Gum sje h palko pe....hum hotho se muskura rahe h...gum sje h plako pe hum hotho se muskura rahe h...khair chodiye aap apni msti m mashroof h...jo hum aapko jinda najar aa rahe h
- blindeyes_a

-

Raat ka saya tha..
Ghor andhera chhaya tha...
Insaan k chehre m...
Fir ek haiwaan aaya tha...
Uss raat fir koi cheekha...
Koi fir chillaya tha...
Or kisi ne sunkar..
Uss awaz ko firse dabaya tha...
Kisi ne usse badchalan...
Kisi ne besharam bulaya tha..
Kisi ne usse hi...
Haiwaniyat ka gunahgaar theraya tha....
Chhoti si jaan thi wo...
Jamane se anjaan thi wo...
Maa ki ladli..
Or apne papa ki pehchaan thi wo...
Uss din lachar thi wo..
Darindo ka shikaar thi wo...
Jo kahani kagajo m dab gai...
Aisi hi kahani ka saar thi wo...
Uss raat wahi dam toda usne
Apne maa baap...apne parivaar apne yaaro ko chhoda usne...
Har kadam pe jin spno k liye ldti thi...
Unhi sapno ko bhi wahi chhoda usne...
Ussi kahani ka ek or hissa ho gai...
Kitaab k panno m shumaar ho gai...
Jo kahani dafan kr di gai thi kabhi...
Ussi kahani m milkar dafan ho gai...
–blindeyes_a

-

Sar pe saji chandni ka
Wo chand sa ho jata hai...
Raato m muskurate
Wo khubsurat khwab sa ho jata haii..
Kalam se likhe hue
Har ek alfaaz sa ho jata haii..
Saanjh dhale m likhne bethu
Wo khayalo m chala aata hai..
Kalam utha m pyaar likhu..
Wo misra bn ubhar aata haii..
Wo dil se seedha panno pr utarta
Wo lafzo se tarasha jata haiii
Har mehfil m mein pdu usse..
Wo gazal mukkammal ho jata haii..
-blindeyes_a

-

Beeta bchpan ghar m apni jagah banane m
Hum kis ghr ka hissa hai..
Ye baat khud ko smjhane m..
Ek arsa beeta baat smjh aane lagi..
Na ye ghr apna na wo ghr apna..
Majburiya ye batlane lagi..
Koshish jari rahi logo ko apna banane m..
Ek pal na lia unhone hume paraya darshane m..
-blindeyes_a

-

Itni uljhi si zindagi se behtar hai
Hume maut hi naseeb ho jaye..
–blindeyes_a

-

Khud ka frz nibhati
Wo papa ka bhi frz nibhane lagi
Sanskaar sikhati wo hume
Duniyadari bhi smjhane lagi
Laad ladati wo hume
Hamari daat bhi lagane lagi
Ghar smbhalti wo
Ghar chalane bhi lagi
Ek tarfa jimmedari ki hakdaar
Dohri jimmedari nibhane lagi
Pareshaniya jhelkar
Wo hume hasane lagi
Aankhon m aansu leke
Wo khud muskurane lagi
Ek kirdaar m hokar
Wo har kirdaar nibhane lagi
Wo maa ka pyaar toh deti h
Har rishte ka pyaar bhi jatane lagi
Wo maa hai meri
Jo papa ka frz bhi uthane lagi
–blindeyes_a
Happy Father's Day maa❤
And to all the single moms out there as well❤

-

Na tumne pucha
Na hum kabhi bata paye
Seh lia sb kuch
Or kuch bhi na jata paye..
Rokna chaha bahut rishto ko
Pr unko na rok paye
Khade the unke intzaar m aise
Hum aage hi na badh paye
Waade bahut the
Pr wo ek bhi na nibha paye
Rishte bahut the
Or wo ek bhi na nibha paye
–blindeyes_a

-

Jo baat keh nhi skte...
Wo likh kr bayan krte hai..
Badsaluki toh unki hai..
Jo iske baad bhi isse najarandaaz krte hai.
–blindeyes_a

-

Wo na puchte hai or na hum batana chahte hai..
Kr toh rahe h apne frz pure pr kuch jatana nhi chahte...
–blindeyes_a

-

Agr m har roj rooth jau..
Toh tum mana paoge kya...
Agr mere nakhre bahut jyada h
Toh tum utha paoge kya..
Jaise maa mera khayal rakhti h
Tum rakh paoge kya...
Roj galtiya dohrau
Tum maaf kr paoge kya..
Kabhi aakh se aansu aaye
Tum hasa paoge kya
Or jo kabhi bacchi bn jau..
Toh haath se khila paoge kya..
Ye sawal m tumse har roj puchu..
Toh bina gussa kiye roj jawab de paoge kya...
Or itni khamiyo k baad bhi
Jindagi bhar saath nibha paoge kya?
–blindeyes_a

-