You should never commit to anything
that makes it hard for you
to wake up in the morning
with a peaceful head!

-

Jaise sitaare hain dheron aasmaa mein, par suraj se hi dharti ki shaan hoti hai..
Jaise kai saari kitaabon mein se, Bhagwat Gita sabse gunwaan hoti hai..
Jaise vibhinna coffeeyon ki bheed mein bhi, chai ki chuski mein hi jaan hoti hai..
Waise hi, dost bahut kam hote hain asal mein, baakiyon se bas jaan-pehchaan hoti hai..

-

Saare gile tumhi se, har shikayat tumhi se,
Kyunki dil mein mere hai mohabbat tumhi se..
Saari khushiyan tumhi se, saari nadaniyan tumhi se,
Aur karni bhi hai to bagawat tumhi se..
Toot ke bikharne ke manzar to hazar hain,
Par thos khadi hai dil ki imaarat tumhi se..

-

Mere hisaab se:

Har ladki ko belan pakadna aana chahiye..
Lekin uske saath kalam,
mic, gaadi ki steering aur
zaroorat pade to
talwaar pakadna bhi aana chahiye!

-

Aye dil mere, aakhir tu kya chahta hai?
Chhoti si baaton pe tu itna kyun karahta hai?
Arrey kya hua agar cheera gaya tujhe baar baar..
Ye mat bhoolna ke tu kisi ka nikaahta hai..

Sikhaaya gaya tujhe ki ghar mein khushiyaan hi bharna,
Ye bhi ki ghar ki dehleez paar kabhi na karna..
Aur bhale hi wahan tujhe koi apna na samjhe,
Aye dil mere tu hamesha dheeraj dharna..

Aaj, hai pata mujhe, ghawahil hai tu,
Kitna sambhaalu tujhe, dilaasa kitna du..
Dafna de jazbaat jo bhi hain tere andar,
Kyunki paraya hi rahega tu, chahe mein kitna hi kar lu..

-

Is saal ki thand ki kuch alag hi baat hai..
Mausam laajawaab aur thande jazbaat hai..
Par ye na samajhna ki pahunch rahi hai dil ko thandak mere, kyunki..
Is masoom se dil ke to bade ghamgeen halaat hai..

Hain sab yahan, par apna koi nahi,
Pinjara to pinjara hai, sone ka hi sahi..
Chehre hain muskuraate, par khushi na rahi,
Na jaane kaise logon ki ye ajeeb jamaat hai..

Sab jaante hue bhi anjaan rehna padta hai,
Kai baar to mera mann, khud mujhse hi ladta hai..
Shatranj mein Rani ko jaise maat de rahe ho pyaade,
Shayad yahan meri bas waisi hi bisaat hai..

-

You may call me selfish,
But I always want to be the one my children cling to..
Whenever there’s rain, thunder and the clouds are roaring..
Literally and figuratively!

-

Kuch kehna hai mujhe us chand se,
Ki aaj zara chhup ke rahe..
Aakhir mera yaar aaya hai!

Kuch kehna hai mujhe us raat se,
Zara der tak rahe..
Aakhir mera yaar aaya hai..

Un badalon se mujhe,
Koi shikwa nahi..
Aakhir unhi ne chand chhupaya hai..

Par bas ye iltejaah hai meri ki wo baarish na baraayein,
Aakhir mera yaar aaya hai..

-

Dil ke dariya mein mere,
Tum, gote laga kar to dekho,
Pathhar bhi tair jayenge,
Tum, naam apna likhwa kar to dekho,
Gehraiyaan to itni hain ki sama jaaye poori duniya ismein,
Par tumhein us paar pahuncha dengi meri lehrein,
Tum bas ek baar hukm farma kar to dekho..

-

If you atleast “feel” remorse
For the wrong that you’ve done to someone,
That proves that you have a good heart..

But when you act upon it,
And make things right..
That makes you a good person altogether!

-