കത്തികരിഞ്ഞൊരാത്മാവിനുള്ളിൽ..
ചുക്കി ചുളിഞ്ഞൊരു ഹൃദയമുണ്ട്.
ചുക്കി ചുളിഞ്ഞൊരു
ഹൃദയത്തിനുള്ളിൽ
വാടി തളർന്നൊരു പൂതിയുണ്ട്..
എന്നിലെ പൊട്ടി
തകർന്നൊരുപാത്രത്തിൽ
ഒന്നുകിളിർക്കുമോ
ജീവാംശമേ..?
ഒരുകോടി സ്വപ്നത്താൽ
പാറിപറക്കുവാൻ
ഒരു ചിറകായി തളിർക്കുമോ
എൻ പൈതലേ...




(അമീനത്ത് അമി)

-

വീട്ടിലെ പഴയ സാധനം
കൊടുത്താൽപോലും
ഇങ്ങോട്ട് വിലകിട്ടും..
എന്നിട്ടാണോ
നമ്മൾ പൊന്നുപോലെ
വളർത്തിയ നമ്മുടെ പെണ്മക്കളെ
കൊടുക്കുമ്പോൾ അങ്ങോട്ട്
പൊന്നും പണവും
കൊടുക്കുന്നത് ???
എന്താ.. വീട്ടിൽ ഇരിക്കുന്ന
പഴയ സാധനം
എടുക്കാൻ വരികയാണോ
ചെക്കനും കൂട്ടരും??

(അമീനത്ത് അമി)

-

രാവും പകലും
രണ്ടായി വേഷമിട്ട്
മടുത്തു തുടങ്ങി...





( അമീനത്ത് അമി )

-

ജീവിക്കാൻ മറന്നുപോയവളെ
സ്വാഗതം ചെയ്യുന്ന വിജനമായ വീഥിയിൽ..
അവൾക്കായി ഏകാന്തത ഒരുക്കി കാത്തിരിക്കുന്ന അവളുടെ കാമുകൻ...
ഭൂമിയിൽ നിന്നും മറ്റൊരു ലോകത്തേക്ക് അവളെ ആനയിക്കാനുള്ള തിടുക്കത്തിൽ അവൾക്കായി മണിമഞ്ചൽ ഒരുക്കി കാത്തിരിക്കുന്നവൻ മാത്രം..





( അമീനത്ത് അമി )

-

നാളെ ചിലപ്പോൾ
അവർ അപരിചിതരായേക്കാം.
ഒരുച്ചരടിൽ തീർത്ത
ഓർമകളും കൊണ്ട്
രണ്ടുവഴിക്ക് നടന്നവർ...


( അമീനത്ത് അമി )

-

അവസാനായിട്ട്
നീ കുത്തിയത്
ചങ്കിനിട്ടല്ലേ?

ഒറ്റക്കുത്തിൽ
തന്നെ അവൾ
മരിച്ചു.

ഇനി ഇപ്പൊ
സ്നേഹത്തിന്റെ
പേരും പറഞ്ഞു
ശല്യപ്പെടുത്താൻ
അവൾ വരില്ല...



( അമീനത്ത് അമി )

-

അർഹിക്കാത്തവരെ നെഞ്ചിൽ കൊണ്ടുനടന്നാൽ കരയാനേനേരം കാണു...






( അമീനത്ത് അമി )

-

എന്ത് കണ്ടിട്ടാണ് ഈ അഹങ്കാരം ?
എന്ന ചോദ്യത്തിന്റെ ഒരേ ഒരുത്തരം...
എന്റെ ഉപ്പ

( അമീനത്ത് അമി )

-

ഉയരങ്ങളിലേക്ക് പറക്കാൻ കൊതിച്ചവൾക്ക്
മുന്നിൽ ഇന്ന് ആകാശവും ചിറകുകളുമില്ല..
സ്വപ്നങ്ങളുടെ ഭാണ്ഡകെട്ട്
ഇറക്കിവെച്ചവൾക്ക് മുന്നിൽ
എല്ലാ വാതിലുകളും കൊട്ടിയടക്കപ്പെട്ടു...
എല്ലാം അവസാനിച്ചു എന്നറിഞ്ഞിട്ടും
പ്രതീക്ഷയുടെ നേർത്തവെട്ടം ഉള്ളിലെവിടെയോ അണയാതെ എരിയുന്നു ഇന്നും ...




( അമീനത്ത് അമി )

-

ഒരു പെണ്ണായി പിറന്നതുകൊണ്ടു
ഞാൻ നിന്നെ വെറുക്കുന്നു....
നെഞ്ച് തകർന്ന് കരഞ്ഞാലും പറയും..
"നിർത്തിക്കോ നിന്റെ കള്ള കണ്ണുനീരെന്ന് "
ഇനി ഒരിക്കലും കരായില്ലെന്നുറപ്പിച്ചാലും മറ്റുള്ളവർക്കുമുമ്പിൽ
കോമാളിയാക്കിടും നീ എന്നെ...




(അമീനത്ത് അമി )

-