Hai wo lafz kaha jo sile labon ko kol de
Hame wo zariya chahiye jo tujhe mera bol de
Is shor si zindagi me tumhe sukoon sa ghol de
Haa wo shaks tu hai jisse dil har pal apna bol de

-

Wo ishq hi kya jisme dil jala na ho
Wo ashra hi kya jo aankho se chalka na ho
Toote tho wo bhi jinki zubaan nhi hoti
Wo mohabbat hi kya jiske liye rooh fanna na ho

-

Ek boond tha jo ankho me bana
Ek dard tha jo sapno me chupa
Wo gehra hota gya waqt ke sath
Jo tha kabhi kareeb dur hota gya

-

Yu bikhar gye zamane ki daud me
Simte bhi tho kiske liye
Yu chithde udde is raftaar me
Silte bhi tho kiske liye

-

Aaj jheel me doob gye tho ghrayi na mili
Jo jhanka bhitar tho girte hi chale gye

-

Salon saal hame ek khaab dekha hai
Par har modh par hamne usse sath dekha hai
Chahe wo bike se chakkar kaatna ho
Ya chahe kisi ko road pe dekh story banana
Hai ek paglaa yaaron ka yaar mera
Usse mere bagal me hamesha sath dekha hai

-

Aaj wo din yaad aaye
Kisse hai purane se
Wo dhundle dhundle yaad aaye
Aaj wo shaam yaad aayi
Milte the ham unse
Wo halki halki barsaat yaad aayi
Aaj hame tum yaad aayi
Ankho me dube the jaise
Wo hathon me hath yaad aaye

-

Tasveer me simate nazaare hai
Kya khoob waqt ne saware hai
Har subha ko suraj ne nikhaar di
Shaam ko baithe samandar kinare hai
Ungliya khojti pal pal tere hathon ko
Kyuki har pal adhure bin tumhare hai

-

Dard ansuon me dabe hai
Ham dabe hai bojh ke tale
Pyaar majboor hai durion me
Ham chal rahe jhuthi muskaan liye

-

Fisle samhale in rahon pe ham
Tute bikhare yu tukdon me ham
Simte boone yu chadar me ham
Biche savre yu kafan me ham
Insaan jiye Or insaan hi mare ham

-