நிழல் ஆசைகள் ஆர்ப்பரிக்கும்,
மனதின் மாயை தோள் கொடுக்கும்,
தயங்கி நின்றால், என்றும்
தீரா ஆசைகளாகிவிடும்!
துணிந்து செய்துவிட்டால்
புதுவித மகிழ்ச்சி வரும்
சாதித்த பெருமை சேரும்!

-

நிலவு இல்லாத நாளில்
நீ மிளிர்கிறாய் எந்தன்
நட்சத்திரமாக,
உன் ஒளியிலே நானும்
சற்றே பிரகாசிக்கிறேன்!

-

பார்வைதாசன் நானடி!
விழிகளில் விழுங்கி
மனதினில் வளர்த்து
காதல் தூது விடுகிறேன்,
நாளும் உனை தொடர்கிறேன்!

-

தெளிவு வேண்டும்,
நமை சுற்றி நடக்கும் யாவற்றிலும்
நம் கவனம் வேண்டும்,
பொய் கூறும் மனிதர்களை
பிறர் அறிய அடையாளம் காட்ட வேண்டும்!
நமக்கென்ன என கடந்து போகாமல்
கேள்வி கேட்கும் துணிவு வேண்டும்!

-

காலையின் கிரணங்கள்
உடலை ஊசியாய் குத்த,
விடுமுறை எண்ணம்
சோம்பல் வளர்க்க,
எத்தனை சோதனை
ஞாயிறு வந்தாலே

-

உன்னை இரசித்திடவே நானும்
என்னை ஏச்சு பேசிடவே நீயும்
காதல் விண்ணப்பம் தொடரும்
நீ என்னை ஏற்கும் வரை!

-

வாசிக்காத நேசம்
என்றும்
சுவைக்காத பசி!

-

உனக்கான பாதையை
உருவாக்கும் பொறுப்பு
உனதாக இருக்கட்டும்,
வெற்றியோ தோல்வியோ
கவலை கொள்ளாதே
முயற்சியே முக்கியம்!

-

இந்த அன்பு போதுமே
தளரும் தருவாயில் தூக்கிவிட!

-

மனதில் வடு
வரும் வரையில்!

-