વરસી પડીશ હું અષાઢી હેલી થઈને અવિરત,
વૈશાખના તાપ સમું તું પહેલાં તપી તો જો...

-

એવો તો પ્રેમ ધરતી અંબરનો,
ભાર થાય વાદળને ને હૈયું ધરાનું ઉકળાય,
ઠારવા ધરણીના અંગે અંગ,
નભ સર્વસ્વ ખાલી થઈ જાય...

-

સમજાય બીજાની વણકહી વેદના,
એજ સાચી સંવેદના

-

મોટો તો થઈ ગયો છું હું હવે,
પણ મારું બાળપણ મને હજીય યાદ આવે છે...
(Read in Caption👇🏼)

-

મન ભરીને સંઘર્ષ સ્વીકારી લઈશ હું,
મને થોડોક સુખી થતો તું હજમ કર હવે..

-

મથ્યો હું શું એને સ્હેજ ભાવપુષ્પે સજાવવા,
વેરી થઈ આવ્યો સમયનો અસવાર,
એ સપનાં ભાસે મને હવે બિહામણાં..

-

હું ફક્ત યાદ બનીને રહી જાઉં,
એની પહેલાં યાદ કરી લેજે..
રણકાર વિસરાઈ જાય તારા સ્વરનો
બસ એની પહેલાં સાદ કરી દેજે..

-

પથ્થરમાં પણ હું ધબકું હૃદય બની,
જો તું બને એનો શ્વાસ...

-

છાંટા પડે ને હું બાલ્કનીમાં ચ્હાનો કપ ભરીને ઊભી રહી જાઉં છું,
તું યાદ આવે છે,આંખોમાં ભીનાશ આવે છે ને ચા ઠરી જાય છે...

-

સવાલ કરાય છે, છે ક્યાં તું હવે?
નથી સમજાતું શું કહું હું જવાબમાં,
વસે છે તું મારી કવિતાઓ અને યાદમાં,
વરસતાં વાદળને જોઈ ભીંજાતા આભમાં,
આકાશને રડતું જોઈ ભીની થઈ આવતી આંખમાં,
હૈયાના કોક ખૂણે ધરબાયેલા સંબંધની રાખમાં,
તું પ્રત્યક્ષ નથી જ દેખાઈ આવતી મારી દરેક વાતમાં,
અને તને એટલું યાદ ન રાખી શક્યો એની ફરિયાદમાં...

-