#ರಾಮ

ಸಾಗರದ ನೋವಿಗೆ ಸಾಂತ್ವನ ನೀಡುವ
ರವಿಯ ಉರಿಯ ತಣಿಸಿದವನು,
ನೋವು ಮರೆಸೋ ಸಂಗೀತದ ಒಂಟಿತನದ
ರಾಗಕ್ಕೆ ತೆಳುನಗುವಿನ ಮುಲಾಮು ಹಚ್ಚಿದವನು!

-

ಹೈವೆ ಸಾಗಿ ಸೇರಬಹುದಾದ ನೂರು ಮೈಲಿಯ ಶಹರಲ್ಲ,
ಕಾಲುದಾರಿಯ ಕೊನೆತುದಿಯಲ್ಲೇ ಕಾನನ ಅಲೆಸುವ ಕಂಪು;

#ನಿನ್ನ ನೆನಪು!

-

ನೀ ಬರುವ ನಾಳೆಗಳ
ಇಂದು ನಾ ಕಾಯಲಾರೆ,
ನೀನಿರದ ಬದುಕಿನಲಿ
ಖುಷಿಯನೆಂದು ಹುಡುಕಲಾರೆ!

ಸಂಜೆ ತಂಗಾಳಿಗಳನ್ನು
ನಿನ್ನ ದನಿಗಿನ್ನೆಂದು ಹೋಲಿಸಲಾರೆ,
ಸಾಮ್ಯತೆ ಹುಡುಕುವ ನೆಪದಲ್ಲಿ
ಕಣ್ಮರೆಯಾದ ಮಾತುಗಳ ನೆನೆಯಲಾರೆ!

ಇನ್ನೆಂದು ಮುಂಜಾವಿನ ಬೆಳಗಿನಲ್ಲಿ
ನಿನ್ನ ನೆನಪನ್ನೇ ಮೊದಲಾಗಿಸಲಾರೆ,
ನಿದಿರೆ ಇರದ ರಾತ್ರಿಗಳಿಗೆ
ನಿನ್ನ ಹೆಸರನೆಂದೂ ಇಡಲಾರೆ!

ಮುಗಿದುಹೋದ ಸಮಯಕ್ಕೆ
ಮತ್ತೆ ಹಿಂದುರುಗಿ ಹೋಗಲಾರೆ,
ಅನಂತಕಾಲಕ್ಕೂ ನಿನ್ನ ಪ್ರೇಮಿಸು-
ವುದನೆಂದೂ ಮರೆಯಲಾರೆ!!

-

ನಿನ್ನ ಪ್ರೇಮದ ಪ್ರತೀ ನೆನಪೂ ಕರಗುತಿದೆ ನನ್ನೊಳಗೆ;


ಮಸಣದಿಂದ ಹೊರಟ ಧೂಳೊಂದು ಕಣ್ಣಾಲಿಯ ಕೆಂಪಾಗಿಸುವಂತೆ!

-

ಎದೆಯ ಬೆಂಕಿ ಮನವ ಸೋಕಿ
ಮನದ ಗಾಯ ತನುವ ಕೆದಕಿ
ಬೇಸರ ನಗೆಯ ಆವರಿಸಿದಾಗ,
ಬರೆಸುವುದು ಮತ್ತದೇ ಕನ್ನಡ!

-

ಆಡುವ ಮಾತುಗಳಲಿ ಸಿಹಿಯೇ ಉಂಟಂತೆ,
ನಗುತಿರಲು ಹೂವುಗಳಿಗೂ ನಾಚಿಕೆ ಬಂದಂತೆ,
ಇವಳ ಮುಗ್ಧಮನಸಿಗೇ ಸೋಲದವರು ಯಾರು ಇಲ್ಲವಂತೆ,
ಪರಶಿವನಿಗೂ ಇವಳಿಗೂ ವಿಶೇಷವಾದ ಭಾಂದವ್ಯ ಇದೆಯಂತೆ,
ಅವಳೆಲ್ಲ ಬರಹಗಳು ಒಂದಕ್ಕಿಂತ ಒಂದು ಚೆಂದವಂತೆ,
ಅಲಂಕರಿಸಿ ತುಟಿ ಬಿರಿದು ನಕ್ಕರೆ ಥೇಟ್ ಮುದ್ದುಗೌರಿಯಂತೆ,
ಮೌನರಾಗದೊಳಗೂ ಮಾರ್ದನಿಸೋ ಇವಳು 'ಪಲ್ಲವಿ'ಯಂತೆ!

-

ಶ್ಯಾಮನುಸಿರು ತಾಕದ ಬಿದಿರು ನಾನು,
ಕಲ್ಲಿಗೂ ಜೀವತುಂಬೋ ಶ್ರೀರಾಮ ನೀನು!

-

ನಿನ್ನ ಮಾತುಗಳಿಲ್ಲದ ಸಂಕ್ರಾಂತಿಯ
ಸಿಹಿಯಾಗಿಸಲು ಆ ಸಕ್ಕರೆಯ ಕಬ್ಬು ಸೋತಿತ್ತು!

-

ನನ್ನೆಲ್ಲ ಕಣ್ಣೀರಿನ ಚೂರುಗಳ ಕೂಡಿಸಿದವನಿಗೆ ಕಂಡಿದ್ದು,

ಅವನದೇ ಪ್ರತಿಬಿಂಬ!

-

#Krishna

The only name which bring backs darkened souls from the black holes of saddness.

-