ଝରା ପତ୍ର ସହ ମନର ସାଲିସ
ଆଜି ଦେଖିଲେ ତାକୁ ଭାବିବିନି
ହଜିଯାଉଛି ମୁଁ, ଅଜସ୍ର ତୁରଙ୍ଗଙ୍କ ଭିଡ଼ରେ
ମୁଁ ପଛରେ ପଡ଼ିଯାଉଛି, ବ୍ୟର୍ଥ ଜୀବନ ପାତ୍ର
ଭରିବାକୁ ବାକି ଅଛି ବହୁତ କିଛି,
ବାସ୍ ପରଲଗା ଭାବନାମାନଙ୍କୁ
ମନର ପଟ୍ଟଭୂମିରେ ସ୍ଥାନ ଦେବାର
ଅଭ୍ୟାସ ଯେବେଠାରୁ ପାଇଛି
ଠିକ୍ ସେ ଚଢ଼େଇଟା ଭୁଲି ଯାଇଛି,
ପ୍ରଥମ ଗୀତ ଗାଇବାର ସଂଘର୍ଷ,
ଖଣ୍ଡିଉଡ଼ା ଦେବାକୁ କରିଥିବା ପରିଶ୍ରମ,
ପଥଶ୍ରମ ଦୁନିଆ ପାଇଁ ନାଲିଆଖିର ଚିଜ,
ବାସ୍ ଆଉ ଗୋଟିଏ ବାହାନା,
ଜୀବନ, ତୁମକୁ ଆଜି ନୁହେଁ
କାଲି ବୁଝିନେବି, ହେଲା !
ଆଉ କ'ଣ ରହିଲା କି,
ସେଇ ଜୀବନ ସହ ମୂଷା ଦୌଡ଼ରେ
ବାହାନା ବନେଇ ପ୍ରତ୍ୟାଖ୍ୟାନ କରିଚାଲିଛି।
ସମସ୍ତଙ୍କ କଥା ସେପାଇଁ
କିଛି କୂପମଣ୍ଡୁକ କେବେ ବଦଳନ୍ତିନି,
ବାଃ ବାହାନା, ବାଃ..!

-

Dejection is a strange business
Strikes you in myriad ways,
Ends you up in an abyss of darkness
It was a similar dejection,
I stopped chirping to birds
Those daily songs, I encased myself
In that old bookshelf,
Half basked in moonlight,
Half baked in the twilight
Of my shattered dreams
That stuck on my wall,
Made its way through
Frozen time, I wanted to
Go back, but where..
I found you, found a way
To cuff myself up,
Gathered my broken pieces
Learnt how to make
A fist of determination,
It's now an addiction
To put together the pieces of my puzzle
Slowly surrendering them
To glowing words,
Sometimes warmth I get,
Sometimes it does get fiery.
But it's that light
which keeps me going.
Yes, that twilight saga
Called ' you ' is the chained yearning
Of this prisoner.

-

ତଫାତ୍ ଏତିକି, ସେଦିନ ସୁନେଲି କିରଣ ସହ
ତୁମ ହସରେ ଶୁଖା ପତ୍ରରେ ଜୀବନ ପଶୁଥିଲା,
ଆଜି କିନ୍ତୁ ଧୂସର ଅତୀତର ଅଗଣାରେ ପ୍ରଚୂର ସେମାନେ,
କିନ୍ତୁ ଦୂର ଦୂର ଯାଏଁ ଦିଶୁଛି କି କଡ଼ ଲେଉଟା ଜୀବନ, କିଏ ଜାଣେ ?

-

ସେଦିନ ପତ୍ରମେଳେ ଚଢ଼େଇ ଗୁଣୁଗୁଣୁ ହେଉଥିଲେ
ସଯତ୍ନେ ସଜଡ଼ା ବଗିଚା ଥିଲା ସତେ ଚିରସବୁଜ
ଆଜି ସେ ଚିହ୍ନା ପାଦ ପାଇଁ ଉପବନ ଅମଡ଼ା,
ଚଢ଼େଇଙ୍କ କିଚିରିମିଚିରିରେ ଝରି ପଡ଼ନ୍ତି ଆଉ କିଛି ଶୁଖା ପତ୍ର।

-

ଯାଉଥିଲି ନିର୍ଝର ଦେଇ ବସନ୍ତ ସମୀରଣେ,
ବିରହିଣୀ ପତ୍ରଝଡ଼ା ହଠାତ୍ ଦିଶେ ଶୁଖା ପତ୍ର ଗଣେ
ନିର୍ଝର ପୁଣି ଆସିଲା ପଥ ବାଙ୍କି ମୋ ପଥେ
ତହିଁର ଭସା ଶୁଖା ପତ୍ର, ଭାସିବା ହିଁ ସାର ଜୀବନ ସାଥେ।

-

ସେଦିନ ନବୀନ ଆବେଗର ଜ୍ଵାଳା ଲୁଚାଇବାକୁ ସତେଜ ପତ୍ର ପଛେ,
ଆଜି ଶୁଖା ପତ୍ର କିଛି ଜାଳୁଛି ଯେସନ ପୁରୁଣା ଅଭିମାନ ଜଳେ।

-

ବାଟବଣା ପଥିକକୁ ଆଉ ଟିକେ ବାଟବଣା ହେବାକୁ ଦେ,
କ‌ଅଁଳ ଆଖିର ନିଶିପଦ୍ମରୁ
ସ୍ଵପ୍ନର ପାଖୁଡ଼ା ଛିଣ୍ଡାଇ ଦେ ନା !

-

जब कपबोर्ड में रखी
कुर्ती सहमी सी मिलती है,
उसके नीचे छिपा कर रखी
यादों की फ़ाइल से
दस्तावेज़ गायब जाते हैं।

स्मृतियाँ खो जाने पर
अनजाने भूत बतियाने लगते हैं,
उनमें से एक बनने की राह पर
बस डर.. !

-

ଶୁଣ, ଏଥର ଲାଲ ରଙ୍ଗ ଆଣିବ,
ଖାତାର ଶେଷ ପୃଷ୍ଠାର ସବୁ ରହସ୍ୟ,
ଚୁପ୍‌ଚାପ୍ ଥାଇ ବି କେତେ ଗୋଳମାଳ !
ଏଥର ଖାତାର ବାକି ପୃଷ୍ଠାକୁ ଲାଲ ସ୍ୟାହିରେ
ଭରିଦେବା, ଆଗକୁ ଦେଖ
ମୋନୋକ୍ରୋମ୍ ଜୀବନଟା ଭଲ ଲାଗୁଛି କି ନାହିଁ..।
ନୀଳ ସହିତ ଲାଲ, ଖାତା ଦେଖି,
ପାର୍ଥକ୍ୟ ଦେଖି ସମୟ ହେବ ବେହାଲ୍।

-

ଯେତେକ କଟାଦାଗ ମୋର
ତାଙ୍କୁ ତୁମେ କର ଦୂରୁ ଜୁହାର,
ଏଥିପାଇଁ ଯେ ସେମାନେ ଘୃଣ୍ୟ,
ବିଭତ୍ସ ଅତୀତର ମୂକସାକ୍ଷୀ,
ନା ତୁମ ଭିତରର ସେ
କୋହ ମିଶା ମୋହର ମୁଖଶାଳା,
ତୁମ ଆତ୍ମକଥାର ଦ୍ଵନ୍ଦ୍ଵମୟ ସ୍ଵରର
ଭଗ୍ନ ଶିଳାର ଭଙ୍ଗା ଦେଉଳ !

-