ നീയിന്ന്..
കൺനിറച്ചിരിക്കുന്ന സ്വപ്നമെൻ കണ്ണീര് ഒഴുകി മറഞ്ഞൊരാ കവിൾ തടത്തിൻമേൽ ...
ദുഃഖത്തിൽ ആഴാതെ നീയെന്ന സ്വപ്നത്തെ ചാരത്തിരുത്തി ഞാനോ ചൊല്ലിടുന്നു ....
ദൂരേക്കു ചൂണ്ടിയ വിരലിൽ തുമ്പിലെ കാഴ്ചകൾ മതിയാവും കാണുവാനോ,
ചാരത്തിരുന്ന് പൊട്ടിചിരിച്ചൊരാ കഥകളിനിയും ചൊല്ലുവാനോ,
കണ്ണിമവെട്ടാതെ മനവും വാടാതെ സമയമേ നീ വേഗത്തിൽ പായരുതെന്നു ഞാനോ
ഇന്നെല്ലാമേ ഓർമ്മതൻ ഓളത്തിൽ തലതല്ലി കരയുന്നു
മടങ്ങി വരില്ലെന്ന നിലവിളിയുമായ്...

-

ഒരുപക്ഷേ അടക്കം പറഞ്ഞ കഥകളെല്ലാം അത്രയും മനോഹരമായതിനാലാവാം ഇന്നും അത് രഹസ്യമായി തന്നെ തുടരുന്നത്....

-