ಮೌನದೊಳಗೆ ಮಡಿದು ಹೋಗಲಿ ಮನಸ್ತಾಪ
ಅಜ್ಞಾನದೊಳಗೆ ಅಳಿದು ಹೋಗಲಿ ಮನದ ಕೋಪ..

-

ಮೊಗದ ಹೊರ ಭಾವವನು ತಿಳಿಯದ ಜೀವ
ಅರಿಯಲಾದಿತೇ ಮನಸಿನ ಅಂತರಾಳದ ನೋವ.

-

ಚಿಂತೆಯಲಿ ಚಿತೆ ಏರುವ ಜೀವನ
ಇಂದೆ ಹೊಂದಲಿ ನೆಮ್ಮದಿಯ ಮರಣ.

-

ನಿದ್ದೆ ಬಾರದೆ ಒದ್ದಾಡುವ ಗೋಳು.😐

-

ಮನ ಮಸಣವಾಗಲು ನಿನ್ನ ಮೌನ ಸಾಕು
ದಿನ ದೀನವಾಗಲು ನೆಮ್ಮದಿಗೆ ಮರಣ ಬೇಕು.

-

ನಿನ್ನ ಅಗಣ್ಯ ಒಲವಿನ ಅನುರಾಗಕೆ ಅರಸಿ ಬಂದ ಅಕ್ಷತೆ ನಾನು.
ನನ್ನ ನಗಣ್ಯ ನಲಿವಿನ ಜೀವಕೆ ವರವಾಗಿ ಬಂದ ನವೀನತೆ ನೀನು.

-

ನಿನ್ನ ಆ ದಣಿದ ದೇಹಕೆ ನನ್ನ ಪಿಸು ಮಾತಿನ ಉಸಿರು ಬೇಕು,
ನನ್ನ ಈ ಲೇಖನಿಯ ದಾಹಕೆ ನಿನ್ನ ನೆನೆದು ಬರೆವ ಸಾಲುಗಳೇ ಸಾಕು..

-

ನುಡಿ ನುಡಿಯಲಿ ಎಲ್ಲರೂ ನನ್ನವರು ಎನ್ನುವ ಹೊರ ಭಾವ
ನಡೆಯಲಿ ಕಾಣದಿದ್ದಾಗ, ಕಲ್ಲಾಗಿ ತಿರಸ್ಕರಿಸಿದೆ ನೊಂದ ಜೀವ.

-

ಕೊಂಕು ನುಡಿಯಲಿ ಬಿಂಕ ತೋರುವ ಪ್ರತಿ ಮನ,
ಮಂಕು ಮೆರೆಸುವ ಕೊನೆಗಾಲದಲಿ ನೋವಿನ ಸುಂಕ
ಸುರಿಸದೆ ಮುಗಿಸದು ಭೂಮಿ ಋಣ.

-

ಬೆಣ್ಣೆ ಮಾತಿಗೆ ಬೇಗ ಬೆರಗಾಗುವ ಹುಚ್ಚು ಜನರ-ಮನ,
ಬಣ್ಣ ಹಚ್ಚಿದ ಭಾವನೆಗೆ ಹೆಚ್ಚು ಮರುಳಾಗುವರು ಕ್ಷಣ-ಕ್ಷಣ.

-