-

You can touch my chords
With your ingenuous
emotions...

I'm that guitar
You can tune my strings
With your legitimate
happiness...

-

നീ...
ഞാൻ വായിച്ച വരികളിലെ
തീവ്രഭാവമായിരുന്നു...

നീ...
ഞാനറിഞ്ഞ നേരിൻ്റെ
വിങ്ങുന്ന മനസാഴമായിരുന്നു...

നീ...
ഞാനലിഞ്ഞ പാട്ടിൻ്റെ
വറ്റാത്ത ശ്രുതിതാളമായിരുന്നു...

നീ...
ഞാൻ മിഴിനട്ടിരുന്ന
നടനത്തിൻ്റെ ചടുലതയായിരുന്നു...

നീ...
ഞാനെരിഞ്ഞമർന്ന
ജ്വലിക്കുന്ന അഗ്നിയാഴങ്ങളായിരുന്നു...

നീ....
ഞാനറിയാതെ പോയ
ചേതനയെഴുന്ന കനവായിരുന്നു...

-

ഇഷ്ടങ്ങളെക്കുറിച്ച് ആകുലതപ്പെടുന്നവർക്ക്
ഇഷ്ടങ്ങളെന്നും നഷ്ടമാകുന്നു ഹോ...

-

അറിയാതെ അറിഞ്ഞ്...
അറിഞ്ഞതിൽ നിന്നടുത്ത്...
അടുക്കുന്തോറും,,
ആഴങ്ങളിൽ വീണലിഞ്ഞ്...
അലിയുന്തോറും മനസൊന്നാകുന്ന
അപൂർവ്വ സംഗമമാണോ പ്രണയം,??

-

നീ മാത്രമായിരുന്നു
എൻ്റെ ഹൃദയത്തിൻ്റെ
അഗാധതയിൽ
ചേർന്നു പുണർന്നത്...
നിനക്ക് മാത്രമായിരുന്നു
എൻ്റെ വേദനകൾക്ക്
താങ്ങാകുവാൻ
കഴിയുമായിരുന്നുള്ളൂ...
എന്നിട്ടും....

-

ചവറ്റുകൊട്ടയിൽ സ്ഥാനം പിടിച്ചത് പോലും
ചിക്കിയും പെറുക്കിയും ചികഞ്ഞും നോക്കി
കണക്കുപുസ്തകത്തിൻ്റെ ഭാഗമാക്കവെ
ഞാനും നീയും മാത്രം അവശേഷിച്ചുവോ....
ഒപ്പം നമുക്കായ് വിടർന്ന ആകാശവും..

-

മാഞ്ഞുപോയവരുടെ
ഓർമകളിലാകാം
ഇന്നും നാം ജീവിക്കുന്നത്

-

മാറ്റത്തിൻ്റെ ശംഖൊലി മുഴങ്ങുന്ന
വാനിൽ നിന്നൊരു
കാഹളം കേൾപ്പു ഞാൻ...
കനവിലെവിടെയോ മറന്നുവച്ച
മഷിതണ്ടിൻെറ ശേഷിപ്പുകൾ
വീണ്ടും അവതരിക്കെ;
നിലാക്കുളിരിൻ്റെ കാന്തിയുമായി
വിണ്ണിൽ നിന്നും മണ്ണിനെ കാണ്മൂ
അനശ്വര നക്ഷത്രം!!

രജനീയാമം ഒളിമിന്നിമറയവെ,
ചന്ദ്രബിംബം പ്രതിഫലിക്കെ,
അനുഭവത്താഴ്‌വരയിൽ
വഴിയറിയാതെ.....
കൂട്ടിനാ നക്ഷത്രത്തെയും
നോക്കി ഞാനിരിപ്പൂ....

-

പറയാൻ കൊതിച്ച
വാക്കുകളത്രയും
മിഴിത്തുമ്പിലൊളിപ്പിച്ച്
ഈ രജനിയും മറയുന്നു...
എഴുതാൻ മറന്ന
വരികളെ തേടുവാൻ
വീണ്ടും ഞാനിവിടെ...

-