प्रेमाच्या नावावर
काळा बाजार चाललाय
भावनांच्या बदल्यात
देहाचा व्यापार चाललाय

-

ओले चांदणे ,स्पर्श हळवे
देशील ना ?

गांधर्व राग ,तुझा अनुराग
मिळेल ना ?

छळे गार वारे ,स्मृतींचे शहारे
कळणार ना ?

दिसे चंद्र फिके ,सर्व धुके धुके
तुझ्याविना !

-

पाहिलं प्रेम जगणं शिकवतं
त्यानंतरचं जगवतं !

-

नियातिवर माझा विश्वास आहे
पण
काही गोष्टी आपल्या दृढ इच्छाशक्तीने
बदलता येतात.

-

बंधन न घालता सोडून न जाणारे ते
प्रेम !

अन् सोडून जाऊ नये म्हणून घातलेलं बंधन
म्हणजे संबंध किंवा लग्न !

-

जेव्हा तुम्हाला आयुष्यात
स्थिर व्हायचं असतं
तेव्हा चुकूनही अस्थिर व्यक्तीशी
स्वतः ची सांगड घालून घेऊ नका .

-

आयुष्यात काही क्षण असे येतात
जेव्हा समजावून सांगणारा नाही
तर समजून घेणारा हवा असतो .

-

शारीरिक आकर्षण हे क्षणिक असतं

आणि प्रेम हे निरंतर !

-

खरं आयुष्य हे चालाणाऱ्यांच असतं
धावणाऱ्यांच कधीच नसतं !

-

कुणाचं डोकं कुठं चालेल
आणि मनाचा तोल कुठं हालेल

हे कुणालाच सांगता येत नाही !

-