Har aankhon ki apni kahani,
Aankhon ka apna nazariya hota hai (X2)
Har kisi pe do hoti hai,
Par dekhte dono ek hi hai
Kehne ko dono saathi hai,
lekin inme bhi duriya hoti hai
Chupke se dekhne ke liye ek,
Aur chauk jaane pe dono khulti hai
Yeh aankhein boht dogli hai,
Kai baar muh ke jagah khud boldeti hai
Aankhon ki apni surkhiyaan,
Aankhon ka apna dhandha hota hai
Ek aankh ko dekhne ke liye kambaqt khudke paas bhi aankh hona zaruri hota hai,
Aankho ka apna kad hota hai,
Yeh boht nakchadi hoti hai
Ki nazar bhi inn ankhon se lagti hai,
Aur kaajal ki shuruaat bhi yahi se hoti hai
Do avsthaano ke beech mein,
Toh yeh aankhein bas ek puliya hai
Aankhein khuli rakhu toh yeh sansaar,
Aur band krdu toh mere sapno ki duniya hoti hai
Lekin in aankhon ka waham dekho,
In aankhon ki chalaki kitni
Inki kavita mein galat shabd na likhu krke,
Inhone meri palak bhi nahi jhapkayi hoti hai
Ki har aankhon ki apni kahani,
Har aankhon ka apna nazariya hota hai
-