நடந்ததை நினைத்து
நிறைய விழி நீரை
விரயமாக்கிய பின்பு தான்
உரைத்தது மூளைக்கு 

கடந்து செல்வதைத் தவிர
வேறு வழியில்லை என்று...

இப்போதெல்லாம்
துரோகங்களை
மறப்பதும் மன்னிப்பதும்
வழக்கமாகி விட்டது
காலத்தின் கைகளில்
ஒப்படைத்த பின்...

-

-

மௌனத்தை உணர்ந்த பின்னும்
ஏளனமாய் பார்க்கிறாய்!
ஔடதமாய் இருக்க வேண்டிய நீயும்
யௌதகமாய் சினத்தை தந்து
அசௌகரியத்தைத் தருகிறாய்! - என்
லௌகீகம் முழுமையும் காரிருள் சூழ்ந்து
மௌனமாய் திராணியற்று
நிற்கிறேன் உன் முன்னே!!!...

-

காந்த ஈர்ப்பு கொண்ட
கண் மை பூசிய
கரு விழிகளையும்

தேன் சுவை மிஞ்சிய
செந் நிறம் பூசிய
செவ் விதழ்களையும்

மென்மையாய் தீண்டி
அழுத்தமாய் முத்தமிட
காதோரம் சிணுங்கியபடியே

காற்றில் அசைந்தாடி
காத்திருக்கும்
கார்குழலுக்கு

என் ஏக்கத்தின் சாயலே!!!!

-

நிறைந்திருக்கும் அமைதியில்
உறைந்திருக்கும் மனக்குமுறல்களை

இரைந்து கிடக்கும் மணித்துளிகளில் - நீ
அணைத்திருக்கும் ஓரிரு கண நேரத்தில்

கரைந்து கொள்ள தேடுதடி
சற்றே உன்னில் தொலைய
விழிநீர் வழிந்தோடிய படியே...

-

பரிகாரம் என்பது.....

-

ஒவ்வொரு இரவும்
தவறாமல்
வந்து விடுகின்றன
விண்மீன்கள்

ஒற்றை வானில்
உலாவும்
பொன்னிறம் போர்த்திய
வெண் நிலவை தரிசிக்க....

-

-

-

உயிரற்று
உடைந்து போன
இதயத்திற்குள்ளும்
உயிரோட்டமாய்
உன் நினைவுகள்....

-